ପାଟନା,୧୦/୦୬: 'ନିଃସନ୍ତାନ ମହିଳାଙ୍କୁ ଗର୍ଭବତୀ କର, ୧୦ ଲକ୍ଷ ନିଅ ' । ଏମିତି କିଛି ଜବ୍ ଅଫର ନେଇ ଫୋନ୍ କଲ ଆସୁଛି । ସାଇବର କ୍ରାଇମ୍ର ନିଆରା ଷ୍ଟାଇଲ ଆପଣେଇଛନ୍ତି ସାଇବର ଅପରାଧୀ । ଘଟଣାରେ ଏକ ଗ୍ୟାଙ୍ଗର ପର୍ଦ୍ଦାଫାସ୍ କରିଛି ବିହାର ପୁଲିସ । ୩ ଜଣକୁ ଗିରଫ କରିଛି ।
ପୁଲିସ ସୂଚନା ଅନୁସାରେ ଅଫରରେ, ନିଃସନ୍ତାନ ମହିଳାଙ୍କୁ ଗର୍ଭବତୀ କରିବା ବଦଳରେ ତାଙ୍କୁ ୧୦ ଲକ୍ଷ ଟଙ୍କା ଦେବାକୁ କହୁଥିଲେ । ଏହା ସହିତ ୫୦ ହଜାର ଦେଲେ ୫ ଲକ୍ଷ ଟଙ୍କା ଦିଆଯିବ ବୋଲି ପ୍ରତିଶ୍ରୁତି ଦେଉଥିଲେ । ସାଇବର ଅପରାଧୀ ଗ୍ୟାଙ୍ଗର ୩ଜଣଙ୍କୁ ଗିରଫ କରାଯାଇଛି । ସେମାନେ 'ଅଲ୍ ଇଣ୍ଡିଆ ପ୍ରେଗେଣ୍ଟ ଜବ ସର୍ଭିସ' ଏବଂ 'ପ୍ଲେବଏ ସର୍ଭିସ' ନାମକ ଗ୍ୟାଙ୍ଗ ଚଳାଉଥିଲେ । ସାମାଜିକ ଗଣମାଧ୍ୟମରେ ସେମାନେ ପ୍ରଥମେ ବିଜ୍ଞାପନ ଦେଉଥିଲେ । ଏହାପରେ ସେମାନଙ୍କୁ ଲୋକ ଫୋନ୍ କରୁଥିଲେ । ଏହାପରେ ଲୋକ ନିଜ ନିଜ ନାମ ପଞ୍ଜୀକରଣ କରୁଥିଲେ । ସେମାନଙ୍କ ଜାଲରେ ପଡୁଥିଲା ଲୋକଙ୍କଠୁ ସେମାନେ ଟଙ୍କା ନେଉଥିଲେ ।
ବିହାରର ନବାଦା ଜିଲ୍ଲାରେ ସାଇବର ପୁଲିସର ଏସଆଇଟି କବଜାରେ ପଡିଛନ୍ତି ଏହି ଗ୍ୟାଙ୍ଗ । ମହିଳାଙ୍କୁ ଗର୍ଭବତୀ କରିବା ନେଇ ବିଭିନ୍ନ ରାଜ୍ୟର ଲୋକଙ୍କୁ ଲକ୍ଷାଧିକ ଚୁନା ଲଗାଇଛନ୍ତି ଏହି ଗ୍ୟାଙ୍ଗ । ଏମିତି ଅପରାଧ ଘଟାଉଥିବା ଏକ ଗ୍ୟାଙ୍ଗର ପର୍ଦ୍ଦାଫାସ କରିଛି ପୁଲିସ । ଏସଆଇଟି ଗୃହମନ୍ତ୍ରଣାଳୟ ପୋର୍ଟାଲରେ ଉପଲବ୍ଧ ମୋବାଇଲ୍ ନମ୍ବର ଟ୍ରାକ କରି ପୁଲିସ ଉକ୍ତ ଗ୍ୟାଙ୍ଗର ୩ଜଣଙ୍କୁ କାବୁ କରିଛି । ଅଭିଯୁକ୍ତଙ୍କ ମଧ୍ୟରେ ଜଣେ ସେନାଙ୍କ ପୁଅ ହୋଇଥିଲା କୁହାଯାଉଛି । ସେମାନଙ୍କଠୁ ୫ଟି ମୋବାଇଲ, ଗୋଟିଏ କି-ପ୍ୟାଡ ଜବତ ହୋଇଛି । ଗିରଫ ଅଭିଯୁକ୍ତ ୩ଜଣ ହେଲେ ପ୍ରିନ୍ସ ରାଜ, ଭୋଳା କୁମାର ଓ ରାହୁଲ କୁମାର ।
