ବଣାଇ,୨୨/୧୨: ଘରୁ ବାହାରିବା ବେଳେ ଆକ୍ରମଣ କଲା ଦନ୍ତା । ଚାଲିଗଲା ବ୍ୟକ୍ତିଙ୍କ ଜୀବନ । ମୃତ ବ୍ୟକ୍ତି ଜଣକ ଧରଣୀଧର ପାତ୍ର ବୋଲି ଜଣାପଡ଼ିଛି । ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜ ଜକେଇକେଲା ଗ୍ରାମ ପଞ୍ଚାୟତ ସାହିରେ ଏଭଳି ଘଟଣା ଘଟିଥିବା ଖବର ସାମ୍ନାକୁ ଆସିଛି ।
ସୂଚନା ମୁତାବକ, ବଣାଇ ରେଞ୍ଜ ଜକେଇକେଲା ଗ୍ରାମ ପଞ୍ଚାୟତ ସାହିର ଧରଣୀଧର ପାତ୍ର ନାମକ ଜଣେ ବ୍ୟକ୍ତି ରାତିରେ ଘରୁ ବାହାରକୁ ଯାଉଥିଲେ । ଏହି ସମୟରେ ଏକ ହାତୀ ହଠାତ୍ ତାଙ୍କ ଉପରେ ଆକ୍ରମଣ କରିଥିଲା । ବ୍ୟକ୍ତିଙ୍କୁ ଟାଣି ନେଇ କଚାଡ଼ି ଦଳି ଦେଇଥିଲା ଦନ୍ତା । ଫଳରେ ବ୍ୟକ୍ତି ଜଣକ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ । ଏହା ଦେଖି ତାଙ୍କ ପରିବାର ଲୋକେ ତୁରନ୍ତ ବନ ବିଭାଗର କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବନ ବିଭାଗର କର୍ମଚାରୀ ପହଞ୍ଚି ବ୍ୟକ୍ତିଙ୍କ ମୃତଦେହ ଜବତ କରିଛନ୍ତି । ପରେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛନ୍ତି ।
