ନୂଆଦିଲ୍ଲୀ, ୧୯/୦୧: ଘରେ ଶୋଇଥିବା ବେଳେ ଭୟଙ୍କର ଅଗ୍ନିକାଣ୍ଡ । ନିଆଁ ଲାଗି ଗୋଟିଏ ପରିବାରର ଚାଲିଗଲା ୪ ଜଣଙ୍କ ଜୀବନ। ତେବେ ଉତ୍ତର ପ୍ରଦେଶରେ ଅଘଟଣ। ଘରେ ନିଆଁ ଲାଗି ଜଳିଗଲେ ୪ ଜଣ । ଉତ୍ତରପ୍ରଦେଶର ଗଜିଆବାଦରୁ ସାମ୍ନାକୁ ଆସିଛି ଏହି ଘଟଣା ।
ସୂଚନା ମୁତାବକ, ପରିବାର ଲୋକେ ରାତିରେ ଖାଇ ପିଇ ଏକାଠି ଶୋଇଥିଲେ । ହେଲେ ସୂର୍ଯ୍ୟଦୋୟ ଦେଖିବା ପୂର୍ବରୁ ହିଁ ଚାଲିଯାଇଥିଲା ଜୀବନ । କୌଣସି କାରଣ ହେତୁ ଘରେ ନିଆଁ ଲାଗିବା ଫଳରେ ପରିବାର ଲୋକେ ଆଉ ବାହାରକୁ ବାହାରି ପାରିଲେ ନାହିଁ । ଫଳରେ ୩୨ ବର୍ଷୀୟ ମହିଳାଙ୍କ ସମେତ ତାଙ୍କର ଦୁଇ ନାବାଳକ ଛୁଆ ଏବଂ ସମ୍ପର୍କୀୟ ଛୁଆର ମୃତ୍ୟୁ ହୋଇଛି । ତେବେ ସୌଭାଗ୍ୟବଶତଃ ସ୍ବାମୀ ସୁରକ୍ଷିତ ଭାବେ ଉଦ୍ଧାର ହୋଇଥିବା ଜଣାପଡ଼ିଛି । ତେବେ ନିଆଁ ଲାଗିବା ବେଳେ ଘରେ ସମୁଦାୟ ୮ଜଣ ରହିଥିଲେ । ଅନ୍ୟ ୨ ଜଣଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ପାଇ ପୋଲସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ନିଆଁ ଲାଗିବାର କାରଣ ଜଣାପଡି ନଥିବା ବେଳେ ସର୍ଟସର୍କିଟ ପାଇଁ ଏହା ହୋଇଥାଇପାରେ ବୋଲି କୁହାଯାଇଛି ।
