ଭୁବନେଶ୍ୱର ୧୦/୧୨: ୩ଦଫା ଦାବି ନେଇ ସୋମବାର ଲୋୟର ପିଏମଜିରେ ଅଲ ଓଡ଼ିଶା ଜିପିଏଲଏଫ ମିଶନ ଶକ୍ତି ସାମ୍ମୁଖ୍ୟ ପକ୍ଷରୁ ଜୋରଦାର ଆନ୍ଦୋଳନ କରାଯାଇଥିଲା । କମ୍ୟୁନିଟି ରିସୋର୍ସ ପର୍ସନ (ସିଆରପି), ମଷ୍ଟର ବୁକ୍ କିପର (ଏମବିକେ), ପ୍ରାଣୀମିତ୍ର, କୃଷି ମିତ୍ର, ବ୍ୟାଙ୍କ ମିତ୍ର, ଲାଇଭ୍ଲିହୁଡ୍ ସପୋର୍ଟ ପର୍ସନ (ଏଲଏସପି)ମାନେ ଏହି ଆନ୍ଦୋଳନରେ ସାମିଲ ହୋଇଥିଲା । ପ୍ରାୟ ୬ଟି କ୍ୟାଡରରେ କାମ କରୁଥିବା ୩୪ହଜାରରୁ ଅଧିକ ମହିଳା କର୍ମଚାରୀ ଗତ ୮ମାସର ବକେୟା ପାରିଶ୍ରମିକ ବା ଦରମା ପାଇନାହାନ୍ତି । କେବଳ ସେତିକି ନୁହେଁ, ସ୍ଥାୟୀ ନିଯୁକ୍ତି, ରିଷ୍ଟ୍ରକ୍ଚରିଂ ବନ୍ଦ ଭଳି ଦାବି ଉଠିଥିଲା । ଏହାକୁ ନେଇ ଆଜି ବିଧାନସଭାର ଶୂନ୍ୟକାଳରେ ବିରୋଧୀ ଦଳ ଏହି ପ୍ରସଙ୍ଗ ଉଠାଇବା ସହ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି। ଯାହାପରେ ବିଧାନସଭା ଗୃହରେ ହଟ୍ଟଗୋଳ ଦେଖାଦେଇଛି।
ଅନ୍ୟପକ୍ଷେ, ବିଧାନସଭାରେ ମିଶନଶକ୍ତି ପ୍ରସଙ୍ଗରେ ତାତି ପରେ ପ୍ରତିକ୍ରିୟା ରଖିଛନ୍ତି ବିରୋଧି ଦଳ ନେତା ନବୀନ ବଟ୍ଟନାୟକ। ସେ କହିଛନ୍ତି, “ବିଜେପି ରାଜ୍ୟ ସରକାର ଷଡଯନ୍ତ୍ର କରୁଛି ମିସନ୍ ଶକ୍ତି ମହିଳାଙ୍କ ଦରମା ବନ୍ଦ ପାଇଁ। ମୁଁ ଏହାକୁ ଦୃଢ଼ ଭାବେ ନିନ୍ଦା କରୁଛି। ୭୦ ଲକ୍ଷରୁ ଅଧିକ ମହିଳା ଅଛନ୍ତି ମିସନ୍ ଶକ୍ତିରେ। ଏହା ଅତ୍ୟନ୍ତ ଖରାପ। ବିଜେଡି ସବୁବେଳେ ମିଶନ ଶକ୍ତି ସହ ରହିଛି।“
