ନୂଆଦିଲ୍ଲୀ,୧୭/୧୧: ଭାରତୀୟ ଜୀବନ ବୀମା ନିଗମ (ଏଲ୍ଆଇସି) ୨୦୨୫ରେ ଦେଶର ସ୍ୱାସ୍ଥ୍ୟ ବୀମା ଶିଳ୍ପରେ ପ୍ରବେଶ କରିବା ନେଇ ଢ଼େର ସମ୍ଭାବନା ରହିଛି । ଦେଶର ଏକ ପ୍ରମୁଖ ସ୍ୱାସ୍ଥ୍ୟ ବୀମା ସେବା ପ୍ରଦାନକାରୀ କମ୍ପାନିରେ ଏଲ୍ଆଇସି ଅଂଶଧନ ହାସଲ କରିବାକୁ ଯୋଜନା ରଖିଛି । ଏହା ଦ୍ୱାରା ଦେଶର ସର୍ବବୃହତ୍ତ ବୀମା ସେବା ପ୍ରଦାନକାରି କମ୍ପାନିର ବଜାର ସ୍ଥିତି ଆହୁରି ଦୃଢ଼ ହେବ ବୋଲି ଆଶା କରାଯାଉଛି ।
ଗତ ସପ୍ତାହରେ ଏଲ୍ଆଇସି ଏମ୍ଡି ସିଦ୍ଧାର୍ଥ ମହାନ୍ତି କହିଥିଲେ, ଚଳିତ ଆର୍ôଥକ ବର୍ଷ ବୀମା କମ୍ପାନିରେ ଅଂଶଧନ କ୍ରୟ ନେଇ ଯୋଜନା ରହିଛି । ଏ ନେଇ ଆବଶ୍ୟକୀୟ କାର୍ଯ୍ୟପନ୍ଥା ଗ୍ରହଣ କରାଯାଉଛି । ୨୦୪୭ ସୁଦ୍ଧା ସାର୍ବଜନିନ ବୀମା ସୁବିଧା ପହଞ୍ଚାଇବା ଦିଗରେ ସରକାର ଲକ୍ଷ୍ୟ ରଖିଛନ୍ତି । ଏଲ୍ଆଇସିର ସ୍ୱାସ୍ଥ୍ୟ ବୀମାରେ ପ୍ରବେଶ ଏହି ଧାରାକୁ ଆହୁରି ଦୃଢ଼ କରିବ ବୋଲି ଆଶା କରାଯାଉଛି । ଗ୍ଲୋବାଲ ଡାଟା ରିପୋର୍ଟ ମୁତାବକ, ଚଳିତ ବର୍ଷ ଦେଶର ସ୍ୱାସ୍ଥ୍ୟ ବୀମା ଶିଳ୍ପ ୧୨.୫% ବୃଦ୍ଧି ହୋଇ ୧.୩ ଲକ୍ଷ କୋଟି ଛୁଇଁବ । ୨୦୨୮ ବେଳକୁ ଏହା ୨.୧ ଲକ୍ଷ କୋଟି ଛୁଇଁବା ନେଇ ଆକଳନ କରାଯାଇଛି ।
