ନୂଆଦିଲ୍ଲୀ,୨୧/୦୬: ବିଦେଶ ମାଟିରେ ଉଡିଲା ତ୍ରିରଙ୍ଗା । ଇତିହାସ ରଚିଲେ ଦେଶର ଷ୍ଟାର ଜାଭଲିନ୍ ଫିଙ୍ଗାଳୀ ନୀରଜ ଚୋପ୍ରା । ବଡ଼ ପ୍ରତିନ୍ଦନ୍ଦୀ ଜୁଲିୟନ ୱେବରଙ୍କୁ ହରାଇ ପ୍ରଥମ ପ୍ୟାରିସ୍ ଡାଇମଣ୍ଡ ଲିଗ୍ ଜିତିଛନ୍ତି ନୀରଜ । ଚଳିତ ପ୍ୟାରିସ୍ ଡାଇମଣ୍ଡ ଲିଗ୍ରେ ଦମଦାର ପ୍ରଦର୍ଶନ କରିଛନ୍ତି ନୀରଜ ଚୋପ୍ରା । ୮୮.୧୬ ମିଟର ଜାଭଲିନ୍ ଫିଙ୍ଗିବା ସହିତ ଜର୍ମାନୀର ଜୁଲିୟନ ୱେବରଙ୍କୁ ପଛରେ ପକାଇଛନ୍ତି । ଜୁଲିୟନଙ୍କଠୁ ପୂର୍ବରୁ ଦୁଇ ମୁକାବିଲା ହାରିଥିଲେ ପ୍ୟାରିସ୍ ଡାଇମଣ୍ଡରେ ତାଙ୍କୁ ପରାସ୍ତ କରି ପ୍ରତିଶୋଧ ନେଇଛନ୍ତି ନୀରଜ ।
ଭାରତର ଷ୍ଚାର ଜାଭଲିନ୍ ଥ୍ରୋୟର ନୀରଜ ଚୋପ୍ରା ପ୍ୟାରିସ୍ ଡାଇମଣ୍ଡ ଲିଗ୍ ୨୦୨୫ ପୁରୁଷ ଜାଭଲିନ୍ ଥ୍ରୋରେ ପ୍ରଥମ ସ୍ଥାନ ଅଧିକାର କରିଛନ୍ତି । ଶୁକ୍ରବାର ପ୍ୟାରିସ୍ରେ ଅନୁଷ୍ଠିତ ଇଭେଣ୍ଟରେ ନୀରଜ ତାଙ୍କ ନିକଟତର ପ୍ରତିନ୍ଦ୍ବନ୍ଦୀ ଜର୍ମାନୀର ଜୁଲିୟନ ୱେବରଙ୍କୁ ପରାସ୍ତ କରିଛନ୍ତି । ନୀରଜ ଗତ ଦୁଇ ଟୁର୍ଣ୍ଣାମେଣ୍ଟରେ ୱେବରଙ୍କଠୁ ପରାସ୍ତ ହୋଇଥିଲେ । ଏବେ ଜୁଲିୟନଙ୍କୁ ହରାଇ ପୂର୍ବ ପ୍ରତିଶୋଧ ନେଇଛନ୍ତି । ପ୍ୟାରିସ୍ ଡାଇମଣ୍ଡ ଲିଗ୍ରେ ପ୍ରଥମ ପ୍ରୟାସରେ ୮୮.୧୬ ମିଟର ଥ୍ରୋ କରିଥିଲେ । ଏହି ଥ୍ରୋ ବଳରେ ସେ ଶେଷ ଯାଏ ଆଗୁଆ ରହିଥିଲେ । ଦ୍ବିତୀୟ ପ୍ରୟାସରେ ୮୫.୧୦ ମିଟର ଥ୍ରୋ କରିଥିଲେ । ତୃତୀୟ, ଚତୁର୍ଥ ଓ ପଞ୍ଚମ ଥ୍ରୋ ଫାଉଲ୍ ହୋଇଥିଲା । ଷଷ୍ଠ ଥ୍ରୋ ୮୨.୮୯ ମିଟର ରହିଥିଲା ।
ଜର୍ମାନୀର ଜୁଲିୟନ ୱେବର ପ୍ରଥମ ପ୍ରୟାସରେ ୮୭.୮୮ ମିଟର ଜାଭଲିନ୍ ଥ୍ରୋ କରିଥିଲେ । ସେହିପରି ତାଙ୍କର ଦ୍ବିତୀୟ ଥ୍ରୋ ୮୬.୨୦ ମିଟର ଥିଲା । ତୃତୀୟ ଥ୍ରୋ ୮୨.୦୩ ମିଟର, ଚତୁର୍ଥ ୮୩.୧୩ ମିଟର, ପଞ୍ଚମ ୮୪.୫୪ ମିଟର ଓ ଷଷ୍ଠରେ ୮୧.୦୮ ମିଟର ଥ୍ରୋ କରିଥିଲେ । ବ୍ରାଜିଲର ଲୁଇସ୍ ଡା ସିଲଭା ୮୬.୬୨ ମିଟର ଜାଭଲିନ୍ ଥ୍ରୋ କରି ତୃତୀୟ ସ୍ଥାନରେ ରହିଛନ୍ତି ।
ମେ ୧୬ରେ ଦୋହା ଡାଇମଣ୍ଡ ଲିଗ୍ ୨୦୨୫ରେ ଜୁଲିୟନ ୱେବର ନୀରଜଙ୍କୁ ହରାଇଥିଲେ । ତାଙ୍କ ଥ୍ରୋ ୯୧.୦୬ ମିଟର ଥିଲା । ନୀରଜଙ୍କ ଥ୍ରୋ ୯୦.୨୩ ମିଟର ଥିଲା । ସେ ଦ୍ବିତୀୟ ସ୍ଥାନରେ ରହିଥିଲା । ମେ ୨୩ରେ ପୋଲାଣ୍ଡରେ ଆୟୋଜିତ ଟୁର୍ଣ୍ଣାମେଣ୍ଟରେ ଜୁଲିୟନଙ୍କଠୁ ହାରିଥିଲେ ନୀରଜ । ଏଥିରେ ଜୁଲିୟନଙ୍କ ଥ୍ରୋ ୮୬.୧୨ ମିଟର ଥିଲା । ନୀରଜଙ୍କ ଥ୍ରୋ ୮୪.୧୪ ମିଟର ଥିଲା ।
