ବରଗଡ ୨୨/୧୧ ବଦଳିବେ ବରଗଡ ଧନୁଯାତ୍ରାର କଂସ । ବରଗଡ ଧନୁଯାତ୍ରା ପାଇଁ କଂସ ଚୟନ ପ୍ରକ୍ରିୟା ଆରମ୍ଭ ହେବ । କଂସ ଭୂମିକାରେ ଏଥର ଜଣେ ନୂଆ କଳାକାରଙ୍କୁ ଦେଖିବାକୁ ମିଳିବ । ନୂଆ କଳାକାରଙ୍କୁ ଚୟନ ପାଇଁ ନିଷ୍ପତ୍ତି ହୋଇଛି । ଧନୁଯାତ୍ରା ମହୋତ୍ସବ ସମିତି ଏହି ନିଷ୍ପତ୍ତି ନେଇଛି । ପୂର୍ବରୁ କଂସ ଭୂମିକାର ଅଭିନୟ କରୁଥିବା କାଳାକାର ହୃଷିକେଶ ଭୋଇଙ୍କୁ ଏଥିରୁ ବାଦ ଦିଆଯାଇଛି । କିଛିଦିନ ଦିନ ତଳେ ହୃଷିକେଶ ଭୋଇ ଏକ ବିବାଦରେ ଛନ୍ଦି ହୋଇ ପଡିଥିଲେ । ଜିଲ୍ଲା ମୁଖ୍ୟ ଚିକିତ୍ସାଳୟରେ ମହାପ୍ରୟାଣ ଗାଡି ଚଳାଉଥିବା ବେଳେ ଜଣେ ରୋଗୀଙ୍କ ଠାରୁ ଲାଞ୍ଚ ନେଇ ବିବାଦ ଘେରକୁ ଆସିଥିଲେ । ଆଉ ଏହା ପରେ ସିଡିଏମଓ ତାଙ୍କୁ ଚାକିରିରୁ ନିଲମ୍ବିତ କରିଥିଲେ। ସମ୍ଭବତଃ ଧନୁଯାତ୍ରାର ଛବି ମଳିନ ହେବା ଆଶଙ୍କା କରି ଧନୁଯାତ୍ରା କମିଟି ଏହି ନିଷ୍ପତ୍ତି ନେଇଥିବା ଆଶଙ୍କା କରାଯାଉଛି ।