ନୂଆଦିଲ୍ଲୀ : ନୀତୀଶ କୁମାର ବିହାରର ମୁଖ୍ୟମନ୍ତ୍ରୀ ପଦରୁ ଖୁବ୍ ଶୀଘ୍ର ବିଦା ହୋଇ ଯିବେ। ସେ ରାଜ୍ୟସଭା ନିର୍ବାଚନ ପାଇଁ ନାମାଙ୍କନ ଦାଖଲ କରିଛନ୍ତି। ଉଚ୍ଚ ସଦନରେ ତାଙ୍କର କାର୍ଯ୍ୟକାଳ ଅପ୍ରେଲରେ ଆରମ୍ଭ ହେବାର ଅଛି। ସେବେ ଠାରୁ ସେ ପଦରେ ରହି ପାରନ୍ତି, କିନ୍ତୁ ପୁଣି ତାଙ୍କର ବିକଳ୍ପ ଖୋଜିବାକୁ ହିଁ ହେବ। ନୀତୀଶ କୁମାରଙ୍କ ପାଟନାରୁ ଏଗଜିଟ୍କୁ ବିଜେପି ପାଇଁ ରାଜ୍ୟରେ ଅବସର ଭାବେ ଦେଖା ଯାଉଛି। ନୀତୀଶ କୁମାର ୨୦୦୫ରୁ ହିଁ କ୍ଷମତାର କେନ୍ଦ୍ରରେ ରହିଛନ୍ତି। ସ୍ୱଳ୍ପ ଅନ୍ତରାଳ ପାଇଁ ଜେଡିୟୁରୁ ହିଁ ଜିତନରାମ ମାଝୀ ସିଏମ୍ ହୋଇ ଥିଲେ। ତାଙ୍କୁ ଛାଡ଼ି ଦେଲେ ପ୍ରାୟ ୨୦ବର୍ଷ ନୀତୀଶ କୁମାର ହିଁ କ୍ଷମତାରେ ରହିଛନ୍ତି। ଏହି ସ୍ଥିତିରେ ଏବେ ତାଙ୍କର ଦିଲ୍ଲୀ ଯିବା ବିଜେପି ପାଇଁ ଅବସର ତ ଅଛି, କିନ୍ତୁ ଏହି ସୁଯୋଗ ଚ୍ୟାଲେଞ୍ଜର ସହ ଆସିଛି।
ପ୍ରଥମଥର ଚ୍ୟାଲେଞ୍ଜ ଏହା ଯେ, ବିଜେପିର ଅନେକ ପ୍ରୟାସ ପରେ ମଧ୍ୟ ପଛୁଆ ଓ ଦଳିତଙ୍କ ଏକ ବଡ଼ ବର୍ଗ ଏହାକୁ ଉଚ୍ଚ ବର୍ଗର ଦଳ ଭାବନ୍ତି। ବିହାରର ସ୍ଥିତି ୟୁପି ଭଳି ନୁହେଁ , ଯେଉଁଠି ବିଏସପି ଦୁର୍ବଳ ଓ ସପା ବ୍ୟତୀତ ଅନ୍ୟ କୌଣସି ଦଳ ବହୁତ ମଜବୁତ ନୁହେଁ। ବିହାରରେ ଏଲଜେପି ପାସୱାନଙ୍କ ଭୋଟ୍ ନେଉଛନ୍ତି , ତ ସେଠାରେ ଜିତନରାମ ମାଝୀ ମୁସହରଙ୍କ ମଧ୍ୟରେ ପ୍ରତିଷ୍ଠିତ। ଏହା ବ୍ୟତୀତ କୁର୍ମୀ ସମେତ ଅତି ପଛୁଆ ସମାଜର ଭୋଟ ଜେଡିୟୁର ପକ୍ଷରେ ରହି ଥିବା ବେଳେ ମୁସଲମାନ , ଯାଦବ କିଛି ପଛୁଆ ସମାଜ ଆରଜେଡି ସହ ମଧ୍ୟ ଯାଉଛନ୍ତି। ଏଠାରେ କଥା ସେହି ଦଳଙ୍କ ବେସ୍ ଭୋଟର ହେଉଛି। ମଜବୁତ୍ କିମ୍ୱା ଦୁର୍ବଳ ଦେଖାଇବାରେ ଅଲଗା ଅଲଗା ସିଟ୍ରେ ଅନ୍ୟ ସମାଜର ଭୋଟ୍ ଚାଲି ଯାଉଛି କିମ୍ୱା ବିଭିନ୍ନ ସିଟ୍ରେ ମିଶି ଯାଉଛନ୍ତି।
ଏବେ ଦ୍ୱିତୀୟ ଚ୍ୟାଲେଞ୍ଜ କଥା ଯଦି କହିବା ତ ସେହି କରିସ୍ମା ବ୍ୟକ୍ତିତ୍ୱର। ରାଜ୍ୟରେ ନୀତୀଶ କୁମାର ଏକ ଚୁମ୍ୱକୀୟ ପ୍ରଭାବଶାଳୀ ନେତା ଭାବେ ରହିଛନ୍ତି। ତାଙ୍କର ଜଲୱା ଏମିତି ରହିଛି ଯେ, ୨୦ ବର୍ଷର କାର୍ଯ୍ୟକାଳ ପରେ ମଧ୍ୟ ଆରଜେଡି ପକ୍ଷରୁ ତାଙ୍କ ଧନ୍ୟବାଦ ବ୍ୟତୀତ କିଛି କୁହାଯାଇ ନାହିଁ। ଏହି ସ୍ଥିତିରେ କୌଣସି ନେତାଙ୍କୁ ପ୍ରସ୍ତୁତ କରିବା ରାତାରାତିର କାମ ନୁହେଁ, କିନ୍ତୁ କୌଣସି ଏମିତି ବ୍ୟକ୍ତିଙ୍କୁ ଦାୟିତ୍ୱ ଦେବାରେ ବିଚାର କରିବାକୁ ହେବ , ଯାହା ସର୍ବ ସ୍ୱୀକାର୍ଯ୍ୟ ହୋଇଥିବ। ବିଜେପି ପାଇଁ ଏହା ସବୁଠୁ ବଡ଼ ଚ୍ୟାଲେଞ୍ଜ। ନୂଆ ସିଏମ୍ଙ୍କୁ ନେଇ ଆଶା ଆଶଙ୍କାର ସମୟ ଚାଲିଛି , କିନ୍ତୁ ବର୍ତ୍ତମାନ ସୁଦ୍ଧା କୌଣସି ନେତାଙ୍କ ନାଁ ସ୍ଥିର କରାଯାଇ ନାହିଁ । ତାହେଲେ କିଏ ହେବେ ବିହାରର ସିଏମ୍ ? ବର୍ତ୍ତମାନ ଏହା ସବୁଠୁ ହୃଦୟସ୍ପର୍ଶୀ ପ୍ରଶ୍ନ ପାଲଟିଛି।
