ନୂଆଦିଲ୍ଲୀ,୧୯/୦୮: ଦେଶକୁ ମିସ୍ ୟୁନିଭର୍ସ ଇଣ୍ଡିଆ ୨୦୨୫ ମିଳି ସାରିଛି । ରାଜସ୍ଥାନ ଜୟପୁରରେ ଅନୁଷ୍ଠିତ ମିସ୍ ୟୁନିଭର୍ସ ଇଣ୍ଡିଆ ୨୦୨୫ ପ୍ରତିଯୋଗିତାରେ ମନିକା ବିଶ୍ୱକର୍ମା ମୁକୁଟ ପିନ୍ଧାଇଛନ୍ତି। ମିସ୍ ୟୁନିଭର୍ସ ଇଣ୍ଡିଆ ଟାଇଟଲ ଜିତିବା ପରେ ମନିକା ବିଶ୍ୱକର୍ମାଙ୍କ ମୁହଁରେ କେବଳ ହସ ଆଉ ହସ ଦେଖିବାକୁ ମିଳିଥିଲା । ରାଜସ୍ଥାନର ଗଙ୍ଗାନଗରର ବାସିନ୍ଦା ମନିକା ବିଶ୍ୱକର୍ମା ବର୍ତ୍ତମାନ ଦିଲ୍ଲୀରେ ମଡେଲିଂ କରୁଛନ୍ତି । ମିସ୍ ୟୁନିଭର୍ସ ଇଣ୍ଡିଆ ହେବା ପରେ ମନିକା ବିଶ୍ୱକର୍ମା ଏକ ଲମ୍ବା ଉଡ଼ାଣ ପାଇଁ ପ୍ରସ୍ତୁତ ହେଉଛନ୍ତି । ମନିକା ୭୪ତମ ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିବେ ।
ମିସ୍ ୟୁନିଭର୍ସ ଇଣ୍ଡିଆ ୨୦୨୫ ଟାଇଟଲ ଜିତିବା ପୂର୍ବରୁ ମନିକା ବିଶ୍ୱକର୍ମା ମିସ୍ ୟୁନିଭର୍ସ ରାଜସ୍ଥାନ ୨୦୨୪ର ମୁକୁଟ ପିନ୍ଧିଥିଲେ । ଏହା ପରେ, ସେ ଦିଲ୍ଲୀରେ ମଡେଲିଂରେ ଏଣ୍ଟ୍ରୀ କରିଥିଲେ । ଏବେ ମନିକା ବିଶ୍ୱକର୍ମାଙ୍କ ଦାୟିତ୍ୱ ବଢ଼ିଛି। ସେ ଚଳିତ ବର୍ଷ ଶେଷସୁଦ୍ଧା ଥାଇଲାଣ୍ଡରେ ଅନୁଷ୍ଠିତ ହେବାକୁ ଥିବା ୭୪ତମ ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିବେ । ମିସ୍ ୟୁନିଭର୍ସ ପ୍ରତିଯୋଗିତାରେ ୧୩୦ଟି ଦେଶର ସୁନ୍ଦରୀମାନେ ଅଂଶଗ୍ରହଣ କରିବେ ।
ମିସ୍ ୟୁନିଭର୍ସ ମୁକୁଟ ପିନ୍ଧିବା ପରେ ମନିକା କହିଛନ୍ତି,''ସଂଘର୍ଷ ଅପେକ୍ଷା ପ୍ରସ୍ତୁତିର ଏକ ଯାତ୍ରା ରହିଥାଏ । ମୋର ଏକ ଯାତ୍ରା ଥିଲା । ଗଙ୍ଗାନଗରରୁ ଦିଲ୍ଲୀ ଆସି ପ୍ରସ୍ତୁତି ଆରମ୍ଭ କରିଥିଲି । ସବୁଠୁ ବଡ଼ କଥା ହେଲା ଆତ୍ମବିଶ୍ୱାସ ଏବଂ ଉତ୍ସାହ ଆମକୁ ଆଗକୁ ନେଇଥାଏ । ସମସ୍ତଙ୍କର ବଡ଼ ଭୂମିକା ରହିଛି । ମୋ ମେଣ୍ଟରଙ୍କୁ ବହୁତ ଧନ୍ୟବାଦ । ଆଜି ମୁଁ ଯେଉଁଠି ପହଞ୍ଚିଛି ସେ ନେଇ ସମସ୍ତଙ୍କୁ ଧନ୍ୟବାଦ । ସୁନ୍ଦୀର ପ୍ରତିଯୋଗିତା କେବଳ ଏକ ଫିଲ୍ଡ ନୁହେଁ ଏହା ଏକ ଦୁନିଆ ଯାହା ଲୋକଙ୍କୁ ଗଢେ । ଏ ଯାତ୍ରା ମୋ ପାଇଁ ବହୁତ ସ୍ପେସାଲ ଥିଲା । ଏବେ ମୋର ଲକ୍ଷ୍ୟ ହେଉଛି ମୋର ସର୍ବୋତ୍ତମ କ୍ଷମତା ସହିତ ଭାରତକୁ ପ୍ରତିନିଧିତ୍ୱ କରିବା ଏବଂ ମିସ୍ ୟୁନିଭର୍ସ ମୁକୁଟ ଘରକୁ ଆଣିବା...' ''
#WATCH | Jaipur: Miss Universe India, Manika Vishwakarma says, "Rather than struggle, we have a journey of preparation. My journey began in my city, Ganganagar. I came to Delhi and prepared for the pageant. We need to inculcate self-confidence and courage in ourselves. Everyone… https://t.co/J79dPyeANk pic.twitter.com/IyE3MJzgM0
— ANI (@ANI) August 18, 2025
