ସିଂଘିଯୁବା,୧୩/୦୭:ସୁବର୍ଣ୍ଣପୁର ଜିଲ୍ଲା ରାମପୁର ବଜ଼ାରରେ ଥିବା ବହୁ ପ୍ରତିଷ୍ଠିତ କପଡା ଓ ସୁନା ଦୋକାନର  ଚୋରି।  ଦୁଇ ଜଣ ଚୋରକୁ ରାମପୁର ପୁଲିସ ଧରିଥିବାବେଳେ ଜଣେ ଫେରାର ଥିବା ଜଣାପଡ଼ିଛି। ସୂଚନା ମୁତାବକ, ଗତକାଲି ମଧ୍ୟ ରାତ୍ରିରେ ରାମପୁର ବସ୍ତି ରୋଡସ୍ଥିତ ଜେ. କିଶନ ମେହେର କପଡା ଦୋକାନ ଓ ସରଫ ଜୁଏଲେରୀରେ ତିନି ଜଣ ଚୋର ପଶିଥିଲେ।  ସେଠାରେ ଷ୍ଟ୍ରିଟ ଲାଇଟ ଜଳୁନଥିବା ବେଳେ ଅନ୍ଧାରର ସୁଯୋଗ ନେଇ ତିନି ଜଣ ଦୁର୍ବୁତ୍ତ ଦୋକାନକୁ ତାଡି ଚୋରି କରୁଥିଲେ। ଏନେଇ ରାମପୁର ପୁଲିସ ପାଟ୍ରୋଲିଂ କରୁଥିବା ବେଳେ ସନ୍ଧେହ ହେବାରୁ ପାଖକୁ ଯାଇ ଉଭୟ ଦୁଇ ଚୋରକୁ ଧରି ଥିବାବେଳେ ଜଣେ ଫେରାର ମାରିଥିଲା। ତେବେ ଧରା ପଡ଼ିଥିବା ଚୋର ହେଲେ ବସେକେଲର ରତ୍ନା ରାୟ,ରାଇଟିକର ମିଳନ ସାହୁ  ଆଉ ଅନ୍ୟ ଜଣେ ଫେରାର ମାରିଥିବା ଚୋର ସମୟ ବୋଲି ଜଣାପଡିଛି। ଉଭୟ ଚୋରକୁ ଥାନାରେ ରଖି ଅଧିକ ତଦନ୍ତ ଜାରି ରଖିଥିବା ଥାନା ଅଧିକାରୀ ପଦ୍ମସିନୀ ମେହେର ସୂଚନା ଦେଇଛନ୍ତି ।