କଟକ, ୩/୧୨ : ସିଙ୍ଗାପୁରରେ ନାମୀ କାର୍ ନିର୍ମାତା କମ୍ପାନୀରେ ଚାକିରୀ କରାଇ ଦେବା ନାଁରେ ଜଣେ ବ୍ୟକ୍ତିଙ୍କଠାରୁ ଅନଲାଇନରେ ସାଇବର ଠକ ଲୁଟି ନେଲେ ଏକ ଲକ୍ଷ ୭୦ହଜାର ଟଙ୍କା। ଏହି ଠକାମୀର ଶିକାର ହୋଇଛନ୍ତି କଟକ ଶ୍ରୀ ବିହାର କଲୋନୀ ଅଞ୍ଚଳର ବିଶ୍ଵଦୀପ ସେନ୍। ଗତ ଅଗଷ୍ଟ ମାସରେ ଗୋଟିଏ ପୋର୍ଟାଲରେ ଏକ ନିର୍ଦ୍ଦିଷ୍ଟ କାର ନିର୍ମାତା କମ୍ପାନୀରେ ଚାକିରୀ ଥିବା ଜାଣିବାକୁ ପାଇଥିଲେ ବିଶ୍ଵ ଦିପ । ଏମିତିକି ଏକ ଲକ୍ଷ ୨୦ହଜାର ଦରମା କଥା ମଧ୍ୟ ଉଲ୍ଲେଖ କରାଯାଇଥିଲା ଏଥିରେ।
ଏହାକୁ ଦେଖି ବିଶ୍ୱ ଦିପ ଅଗଷ୍ଟ ମାସରେ କମ୍ପାନୀ ସହ ଯୋଗାଯୋଗ କରିଥିଲେ । ଏହାପରେ କମ୍ପାନୀ ନାମରେ ତାଙ୍କଠାରୁ ବିଭିନ୍ନ ପର୍ଯ୍ୟାୟରେ ସମସ୍ତ ଟଙ୍କା ନେଇଥିଲେ। ଏମିତିକି ସେପ୍ଟେମ୍ବର ମାସରେ ଚାକିରି ଦେବା ପାଇଁ କହିଥିଲେ ହେଲେ କୌଣସି ସୁଫଳ ମିଳି ନ ଥିଲା। ଏମିତିକି ଯେତେବେଳେ ନଭେମ୍ବର ମାସ ପର୍ଯ୍ୟନ୍ତ ଚାକିରି କରାଇବା ନାମରେ ଖେଳି ଚାଲିଥିଲେ ସାଇବର ଠକ। ଶେଷରେ ବିଶ୍ୱଦୀପ ସାଇବର ଥାନାରେ ଅଭିଯୋଗ କରିବା ସହ କ୍ରାଇମବ୍ରାଞ୍ଚ୍ ଅର୍ଥନୈତିକ ଅପରାଧ ଶାଖା ଓ ଆଜି କଟକ ଡିସିପିଙ୍କୁ ଭେଟି ଅଭିଯୋଗ କରିଛନ୍ତି। ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ନିବେଦନ କରିଛନ୍ତି ବିଶ୍ୱଦୀପ ଓ ସମାଜସେବୀ ।
