ମୁମ୍ବାଇ,୧୯/୧୧: ରାତି ପାହିଲେ ମହାରାଷ୍ଟ୍ର ବିଧାନସଭା ନିର୍ବାଚନ । ହେଲେ ଶାସକ ବିରୋଧୀଙ୍କ ମଧ୍ୟରେ ବୟାନବାଜି ଜାରି ରହିଛି । ବିଜେପିକୁ ଜୋରଦାର ଟାର୍ଗେଟ କରିଛନ୍ତି ଖଡଗେ । ବିଜେପି ଓ ଆରଏସଏସ ବିଷଧର ସାପ ବୋଲି କହିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ।
ବିଜେପି ଓ ଆରଏସଏସକୁ ବିଷଧର ସାପ ସହ ତୁଳନା କରି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଛନ୍ତି ଏହା ରାଜନୈତିକ ଭାବରେ ଏହା ବିପଦ । ଗତକାଲି (ସୋମବାର) ମହାରାଷ୍ଟ୍ରର ସାଙ୍ଗଲିରେ ଏକ ରାଲିକୁ ସମ୍ବୋଦନ କରି ବିଜେପି ଓ ଆରଏସଏସକୁ ଟାର୍ଗେଟ କରିଥିଲେ ଖଡଗେ । ସେ କହିଥିଲେ ତୁମକୁ ଜଣାନାହିଁ ବିଜେପି ଓ ଆରଏସଏସ ବିଷଧର ସାପ । ତୁମକୁ ଜଣାଅଛି କି ବିଷଧର ସାପ ସହ କଣ କରିବା ଦରକାର । ଯଦି ବିଷଧର ସାପ କାହାକୁ କାମୁଡେ ତେବେ ତାର ମୃତ୍ୟୁ ହୋଇଥାଏ । ଏପରି ବିଷଧର ସାପକୁ ମାରି ଦେବା ଦରକାର । ଦେଶରେ ରଜନୈତିକ କ୍ଷେତ୍ରରେ ଯଦି କେହି ବିପଦ ସୃଷ୍ଟି କରେ ତେବେ ତାହା ହେଉଛି ବିଜେପି ଓ ଆରଏସଏସ ।
ମହାରାଷ୍ଟ୍ରରେ କ୍ଷମତାରେ ଥିବା ନେଇ ମଲ୍ଲିକାର୍ଜୁନ ମୋଦିଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ଏହି ବିଧାନସଭା ନିର୍ବାଚନ ଦେଶର ପ୍ରଧାନମନ୍ତ୍ରୀ ବାଛିବା ପାଇଁ ହେଉନାହିଁ. ତେଣୁ ମୋଦିଙ୍କ ସତ୍ତା ହାତେଇବା ଇଚ୍ଛା କେବେ ପୂରଣ ହେବ ନାହିଁ ।
ପ୍ରକାଶ ଥାଉ କି, ଆସନ୍ତାକାଲି ମହାରାଷ୍ଟ୍ର ବିଧାନସଭା ନିର୍ବଚନ ନେଇ ଭୋଟ ଗ୍ରହଣ ହେବ । ୨୮୮ ଆସନରେ ମତଦାନ ସାବ୍ୟସ୍ତ କରିବେ ଜନତା । ମେଣ୍ଟ ସରକାର ମହାୟୁତି ଓ ମହା ବିକାଶ ଅଘାଡି ମଧ୍ୟରେ ଜୋରଦାର ଟକ୍କର ହେବ ବୋଲି ଅନୁମାନ କରାଯାଉଛି ।
