ନିଶ୍ଚିନ୍ତକୋଇଲି, ୨୧/୦୬: ଶୁକ୍ରବାର ବିଳମ୍ୱିତ ରାତିରେ କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଦାଉଦପୁର ଗ୍ରାମ ପଞ୍ଚାୟତ ନାହଳପୁର ସ୍ଥିତ ହନୁମାନ ମନ୍ଦିରରୁ ଲୁଟ୍ । ତାଲା ଭାଙ୍ଗି ଲୁଟେରାମାନେ ଲକ୍ଷାଧିକ ଟଙ୍କାର ସାମଗ୍ରୀ ଲୁଟି ନେଇଥିବାର ଅଭିଯୋଗ ହୋଇଛି । ଖବର ପାଇ ଘଟଣାସ୍ଥଳରେ ନେମାଳ ପୁଲିସ ପହଞ୍ଚି ତଦନ୍ତ ଚଳାଇଛି ।
ସୂଚନା ମୁତାବକ, ଶୁକ୍ରବାର ବିଳମ୍ୱିତ ରାତିରେ ନାହଳପୁର ହନୁମାନ ମନ୍ଦିରର ତାଲା ଭାଙ୍ଗି ଦୁର୍ବୃତ୍ତମାନେ ହନୁମାନଙ୍କର ଏକ ରୂପା ମୁକୁଟ, ବାସନ କୁସନ, ଘଣ୍ଟ, ସମେତ ସମସ୍ତ ପୂଜା ଉପକରଣ ଓ ଏକ ମାଇକ ସେଟ୍ ଲୁଟି ନେଇଥିବାର ଅଭିଯୋଗ ହୋଇଛି । ଏ ସମ୍ପର୍କରେ ମନ୍ଦିରର ପରିଚାଳନା କମିଟି ତରଫରୁ ନେମାଳ ଥାନାରେ ଲିଖିତ ଅଭିଯୋଗ ହୋଇଛି । ଅଭିଯୋଗ ଅଧାରରେ ନେମାଳ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି । ତେବେ ଲୁଟେରାମାନେ ମନ୍ଦିର ଉପରେ ଲୋଲୁପ ଦୃଷ୍ଟି ପକେଇଥିବା କାରଣରୁ ଦେବାଦେବୀ ସୁରକ୍ଷିତ ନୁହନ୍ତି ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।
