ନୂଆଦିଲ୍ଲୀ: ପାକିସ୍ତାନକୁ ଭାରତର କଡା ଚେତାବନୀ। ଏହି ସମୟରେ ଭାରତ କହିଛି ଯେ, ଯଦି ପାକିସ୍ତାନ ପିଓକେ (ପାକ ଅଧିକୃତ କାଶ୍ମୀର) ଖାଲି କରେ ତେବେ ସେ ତାଙ୍କ ସହିତ ଆଲୋଚନା କରିବ। ଭାରତ ଏବଂ ପାକିସ୍ତାନ ମଧ୍ୟରେ କୌଣସି ତୃତୀୟ ଦେଶର ହସ୍ତକ୍ଷେପକୁ ବରଦାସ୍ତ କରାଯିବ ନାହିଁ। ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଏହା ସ୍ପଷ୍ଟ ଭାବରେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଆତଙ୍କବାଦ ପାଇଁ ପାକିସ୍ତାନକୁ ଦାୟୀ କରିବା ଆବଶ୍ୟକ। ବାଣିଜ୍ୟ ଏବଂ କଥାବାର୍ତ୍ତା ଏକାଠି ହୋଇପାରିବ ନାହିଁ, ରକ୍ତ ଏବଂ ପାଣି ଏକାଠି ପ୍ରବାହିତ ହେବ ନାହିଁ।
ରଣଧୀର ଜୟସୱାଲ କହିଛନ୍ତି ଯେ ମୁଁ ମୋର ପୂର୍ବ ବ୍ରିଫିଂରେ ଏହି ବିଷୟ ବିଷୟରେ କଥା ହୋଇଥିଲି। ମୋର ଆଉ କିଛି କହିବାକୁ ନାହିଁ। ସେ କହିଥିଲେ, "ଆପଣ ମାନେ ଆମର ସ୍ଥିତି ବିଷୟରେ ଭଲଭାବରେ ଜାଣନ୍ତି ଯେ, ଭାରତ ଏବଂ ପାକିସ୍ତାନ ମଧ୍ୟରେ ଯେକୌଣସି ଆଲୋଚନା ଦ୍ୱିପାକ୍ଷିକ ହେବା ଉଚିତ। ହେଲେ ଆଲୋଚନା ଏବଂ ଆତଙ୍କବାଦ ଏକାଠି ଚାଲିପାରିବ ନାହିଁ। ଆତଙ୍କବାଦ କ୍ଷେତ୍ରରେ, ଆମେ ସେହି କୁଖ୍ୟାତ ଆତଙ୍କବାଦୀ ମାନଙ୍କୁ ଭାରତକୁ ହସ୍ତାନ୍ତର କରିବା ବିଷୟରେ ଆଲୋଚନା କରିବାକୁ ପ୍ରସ୍ତୁତ, ଯେଉଁ ମାନଙ୍କର ତାଲିକା କିଛି ବର୍ଷ ପୂର୍ବେ ପାକିସ୍ତାନକୁ ଦିଆଯାଇଥିଲା।"
ଏହା ପରେ ସିନ୍ଧୁ ଜଳ ଚୁକ୍ତିନାମା ବିଷୟରେ ସେ କହିଛନ୍ତି ଯେ, ଯେପର୍ଯ୍ୟନ୍ତ ପାକିସ୍ତାନ ସୀମାପାର ଆତଙ୍କବାଦକୁ ସମର୍ଥନ ବନ୍ଦ ନ କରିଛି, ସେପର୍ଯ୍ୟନ୍ତ ଏହା ସ୍ଥଗିତ ରହିବ। ଆମ ପ୍ରଧାନମନ୍ତ୍ରୀ କହିଛନ୍ତି, "ପାଣି ଏବଂ ରକ୍ତ ଏକାଠି ପ୍ରବାହିତ ହୋଇପାରିବ ନାହିଁ।
