ଭୁବନେଶ୍ୱର ୦୮/୦୬:  ଶ୍ରୀଲିଙ୍ଗରାଜ ବ୍ରାହ୍ମଣ ନିଯୋଗରେ ନବନିର୍ବାଚିତ ବୋର୍ଡ ଓ ପୂର୍ବତନ ବୋର୍ଡ  ସଦସ୍ୟଙ୍କ ମଧ୍ୟରେ ବିବାଦ ତୁଟିବାର ନା ଧରୁନି । ଗତ ଜାନୁଆରୀ ନିର୍ବାଚନ ପରେ ନାରାୟଣ ମହାପାତ୍ର ନିଯୋଗର ପ୍ରାଥମିକ ଦାୟିତ୍ୱ ନେଇ ମହାପ୍ରଭୁଙ୍କ ସେବାକାର୍ଯ୍ୟର ସୁପରିଚାଳନା କରି ଆସୁଥିଲେ ମଧ୍ୟ ବିରଞ୍ଚି ପତିଙ୍କ ପୁରାତନ ବୋର୍ଡ ଏ ପର୍ଯ୍ୟନ୍ତ ଆର୍ଥିକ ଦାୟିତ୍ୱ ହସ୍ତାନ୍ତର କରିନାହାନ୍ତି ।  ଇତିମଧ୍ୟରେ ନାରାୟଣ ମହାପାତ୍ରଙ୍କୁ ନିଯୋଗ ପ୍ରତିନିଧି ଭାବରେ ସରକାର ଶ୍ରୀଲିଙ୍ଗରାଜ ମନ୍ଦିର ଟ୍ରଷ୍ଟବୋର୍ଡରେ ମନୋନୀତ କରିଛନ୍ତି । ଏହାକୁ ନେଇ ଉଭୟ ପକ୍ଷ ମଧ୍ୟରେ  ଅସନ୍ତୋଷ ତୀବ୍ର ଥିବାବେଳେ ବିରଞ୍ଚି  ପତିଙ୍କ ପୁରାତନ ବୋର୍ଡ ଦ୍ୱାରା ରବିବାର ଚନ୍ଦନ ଭୋଜିର ଆୟୋଜନ ବିବାଦକୁ ଆହୁରି ଅଧିକ କରିଛି । ପୁରୁଣା ବୋର୍ଡର  ସଦସ୍ୟମାନେ ନିଯୋଗ ଅଫିସର ତାଲା  ଭାଙ୍ଗିବା ନେଇ ଶ୍ରୀଲିଙ୍ଗରାଜ ଥାନାରେ  ଅଭିଯୋଗ ହୋଇଛି । ଏଭଳି ପରିସ୍ଥିତିରେ ରବିବାର ହେବାକୁ ଥିବା ଚନ୍ଦନ ଭୋଜିରେ  ଭୀଷଣ ଗଣ୍ଡଗୋଳର ଆଶଙ୍କା ଉପୁଜିଛି ।