ଗୁଜରାଟ: ଆଇପିଏଲର ୬୪ତମ ମ୍ୟାଚରେ ଲକ୍ଷ୍ନୌ ସୁପରଜିଆଣ୍ଟସ ଗୁଜରାଟ ଟାଇଟାନ୍ସକୁ ୨୩୬ ରନର ଟାର୍ଗେଟ ଦେଇଛି। ଗୁଜରାଟର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ହେଉଥିବା ଆଜିର ମ୍ୟାଚରେ ଜିଟି ଟସ୍ ଜିତିବା ସହ ବୋଲିଂ କରିବାକୁ ବାଛିଥିଲା। ଲକ୍ଷ୍ନୌ ୨୦ ଓଭର ସୁଦ୍ଧା ଦୁଇ ୱିକେଟ୍ ହରାଇ ୨୩୫ ରନ୍ ସଂଗ୍ରହ କରିଥିଲା। ନିକୋଲାସ ପୁରନ୍ ୨୭ ବଲରୁ ୫୬ ରନ୍ କରି ଅପରାଜିତ ରହିଥିଲେ। ଅଧିନାୟକ ରିଷଭ ପନ୍ତ ୬ ବଲ୍ ରୁ ୧୬ ରନ୍ କରି ଅପରାଜିତ ରହିଥିଲେ।
ଓପନର ମିଚେଲ ମାର୍ଶ ୬୪ ବଲ୍ରେ ୧୦ ଚୌକା ଏବଂ ୮ ଛକା ସହାୟତାରେ ୧୧୭ ରନର ପାରି ଖେଳିଥିଲେ। ସେ ଆଇପିଏଲରେ ତାଙ୍କର ପ୍ରଥମ ଶତକ ହାସଲ କରିଛନ୍ତି। ସେ ଚଳିତ ସିଜିନରେ ଶତକ ହାସଲ କରିବାରେ ପ୍ରଥମ ବିଦେଶୀ ଖେଳାଳି ହୋଇଛନ୍ତି। ସିଜିନରେ ଏପର୍ଯ୍ୟନ୍ତ ମୋଟ୍ ୭ଟି ଶତକ ପୂରଣ ହୋଇସାରିଛି। ମାର୍ଶଙ୍କ ବ୍ୟତୀତ ଏଡେନ୍ ମାର୍କରାମ ୨୪ ବଲ୍ ରୁ ୩୬ ରନ୍ ହାସଲ କରିଥିଲେ। ଅରଶଦ ଖାନ ଏବଂ ସାଇ କିଶୋର ଗୋଟିଏ ଲେଖାଏଁ ୱିକେଟ ପାଇଥିଲେ।
