କେନ୍ଦୁଝର,୧୩/୯: ଅଶ୍ଳୀଳ ଆଚରଣ ନେଇ ସାରା ରାଜ୍ୟରେ ନିଶା ମହାରଣା ରାତାରାତି ଷ୍ଟାର ବନି ଯାଇଛନ୍ତି । ଏବେ ଯାତ୍ରା ପେଣ୍ଡାଲଗୁଡିକରେ ଉଲଗ୍ନ ହୋଇ ରୁଗ୍ଣ ମାନସିକ ବ୍ୟକ୍ତିଙ୍କ ଫ୍ୟାନ୍ ସାଜିଥିବା ନିଶା କେନ୍ଦୁଝର ପାଟଣା ଅଞ୍ଚଳକୁ ଦର୍ଶକମାନଙ୍କ ମନୋରଞ୍ଜନ ପାଇଁ ଆସିଥିଲେ ।
ପାଟଣା ଥାନାର ତେଣ୍ଡରା ଭାଗ୍ୟଶ୍ରୀ ଅପେରାକୁ ଗତ ୮ ତାରିଖ ରାତି ଆସିଥିବାବେଳେ ଯାତ୍ରା ପେଣ୍ଡାଲରେ ଅଶ୍ଳୀଳତାର ସୀମା ଟପିଥିବା ଅଭିଯୋଗ ହୋଇଛି । ସମ୍ପୂର୍ଣ୍ଣ ଉଲଗ୍ନ ହେବା ପାଇଁ ଦେହରୁ ଗୋଟିଏ ପରେ ଗୋଟିଏ ପୋଷାକ ଖୋଲିଥିଲେ । ପୁଲିସ ମଧ୍ୟ ସେଠାରେ ଉପସ୍ଥିତ ରହିଥିଲା । ତେବେ ନିଶାଙ୍କ ପାଇଁ ଜଣେ ପୁଲିସ ଅଧିକାରୀ ନିଜର ହିତାହିତ ଜ୍ଞାନ ହରାଇଥିବା ଦୃଶ୍ୟ ଦେଖିବାକୁ ମିଳିଥିଲା । ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ପେଣ୍ଡାଲରୁ ନିଶା ଓହ୍ଲାଇବା ପରେ ଜଣେ ପୁଲିସ ଅଧିକାରୀ ସହିତ ଅନ୍ତରଙ୍ଗ ଭାବେ କେତେକ ଫଟୋ ଉଠାଇବା ସହିତ କିଛିସମୟ ପାଇଁ ଉଭୟ ହିତାହତ ଜ୍ଞାନ ଭୁଲି ବେଶ୍ ନିକଟତର ହୋଇଥିଲେ। ଏହି ଆପତ୍ତିଜନକ ଫଟୋ ଓ ଭିଡିଓ ସାରା ଜିଲ୍ଲାରେ ଭାଇରାଲ ହେବାରେ ଲାଗିଛି । ଉକ୍ତ ପୁଲିସ ଅଫିସର ପୂର୍ବରୁ ଖଣି ଅଞ୍ଚଳରେ ଏକ ଥାନାରେ ଥିବାବେଳେ ନିଶା ଏକ ଯାତ୍ରା ପାର୍ଟି ମଞ୍ଚରେ ଅତିଥି ଭାବେ ଆସିଥିବାବେଳେ ତାଙ୍କୁ ସୁରକ୍ଷା ଯୋଗାଇଥିଲେ । ପାଟଣାରେ ପୁଣି ଉଭୟ ଏକାଠି ହେବା ପରେ ଏହି ବିବାଦୀୟ ଫଟୋ ଉଠାଇ ଭାଇରାଲ ଜିଲ୍ଲା ପୁଲିସକୁ ନିନ୍ଦିତ କରିଛି । ତାଙ୍କ ଭଳି ଜଣେ ଦକ୍ଷ ପୁଲିସ ଅଧିକାରୀଠାରୁ ଏଭଳି ଆଶା କରାଯାଉନଥିବାବେଳେ ବିବାଦୀୟ ନାରୀ ସହିତ କେଉଁ କାରଣରୁ ସେ ଫଟୋ ଉଠାଇଥିଲେ ଓ କିଏ ତାହା ଭାଇରାଲ କଲା ସେନେଇ ଏବେ ଖୋଳତାଡ଼ ଆରମ୍ଭ ହୋଇଯାଇଛି ।
