ନୂଆଦିଲ୍ଲୀ,୧୯/୮: ଭାରତୀୟ ଦ୍ରୁତ ବୋଲର ନବଦୀପ ସୈନୀ ଗତ ୪ବର୍ଷରୁ ଟିମ୍ ଇଣ୍ଡିଆରୁ ବାହାରେ ଅଛନ୍ତି । ସେହିଭଳି ଆଇପିଏଲ୍ ୨୦୨୫ରେ ବି ତାଙ୍କୁ କୌଣସି ଟିମ୍ କିଣି ନାହାନ୍ତି । ସୈନୀ ଅନ୍ତର୍ଜାତୀୟ କ୍ରିକେଟ ଏବଂ ଆଇପିଏଲକୁ ଫେରିବାକୁ ପ୍ରସ୍ତୁତି ଜାରି ରଖିଛନ୍ତି । ସୈନୀ ଏହି ସମୟରେ ଦିଲ୍ଲୀ ପ୍ରିମିୟର ଲିଗରେ ଖେଳୁଛନ୍ତି । ସୈନୀ ବର୍ତ୍ତମାନ ସେହି ଲୋକଙ୍କ ଆଲୋଚନା କରିଛନ୍ତି ଯେଉଁମାନେ ଭାରତର ମୁଖ୍ୟ କୋଚ୍ ଗୌତମ ଗମ୍ଭୀରଙ୍କ ଉପରେ ପ୍ରଶ୍ନ ଉଠାଇଛନ୍ତି । ସୈନୀଙ୍କ କହିବା ଅନୁସାରେ ଗମ୍ଭୀରଙ୍କ ଉପରେ ପ୍ରଶ୍ନ ଉଠାଇଥିବା ଲୋକଙ୍କୁ ଏବେ ତାଙ୍କର ଫଳାଫଳ ଦେଖିବା ଆବଶ୍ୟକ ।
ସୈନୀ ଏକ ସାକ୍ଷାତକାରରେ ଗମ୍ଭୀରଙ୍କ ବହୁ ତାରିଫ କରିଛନ୍ତି । ଏହାସହ ସେ ଗମ୍ଭୀରଙ୍କ ବିଷୟରେ ଆଲୋଚନା କରୁଥିବା ଲୋକଙ୍କୁ ମୁହଁ ତୋଡ଼ ଜବାବ ବି ଦେଇଛନ୍ତି । ସୈନୀ କହିଛନ୍ତି, ଯେତେବେଳେ ମୁଁ ଘରୋଇ କ୍ରିକେଟରେ ତାଙ୍କ ଅଧିନାୟକତ୍ବରେ ଖେଳୁଥିଲି ସେତେବେଳେ ବି ତାଙ୍କର ଅଧିନାୟକ ଭିନ୍ନ ରୂପରେ ଥିଲା । ଏବେ କୋଚ୍ ହେବା ପରେ କିଛି ଲୋକ ସନ୍ଦେହ କରିବାକୁ ଲାଗିଛନ୍ତି କି ସେ ସଫଳ ହେବେ କିମ୍ବା ନୁହେଁ, ବିଶେଷ କରି ଗୋଟିଏ ଦୁଇଟି ମ୍ୟାଚ୍ ହାରିବା ପରେ । କିନ୍ତୁ ଏବେ ଫଳାଫଳ ସମସ୍ତଙ୍କ ସାମ୍ନାରେ ଅଛି । ଯେତେବେଳେ ବି କୌଣସି ନୂଆ ଖେଳାଳୀ ଟିମରେ ଆସିଥାଏ ତ ତାଙ୍କୁ ଟିମ୍ ସହ ଯୋଡ଼ିବା ଏବଂ ମାହୋଲରେ ପକାଇବା ବହୁତ ଜରୁରୀ ହୋଇଥାଏ । ଯଦି ଗୋଟିଏ ଦୁଇଟି ମ୍ୟାଚ୍ ଖରାପ ହୁଏ ତ ଏହା ପ୍ରକ୍ରିୟାର ଭାଗିଦାରୀ ଅଟେ । କିନ୍ତୁ ତାଙ୍କ କୋଚିଂରେ ଯେଉଁ ଫଳାଫଳ ଆସିଛି ସେ ନିଜେ ସବୁ କିଛି କହିଥାନ୍ତି ।
