ବୈପାରୀଗୁଡା, ୨୮/୦୮ : ଲଗାଣ ବର୍ଷାରେ କୋରାପୁଟ ଜିଲ୍ଲା ବେହାଲ୍। ଭାଙ୍ଗିଲା ନବ ନିର୍ମିତ ଆପ୍ରୋଚ୍ ରୋଡ୍। ୪ ଖଣ୍ଡ ଗାଁକୁ ଯୋଗାଯୋଗ ବିଚ୍ଛିନ୍ନ। ବୈପାରୀଗୁଡ଼ାର ବରୁଆବାଡ଼ି ଓ ଗରୁ୍ଡୁଗୁଡା ମଝିରେ ଥିବା ଆପ୍ରୋଚ୍ ରୋଡ୍ ଧୋଇ ହୋଇଯାଇଛି। ଫଳରେ ଦଶମନ୍ତପୁର ପଞ୍ଚାୟର ଚାରି ଖଣ୍ଡ ଗାଁକୁ ଯୋଗାଯୋଗ ବିଛିନ୍ନ ହୋଇଯାଇଛି। ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
କୋରାପୁଟ ବିଧାୟକ ରଘୁରାମ ମାଛ ଏନେଇ ଖବର ପାଇବା ପରେ ଗାଁରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ଲୋକଙ୍କ ସମସ୍ୟା ବିଷୟରେ ଆଲୋଚନା କରିଛନ୍ତି । ନିମ୍ନ ମାନର କାମ ଲାଗି ଏଭଳି ପରିସ୍ଥିତି ଉପୁଜିଛି, ଏଣୁ ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ବିଧାୟକ ରଘୁରାମ ମାଛ କହିଛନ୍ତି।
