ନୂଆଦିଲ୍ଲୀ ୦୯/୦୨: ହରର୍‌ ଫିଲ୍ମ ଦେଖିବା ସମସ୍ତଙ୍କ ପକ୍ଷରେ ସମ୍ଭବ ନୁହେଁ । ଏହି ଫିଲ୍ମଗୁଡିକ ଅତ୍ୟନ୍ତ ଭୟାନକ ହୋଇଥାଏ। ଯାହାକୁ ଏକୁଟିଆ ବସି ଦେଖିବାକୁ ଭୟ ଲାଗେ। କିନ୍ତୁ ଜାଣନ୍ତି କି ଦୁନିଆର ସବୁଠାରୁ ଭୟଙ୍କର ଫିଲ୍ମ କେଉଁଟି? ଆସନ୍ତୁ ଜାଣିବା ସେ ବିଷୟରେ...

ଦୁନିଆର ସବୁଠାରୁ ଭୟାନକ ଫିଲ୍ମ ୧୯୭୩ ରେ ରିଲିଜ୍‌ କରିଥିଲା। ଏହାର ନାମ ଥିଲା 'ଦି ଏକ୍ସୋର୍ସିଷ୍ଟ' । ଏହି ଫିଲ୍ମ ୱିଲିୟମ୍ 'ଦ ଏକ୍ସୋରସିଷ୍ଟ' ନାମକ ଇଂରାଜୀ ଉପନ୍ୟାସ ଉପରେ ଆଧାରିତ ଥିଲା। ଯାହାର ନିର୍ଦ୍ଦେଶନା ଦେଇଥିଲେ ୱିଲିୟମ୍ ଫ୍ରିଡକିନ୍। ଏହି ସିନେମାର ଷ୍ଟୋରୀ ଥିଲା ଜଣେ ହଲିଉଡ ଷ୍ଟାରଙ୍କ ଝିଅ ଉପରେ କୌଣସି ପ୍ରେତାତ୍ମା ବଶ କରିଥିଲା। ଯାହାକୁ ତାର ମା ଏକ୍ସୋରସିସ୍ମ ମାଧ୍ୟମରେ ଦୂର କରିବାକୁ ଚେଷ୍ଟା କରିଛନ୍ତି।

'ଦି ଏକ୍ସୋର୍ସିଷ୍ଟ' ଫିଲ୍ମ ଦୁନିଆର ସର୍ବାଧିକ ଆୟ କରିଥିବା ହରର୍‌ ଫିଲ୍ମ ବୋଲି ପ୍ରମାଣିତ ହୋଇଛି। ସେତେବେଳେ ଏହି ଫିଲ୍ମର ବଜେଟ୍ ଭାରତୀୟ ମୁଦ୍ରାରେ ୯୬ କୋଟି ୭୭ ଲକ୍ଷ ଟଙ୍କା ଥିଲା। ହେଲେ ଏହା ସାରା ବିଶ୍ୱରେ ୩୪୯ କୋଟି ଟଙ୍କା ରୋଜଗାର କରିଥିଲା । ଏହି ଫିଲ୍ମଟି ଓସ୍କାରରେ ୯ ଟି ବର୍ଗରେ ମନୋନୀତ ହୋଇଥିଲା, ଯେଉଁଠାରେ ଏହା ୨ ଟି ବର୍ଗରେ ପୁରସ୍କାର ଲାଭ କରିଥିଲା ।

ଏ ତ ଥିଲା ଦୁନିଆର ସବୁଠୁ ଭୟାନକ ହରର୍‌ ଫିଲ୍ମ। କିନ୍ତୁ ଜାଣନ୍ତି କି ଭାରତର ସବୁଠାରୁ ଭୟଙ୍କର ଫିଲ୍ମ ବିଷୟରେ । ଏହି ଫିଲ୍ମରେ ଆପଣଙ୍କୁ ସସପେନ୍ସ, ଥ୍ରୀଲର ଏବଂ ହରର୍‌ ଦେଖିପାରିବେ। ଫିଲ୍ମର କିଛି ସିନ୍‌ ଏତେ ଭୟଙ୍କର ଯେ ଦର୍ଶକ ଭୟଭୀତ ହୋଇଯିବେ।ଏହି ଫିଲ୍ମର ନାମ ହେଉଛି 'ତୁମ୍ବାଡ୍', ଯାହା ୨୦୧୮ ରେ ରିଲିଜ୍‌ କରିଥିଲା । ସେହି ସମୟରେ ଫିଲ୍ମଟିକୁ IMDB ରେ ୧୦ ମଧ୍ୟରୁ ୮.୨ ରେଟିଂ ମିଳିଥିଲା।  ଏହି ଫିଲ୍ମ ନିର୍ମାଣ ପାଇଁ ନିର୍ମାତା ସୋହମ୍ ଶାହାଙ୍କୁ ୭ ବର୍ଷ ସମୟ ଲାଗିଥିଲା । ଏଥିପାଇଁ ସେ ତାଙ୍କର ଫ୍ଲାଟ, ସମ୍ପତ୍ତି ଏବଂ କାର ବିକ୍ରି କରିଦେଇଥିଲେ। କିନ୍ତୁ ଯେତେବେଳେ ଏହି ଫିଲ୍ମ ରିଲିଜ ହୋଇଥିଲା, ସୋହମ୍ ଶାହା ଦର୍ଶକଙ୍କ ପ୍ରତିକ୍ରିୟା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ।