ପ୍ରମୂଖ ଖବର
  • ଶ୍ରୀମନ୍ଦିରରେ ପୂଜା ହେଲା ଆଇପିଏଲ୍‌ ଟ୍ରଫି, ବିଜୟୀ ହେବାକୁ 'କୋଲକତା ନାଇଟ୍ ରାଇଡର୍ସ'ର ପ୍ରାର୍ଥନା
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ, ବେହେରଣ ଦ୍ୱାର ନିକଟରେ ପଡିଥିଲା ରକ୍ତ ଛିଟା
  • ||
  • ବାଲେଶ୍ୱର : ଘରେ ପଶି ଅଙ୍ଗନବାଡ଼ି କର୍ମୀଙ୍କୁ ହାଣିଲେ ଦୁର୍ବୃତ୍ତ, ପୋଲିସର ତଦନ୍ତ ଆରମ୍ଭ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଅଶ୍ୱିନୀ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣା, ମୃତ୍ୟୁ ସଂଖ୍ୟା ୧୮କୁ ବୃଦ୍ଧି, ଶୋକବ୍ୟକ୍ତ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ
  • ||
  • ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟ: ଚଳିତ ବର୍ଷ ଅଭିବୃଦ୍ଧି ୭.୨%କୁ ହ୍ରାସ, ଆଗାମୀ ବର୍ଷ ୮.୫% ହାରରେ ବଢ଼ିବ
  • ||
  • କଟକ : ଷ୍ଟ୍ରିଟ୍‌ ଲାଇଟ୍‌ ଖୁଣ୍ଟରୁ ଯୁବକଙ୍କୁ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଗରମରୁ ମିଳିବ ସାମାନ୍ୟ ଆଶ୍ୱସ୍ତି: ଆସନ୍ତା ୧୯ରୁ ୨୧ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଗାଜା ପାଇଁ ବଡ଼ ଯୋଜନା କରୁଛି ଇସ୍ରାଏଲ, ମୋସାଦ ମୁଖ୍ୟଙ୍କୁ ଗୁରୁ ଦାୟିତ୍ବ ଦେଲେ ନେତାନ୍ୟାହୁ

Published By : Tapas Panda | January 12, 2025 9:17 PM

ନୂଆଦିଲ୍ଲୀ: ଇସ୍ରାଏଲ ଏବଂ ହମାସ ମଧ୍ୟରେ ଲାଗି ରହିଥିବା ଯୁଦ୍ଧକୁ ୧୫ ମାସରୁ ଅଧିକ ବିତିଲାଣି । କିନ୍ତୁ ଏବେ ସୁଦ୍ଧା ଶାନ୍ତି ଫେରି ପାରିନାହିଁ । ଇସ୍ରାଏଲ ସେନା ଲଗାତାର ଗାଜା ଉପରେ ଆକ୍ରମଣ କରୁଛି । ହମାସର ଦୁଇ ଜଣ ମୁଖ୍ୟ କମାଣ୍ଡର ନିପାତ ହେବା ପରେ ମଧ୍ୟ ହମାସ ଗୋଷ୍ଠୀ ଇସ୍ରାଏଲ ସେନା ସହ ଲଢ଼େଇ ଜାରି ରଖିଛି । ଏସବୁ ଭିତରେ ଗାଜା ପାଇଁ ବଡ଼ ଯୋଜନା କରିଛି ଇସ୍ରାଏଲ ।  

ଯୁଦ୍ଧ ବିରାମ ଲାଗି ହେଉଥିବା ଚର୍ଚ୍ଚାର ପ୍ରଗତି ଲାଗି ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଗ୍ରୀନ ସିଗନାଲ ଦେଇଛନ୍ତି । ଏଥିପାଇଁ ନିଜର ଗୁଇନ୍ଦା ଏଜେନ୍ସି ମୋସାଦର ମୁଖ୍ୟଙ୍କୁ ଯୁଦ୍ଧ ବିରାମ ଉପରେ ଆଲୋଚନା ଆଗକୁ ବଢ଼ାଇବା ଲାଗି ପଠାଇବାକୁ ଅନୁମତି ଦେଇଛନ୍ତି । ଫଳରେ ଇସ୍ରାଏଲ ଏବଂ ହମାସ ମଧ୍ୟରେ ଶାନ୍ତି ପ୍ରତିଷ୍ଠା ହୋଇପାରିବ । ଏବେ ସୁଦ୍ଧା ଇସ୍ରାଏଲ-ହମାସ ଯୁଦ୍ଧ ରୋକିବା ଦିଗରେ ଏହା ନେତାନ୍ୟାହୁଙ୍କ ସବୁଠାରୁ ବଡ଼ ପଦକ୍ଷେପ । 

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏନେଇ ସୂଚନା ଦିଆଯାଇଛି । ତେବେ ମୋସାଦର ମୁଖ୍ୟ ଡେଭିଡ ବର୍ନିୟା କତାରର ରାଜଧାନୀ ଦୋହା କେବେ ଯିବେ ସେନେଇ ସ୍ପଷ୍ଟ ସୂଚନା ମିଳିନାହିଁ । ସେଠାରେ ଇସ୍ରାଏଲ ଏବଂ ହମାସ ମଧ୍ୟରେ ଶାନ୍ତି ଫେରାଇ ଆଣିବା ପାଇଁ ଆଲୋଚନା ହେଉଛି । ଏହି ଆଲୋଚନାରେ ମୋସାଦ ମୁଖ୍ୟ ଉପସ୍ଥିତ ରହିଲେ ଯୁଦ୍ଧ ବିରାମ ନେଇ ଆଲୋଚନା ଫଳପ୍ରଦ ହୋଇପାରିବ ବୋଲି କୁହାଯାଉଛି । ଗତ ୧୫ ମାସର ଯୁଦ୍ଧ ମଧ୍ୟରେ କେବଳ ଥରେ ଯୁଦ୍ଧ ବିରାମ ଉପରେ ସହମତି ହୋଇଥିଲା । ପରେ ଆମେରିକା, ଇଜିପ୍ଟ ଏବଂ କତାରର ମଧ୍ୟସ୍ଥତାରେ ଅନେକ ଥର ଯୁଦ୍ଧ ବିରାମ ନେଇ ଆଲୋଚନା ହୋଇଥିଲେ ହେଁ କୌଣସି ସୁଫଳ ମିଳିପାରି ନାହିଁ । 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.