ଭୁବନେଶ୍ୱର,୦୧/୦୨: ଦୀର୍ଘ ୮ ବର୍ଷ ପରେ ଶ୍ରୀଲିଙ୍ଗରାଜଙ୍କ ବ୍ରାହ୍ମଣ ନିଯୋଗର ନିର୍ବାଚନ ରବିବାର କରାଯିବାକୁ ନିଷ୍ପତ୍ତି ନିଆଯାଇଛି । ନିଯୋଗ ପ୍ରକୋଷ୍ଠରେ ଏହି ନିର୍ବାଚନ ହେବ । ପରିଚାଳନା କମିଟି ପାଇଁ ୨୨ ଜଣ ସଦସ୍ୟ ନିର୍ବାଚିତ ହୋଇସାରିଛନ୍ତି । ଶ୍ରୀଲିଙ୍ଗରାଜଙ୍କର ବିଭିନ୍ନ ନୀତିକାନ୍ତିକୁ ନେଇ ବିଭିନ୍ନ ସମୟରେ ବିଭ୍ରାଟ ଦେଖାଯାଉଥିବା ବେଳେ ବିବାଦ ଲାଗି ରହୁଥିଲା । ଏବେ ଏହି ନିର୍ବାଚନ ପରେ ସମସ୍ତ ନୀତିକାନ୍ତି ଶାନ୍ତିଶୃଙ୍ଖଳା ସହ ହେବ । ଏଥିସହ ସବୁ କିଛି ସସସ୍ୟାର ସମାଧାନ ଆଲୋଚନା ମାଧ୍ୟମରେ କରାଯିବ ବୋଲି ଅନୁମାନ କରାଯାଉଛି ।
