ଭୁବନେଶ୍ୱର, ୨୮।୧ : ଭୁବନେଶ୍ୱର ଆଚାର୍ଯ୍ୟ ବିହାର ବହୁ ଚର୍ଚ୍ଚିତ ଡବଲ ମର୍ଡର ଘଟଣା I ୧୨ ବର୍ଷ ପରେ ଡବଲ ମର୍ଡର ଘଟଣାର ରାୟ ପ୍ରକାଶ ପାଇଛି। ଏହି ଘଟଣାରେ ଗିରଫ ହୋଇଥିବା ୪ ଅଭିଯୁକ୍ତଙ୍କୁ ଅତିରିକ୍ତ ଦୌରା ଜଜ ଦୋଷୀ ସାବ୍ୟସ୍ତ କରିବା ସହ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଅଭିଯୁକ୍ତମାନେ ହେଲେ ବିଜୟ ୟାଦବ, ରଣଜିତ ଜେନା, ପ୍ରିୟରଞ୍ଜନ ପତି, ବୁଟୁ ଜେନା। ସେତେବେଳେ ବିଜୟ ୟାଦବ ବିବିଏ ଛାତ୍ର ଥିବାବେଳେ ରଣଜିତ ଜେନା ଓ ପ୍ରିୟରଞ୍ଜନ ପତି ଏମବିଏ ଛାତ୍ର ଥିଲେ। ଅନ୍ୟ ଅଭିଯୁକ୍ତ ବୁଟୁ ଜେନା ଜଣେ ଦୋକାନୀ ଥିଲେ।
୨୦୧୨ ମସିହା ସେପ୍ଟେମ୍ବର ୧୩ ତାରିଖରେ ଆଚାର୍ଯ୍ୟ ବିହାରରେ ବୃଦ୍ଧ ଦମ୍ପତିଙ୍କୁ ଅତି ବିଭତ୍ସ ଭାବେ ହତ୍ୟା କରାଯାଇଥିଲା I ମୃତ ଦମ୍ପତି ଥିଲେ ଅବସର ପ୍ରାପ୍ତ ଇଞ୍ଜିନିୟର କୃଷ୍ଣ ବିହାରୀ ପାଣିଗ୍ରାହୀ ଓ ଜ୍ୟୋସ୍ନାଦେବୀ ପାଣିଗ୍ରାହୀ I ଲୁଟ କରିବା ଉଦ୍ଦେଶ୍ୟରେ ବୃଦ୍ଧ ଦମ୍ପତିଙ୍କୁ ୪ ଅଭିଯୁକ୍ତ ହତ୍ୟା କରିଥିଲେ I ଅଭିଯୁକ୍ତମାନେ ଭଡା ଘର ଖୋଜିବା ବାହାନାରେ ଦମ୍ପତିଙ୍କ ଘର ଭିତରେ ପଶିଥିଲେ।
