ନୂଆଦିଲ୍ଲୀ,୦୪/୦୬: ଆସନ୍ତା ଜୁଲାଇ ୨୧ ତାରିଖରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେବ । ଅଗଷ୍ଟ ୧୨ ଯାଏ ଚାଲିବ । ଏ ନେଇ ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ସୂଚନା ଦେଇଛନ୍ତି । ଜୁଲାଇ ୨୧ରୁ ଅଗଷ୍ଟ ୧୨ ତାରିଖ ଯାଏ ସଂସଦର ଉଭୟ ଗୃହରେ ମୌସୁମୀ ଅଧିବେଶନ ଚାଲିବ । ଏଥିରେ ବହୁ ଗୁରୁତ୍ୱପୂର୍ଣ୍ଣ ବିଲ୍ ପାରିତ ହୋଇପାରେ । ବିରୋଧୀ ଦଳ ଅପରେସନ ସିନ୍ଦୂର ଏବଂ ପହଲଗାମ ଆତଙ୍କୀ ଆକ୍ରମଣକୁ ନେଇ ଲଗାତାର ସ୍ୱତନ୍ତ୍ର ଅଧିବେଶନ ଦାବି କରି ଆସୁଛନ୍ତି । ଏହାରି ଭିତରେ ମୌସୁମୀ ଅଧିବେଶନ ନେଇ ତାରିଖ ସ୍ଥିର ହୋଇଛି । ଅପରେସନ୍ ସିନ୍ଦୂର ଉପରେ ବି ସରକାର ନିୟମ ଅନୁସାରେ ଚର୍ଚ୍ଚା କରିବାକୁ ପ୍ରସ୍ତୁତ ହେଉଛନ୍ତି ।
ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ କହିଛନ୍ତି କି,'' ଚଳିତ ଅଧିବେଶନରେ ଅନେକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଆସିବା ସହ ଏହା ଉପରେ ଚର୍ଚ୍ଚା କରିବାକୁ ପ୍ରସ୍ତୁତି ଚାଲିଛି । ସଂସଦକୁ ଶୃଙ୍ଖଳିତ ଭାବେ ଚଲାଇବାକୁ ସଂସଦୀୟ ମନ୍ତ୍ରୀ ବିରୋଧୀ ଦଳଙ୍କ ସହଯୋଗ ଲୋଡିଛନ୍ତି । ଏହି ଅଧିବେଶନ ସୂଚାରୁରୂପେ ଚାଲୁ ଓ ଦେଶହିତରେ ସକରାତ୍ମତ ଆଲୋଚନା ହେଉ ବୋଲି ସରକାର ଚାହାନ୍ତି ।''
ବୀମା ସଂଶୋଧନ ବିଲ୍ ପାରିତ ହୋଇପାରେ- ସଂସଦ ମୌସୁମୀ ଅଧିବେଶନରେ ବୀମା ସଂଶୋଧନ ବିଲ୍ ପାରିତ ହୋଇପାରେ । ବିଧେୟକରେ ବିମୀ କ୍ଷେତ୍ରରେ ଏଫଡିଆଇର ସୀମା ବୃଦ୍ଧି ହୋଇ ୧୦୦ପ୍ରତିଶତ କରିବାକୁ ପ୍ରସ୍ତୁତି ହେଉଛି । ବିଲ୍କୁ ସଂସଦରେ ମଞ୍ଜୁରୀ ମିଳିପାରେ । କ୍ୟାବିଟେନ ମଞ୍ଜୁରୀ ପରେ ବିଲ୍ ମନ୍ତ୍ରଣାଳୟରେ ଆର୍ଥିକ ସେବା ବିଭାଗ ବିଧେୟକକୁ ସଂସଦରେ ଉପସ୍ଥାପିତ କରିବାର ପ୍ରକ୍ରିୟା ଆରମ୍ଭ ହେବ । ଏହା ପୂର୍ବରୁ ଜାନୁଆରୀ ୩୧ରେ ବଜେଟ୍ ଅଧିବେଶନ ହୋଇଥିଲା ।
Government has decided to commence Monsoon Session of Parliament from 21st July to 12th August 2025: Parliamentary Affairs Minister Kiren Rijiju pic.twitter.com/E81seVxDH5
— ANI (@ANI) June 4, 2025
କହି ରଖୁଛି କି, ଗତକାଲି (ଗତକାଲି) ମଙ୍ଗଳବାର ଇଣ୍ଡି ମେଣ୍ଟର ୧୬ ଜଣିଆ ରାଜନୈତିକ ଦଳ ମିଳିତ ବୈଠକ କରିଥିଲେ । ଏଥିରେ ପହଲଗାମ ଆତଙ୍କୀ ଆକ୍ରମଣ ଓ ଅପରେସନ୍ ସିନ୍ଦୂରକୁ ନେଇ ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଥିଲେ । ଏଥିରେ ଅପରେସନ୍ ସିନ୍ଦୂର ବାବଦରେ ଆଲୋଚନା କରିବା ପାଇଁ ବିରୋଧୀ ଦଳ ସ୍ୱତନ୍ତ୍ର ଅଧିବେଶନ ଡାକିବାକୁ ପ୍ରଧାନମନ୍ତ୍ରୀଙ୍କୁ ପ୍ରସ୍ତାବ ଦାବି କରିଛନ୍ତି ।
