ଜହ୍ନ।ପଙ୍କ,୨୩/୫: ବୌଦ୍ଧ ପୁଲିସ ପକ୍ଷରୁ ଓଲଣ୍ଡା ଗ୍ରାମରୁ ୧୬୦କେଜି ଗଞ୍ଜେଇ ଜବତ ମାମଲାରେ ଗିରଫ ଜଣେ ମହିଳାଙ୍କୁ କୋର୍ଟ ଚାଲାଣ କରାଯାଇଛି । ସୂଚନା ଅନୁସାରେ ଓଲଣ୍ଡା ଗ୍ରାମର ଜନୈକ ବ୍ୟକ୍ତିଙ୍କ ଘରେ ବ୍ୟବସାୟ ଉଦ୍ଦେଶ୍ୟରେ ଗଞ୍ଜେଇ ମହଜୁଦ୍ ଥିବା ଖବରପାଇ ବୌଦ୍ଧ ପୁଲିସ ଗୁରୁବାର ୧୦ଟା ସମୟରେ ଚଢଉ କରିଥିଲା l ସମ୍ପୃକ୍ତ ବ୍ୟକ୍ତିଙ୍କ ଘର ପଛ ପାଖ ବସ୍ତାରୁ ଗଞ୍ଜେଇ ବାହାରିଥିଲା । 

ମାଜିଷ୍ଟ୍ରେଟଙ୍କ ସାମ୍ନାରେ ଓଜନ କରାଯିବାରୁ ତାହା ୧ କୁଇଣ୍ଟାଲ ୬୦କେଜି ହୋଇଥିଲା । ଉକ୍ତ ମାମଲାରେ ପୁଲିସ୍ ମେନକା ସ୍ୱାଇଁ (୪୦) ଙ୍କୁ ଗିରଫ କରିବା ସହ ମହିଳାଙ୍କ ନାବାଳକ ପୁଅକୁ ମଧ୍ୟ ଥାନାକୁ ଆଣିଥିଲା l ଆଜି ଅପରାହ୍ନରେ ମହିଳାଙ୍କୁ କୋର୍ଟ ଚାଲାଣ କରାଯାଇଥିବାବେଳେ ନାବାଳକକୁ ଜୁଭେନାଇଲ୍ ଜଷ୍ଟିସ ବୋର୍ଡ଼ରେ ହାଜର କରାଯାଇଥିବା ସୂଚନା ମିଳିଛି l