ପ୍ରମୂଖ ଖବର
  • ଭୁବନେଶ୍ୱର : ଏମ୍ସରେ ପହଞ୍ଚିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ; ଏମ୍ସର ନିର୍ଦ୍ଦେଶକଙ୍କ ସହ କରିଲେ ଆଲୋଚନା
  • ||
  • FM କଲେଜରେ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ ଘଟଣା; ପୀଡ଼ିତାଙ୍କ ପରିବାରକୁ ଭେଟିବେ ମୁଖ୍ୟମନ୍ତ୍ରୀ
  • ||
  • ରାଜ୍ୟସଭାକୁ ୪ ମନୋନୀତ, ମନୋନୀତ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
  • ||
  • ବାଲେଶ୍ବର: ଟ୍ରକ୍‌ ଧକ୍କାରେ ଓଲଟି ପଡ଼ିଲା ବସ୍‌, ୨୦ରୁ ଉର୍ଦ୍ଧ୍ୱ ଗୁରୁତର
  • ||
  • ଏନ୍‌ସିଇଆର୍‌ଟି ବିଏଡ୍‌ ପ୍ରବେଶିକା ପରୀକ୍ଷା, ଆଜି ରାଜ୍ୟର ୪୪ କେନ୍ଦ୍ରରେ ୨୨ ହଜାର ଛାତ୍ରଛାତ୍ରୀ ଦେବେ ପରୀକ୍ଷା
  • ||
  • ସୋମବାର ଓଡ଼ିଶା ଆସୁଛନ୍ତି ରାଷ୍ଟ୍ରପତି: ଆଜି ପୁଲିସର କାର୍‌କେଡ୍‌ ରିହର୍ସାଲ, ଜଗିବେ ୫୦ ପ୍ଲାଟୁନ୍‌ ଫୋର୍ସ
  • ||
  • ଗାଜା ଉପରେ ଇସ୍ରାଏଲର ଭୟଙ୍କର ହମଲା, ୧୧୦ ପାଲେଷ୍ଟାନୀୟ ମୃତ
  • ||
  • ୧୬ରେ ବଙ୍ଗୋପସାଗରରେ ପୁଣି ଏକ ଘୂର୍ଣ୍ଣିବଳୟ ସମ୍ଭାବନା, ଆଜି ବର୍ଷା ନେଇ ଅଧା ଓଡ଼ିଶାକୁ ୟେଲୋ ଓ୍ବାର୍ଣ୍ଣିଂ
  • ||

ଫେମିନା ମିସ୍‌ ଇଣ୍ଡିଆ ୱର୍ଲଡ୍‌ ଟାଇଟଲ ଜିତିଲେ ନିକିତା ପୋଡ଼ୱାଲ, ବିଶ୍ୱ ସୁନ୍ଦରୀ ପ୍ରତିଯୋଗିତାରେ ଦେଶକୁ କରିବେ ପ୍ରତିନିଧିତ୍ୱ

Published By : Krishna Priya | October 18, 2024 8:11 AM

ନୂଆଦିଲ୍ଲୀ ୧୮/୧୦: ଫେମିନା ମିସ୍‌ ଇଣ୍ଡିଆ ୱର୍ଲଡ୍‌-୨୦୨୪ ଟାଇଟଲ ଜିତିଛନ୍ତି ମଧ୍ୟପ୍ରଦେଶର ନିକିତା ପୋଡ଼ୱାଲ । ପରବର୍ତ୍ତୀ ବିଶ୍ୱ ସୁନ୍ଦରୀ ପ୍ରତିଯୋଗିତାରେ ସେ ଦେଶକୁ ପ୍ରତିନିଧିତ୍ୱ କରିବେ । ଦାଦ୍ରା ଓ ନଗର ହାବେଲୀର ରେଖା ପାଣ୍ଡେ ଫାର୍ଷ୍ଟ ରନର୍‌-ଅପ୍‌ ହୋଇଥିବା ବେଳେ ଗୁଜରାଟର ଆୟୁଷି ଢୋଲକିଆ ୨ୟ ସ୍ଥାନ ହାସଲ କରିଛନ୍ତି । ଗତ ବୁଧବାର ରାତିରେ, ମୁମ୍ବାଇର ୱର୍ଲି ସ୍ଥିତ ଫେମସ୍‌ ଷ୍ଟୁଡିଓଜ୍‌ରେ ଭାରତର ସବୁଠୁ ଲୋକପ୍ରିୟ ୬୦ତମ ଫେମିନା ମିସ୍‌ ଇଣ୍ଡିଆ-୨୦୨୪ ଫିନାଲେ ଅନୁଷ୍ଠିତ ହୋଇଥିଲା । ପ୍ରତିଯୋଗିତାରେ ୨୯ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳକୁ ପ୍ରତିନିଧିତ୍ୱ କରୁଥିବା ୩୦ ପ୍ରତିଯୋଗୀ ଭାଗ ନେଇଥିଲେ ।

ଉଜ୍ଜୟିନୀ ବାସିନ୍ଦା ନିକିତା କାରମେଲ କନ୍‌ଭେଣ୍ଟ ସିନିଅର ସେକେଣ୍ଡାରୀ ସ୍କୁଲରେ ଅଧ୍ୟୟନ କରିଥିଲେ । ବର୍ତ୍ତମାନ ବଡୋଦ୍ରା ସ୍ଥିତ ମହାରାଜା ସାୟାଜିରାଓ ବିଶ୍ୱବିଦ୍ୟାଳୟରେ ସେ ଉଚ୍ଚ ଶିକ୍ଷା ଲାଭ କରୁଛନ୍ତି । ଥିଏଟରରେ ୬୦ରୁ ଅଧିକ ନାଟକରେ ଅଭିନୟ କରି କଳା ପ୍ରତି ସେ ନିଜ ଭଲପାଇବାର ପ୍ରମାଣ ଦେଇଛନ୍ତି । ‘କୃଷ୍ଣ ଲୀଲା’ ଶୀର୍ଷକ ୨୫୦ ପୃଷ୍ଠାର ଏକ ନାଟକ ମଧ୍ୟ ସେ ନିଜେ ରଚନା କରିଛନ୍ତି । ମଞ୍ଚ ଅଭିନୟ ଯଦିଓ ତାଙ୍କର ପ୍ରଥମ ପ୍ରେମ, ସିନେମାଟୋଗ୍ରାଫିରେ ନିଜ କୌଶଳର ପ୍ରସାର ଲାଗି ସେ ଅତ୍ୟନ୍ତ ଇଚ୍ଛୁକ । ଏକ ଫିଚର୍‌ ଫିଲ୍ମରେ ସେ ଅଭିନୟ କରିଛନ୍ତି, ଯାହା ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ପ୍ରଦର୍ଶିତ ହୋଇଛି । ଏହା ଥିଏଟରରୁ ସିନେ ଦୁନିଆକୁ ଆସିବାର ତାଙ୍କ ଯାତ୍ରା ଉପରେ ଆଲୋକପାତ କରିଛି । ସଞ୍ଜୟ ଲୀଲା ଭଂସାଲିଙ୍କ ଭଳି ନିର୍ଦ୍ଦେଶକଙ୍କ ସହ ବଡ଼ ପ୍ରୋଜେକ୍ଟରେ କାମ କରିବାକୁ ନିକିତା ଇଚ୍ଛୁକ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.