ଭୁବନେଶ୍ବର,୧୨।୮ ସ୍ୱାଧୀନତା ଦିବସ ପୂର୍ବରୁ ଏବଂ ଅପରେସନ ସିନ୍ଦୂରର ସଫଳତାର ପାଳନ ଅବସରରେ INS ଚିଲିକାର ଭାରତୀୟ ନୌସେନା ବ୍ୟାଣ୍ଡ ପକ୍ଷରୁ ଭୁବନେଶ୍ୱରରସ୍ଥିତ ଏକ ଘରୋଇ କ୍ୟାମ୍ପସ ଅଡିଟୋରିୟମରେ ଦେଶାତ୍ମବୋଧକ ସଙ୍ଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମ ମାଧ୍ୟମରେ   ଦେଶର ସୀମା ଏବଂ ସାମୁଦ୍ରିକ ସୀମାକୁ ସୁରକ୍ଷା ଦେବା ପାଇଁ ଭାରତୀୟ ସଶସ୍ତ୍ର ବାହିନୀର ସାହସ, ଅଟଳ, ପ୍ରତିବଦ୍ଧତା ଏବଂ ବୀରତ୍ୱକୁ ସମ୍ମାନିତ କରାଯାଇଥିଲା

ଏଥିରେ  ଓଡ଼ିଶାର ରାଜ୍ୟପାଳ ଡକ୍ଟର ହରିବାବୁ କମ୍ଭମପତି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ରାଜ୍ୟର ବିଶିଷ୍ଟ ବ୍ୟକ୍ତି, ପୂର୍ବତନ ସୈନିକ ଏବଂ ପରିବାରବର୍ଗ, ଏନସିସି କ୍ୟାଡେଟ୍, ସ୍କୁଲ ଏବଂ କଲେଜ ଛାତ୍ରଛାତ୍ରୀମାନେ ଏଥିରେ ସାମିଲ ଥିଲେ। ସଙ୍ଗୀତ ପରିବେଷଣ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା । ଏହି ଦେଶାତ୍ମବୋଧ ସଙ୍ଗୀତ କାର୍ଯ୍ୟକ୍ରମ ଦେଶ ସେବାରେ ଅଗଣିତ ବୀରମାନଙ୍କ ବଳିଦାନ ପାଇଁ ଏକତା, ଗର୍ବ ଏବଂ କୃତଜ୍ଞତାର ଗଭୀର ଭାବନା ଜାଗ୍ରତ କରିଥିଲା। ମୁଖ୍ୟ ଅତିଥିଙ୍କ ଦ୍ୱାରା ନୌସେନା ବ୍ୟାଣ୍ଡକୁ ସମ୍ବର୍ଦ୍ଧିତ କରାଯାଇଥିଲା।