ଭୁବନେଶ୍ୱର, ୨୪/୦୪: ଗତକାଲିଠୁ ନିଖୋଜ ଥିଲେ ୬ ବର୍ଷ ନାବାଳକ । ଆଜି ମିଳିଲା ମୃତଦେହ । ପଥର ଖାଦାନ ଭିତର ପାଣିରୁ ଉଦ୍ଧାର କଲା ଅଗ୍ନିଶମ ବାହିନୀ । ଯାଜପୁର ଜିଲ୍ଲା ଜେନାପୁର ଥାନା ଅଧୀନ ସାହାଣୀଡିହ ପଞ୍ଚାୟତରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଚାରଗୋଠ ଗ୍ରାମର ବାଉରୀ ବନ୍ଧୁ ରାଉତଙ୍କ ୬ ବର୍ଷର ନାବାଳକ ପୁଅ ମାମୁଁଘରେ ରହିଥିଲା । ଗତକାଲି ସାନ୍ଧ୍ୟାରେ ଘର ପାଖକୁ ଟିଉସନ୍ ଯାଇଥିଲା। ହେଲେ ଦାର୍ଘ ସମୟ ଧରି ଘରକୁ ନ ଫେରି ନଥିଲା । ଘରକୁ ନଫେରିବାରୁ ପରିବାର ଲୋକେ ବହୁ ଖୋଜା ଖୋଜି କରିଥିଲେ। ଏ ନେଇ ପରିବାର ଲୋକେ ଜେନାପୁର ପୋଲିସକୁ ଖବର ଦେଇଥିଲେ। ଏନେଇ ଖବର ପାଇ ପୋଲିସ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲା । ଶେଷରେ ଏକ ପଥର ଖାଦାନ ଭିତର ପାଣିରୁ ନାବାଳକଙ୍କ ମୃତଦେହ ଉଦ୍ଧାର ହୋଇଛି । ଅଗ୍ନିଶମ ବାହିନୀ ପକ୍ଷରୁ ନାବାଳକଙ୍କୁ ଉଦ୍ଧାର କରାଯାଇଛି । ବ୍ୟବଚ୍ଛେଦ ପାଇଁ ମୃତଦେହକୁ ଡାକ୍ତରଖାନାକୁ ପଠାଇ ଦିଆଯାଇଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ଏନେଇ ଜେନାପୁର ପୋଲିସ ଘଟଣାର ଅଧିକ ତଦନ୍ତ ଚଳାଇଛି ।
