ଗୋପାଳପୁର ୧୧/୬: ଗୋପାଳପୁର ମେ ଫେଆର ନିକଟରେ ଦୀର୍ଘ ବର୍ଷ ଧରି ରହିଥିବା ଝୁପୁଡ଼ି ବସ୍ତି ଊଛେଦ ପାଇଁ ଏନ ଏ ସି ପକ୍ଷରୁ ନୋଟିସ ଜାରି ହୋଇଛି l ସୂଚନା ପ୍ରକାରେ ଦୀର୍ଘ ବର୍ଷ ଧରି ମେ ଫେଆର ନିକଟସ୍ଥ ତଥା ସମୁଦ୍ର କୂଳରେ ରହୁଥିବା ୪୩ ପରିବାର ଝୁପୁଡ଼ି ବସ୍ତିରେ ରହି ଆସୁଥିଲେ l ବାତ୍ୟାକୁ ନଜରରେ ରଖି ସେମାନଙ୍କୁ ଥଇଥାନ କରିବା ନିମନ୍ତେ ତୋଟା ଆମ୍ମା ମନ୍ଦିର ନିକଟରେ ସମସ୍ତ ପରିବାର ରହିବା ନିମନ୍ତେ ଆଦର୍ଶ କୋଲାନି ନିର୍ମାଣ ହୋଇଛି l କିନ୍ତୁ କିଛି ପରିବାର ସେଠାରେ ରହି ଆସୁଥିବା ବେଳେ ଅନ୍ୟ କିଛି ପରିବାର ବର୍ତ୍ତମାନ ସୁଧା ସେଠାକୁ ନ ଯାଇ ଝୁପୁଡ଼ି ବସ୍ତିରେ ରହି ଆସୁଛନ୍ତି l ଏହା ମଧ୍ୟରେ ଗତବର୍ଷ ଡିସେମ୍ବର ୨୫ ତାରିଖରେ ମନ୍ତ୍ରୀଙ୍କ ଦ୍ୱାରା ଗୃହ ପ୍ରବେଶ କରାଯାଇଥିଲା l କିନ୍ତୁ ଆଦର୍ଶ କୋଲାନିରେ ସମସ୍ତ ସୁବିଧା ରହିଥିଲେ ମଧ କିଛି ପରିବାର ଆସୁନଥିବାରୁ ଚଳିତ ବର୍ଷ ଜାନୁଆରୀ ୨୮ ତାରିଖରେ ଊଛେଦ ପାଇଁ ନୋଟିସ ଜାରି  ହୋଇଥିଲେ ମଧ୍ୟ ଆସିନଥିବାରୁ ଏହାକୁ ଊଛେଦ କରିବା ପାଇଁ ଚଳିତ ମାସ ୧୩ ତାରିଖ ସକାଳ ୯ ଟା ସମୟରେ ବସ୍ତି ଉଛେଦ କରାଯିବା ପାଇଁ ନିଷ୍ପତି ହୋଇଥିବା ନେଇ କାର୍ଯ୍ୟନିର୍ବାହୀ ଅଧିକରୀ ପ୍ରୋମଦ କୁମାର ପାଢ଼ୀ ସୂଚନା ଦେଇଛନ୍ତି l