ନୂଆଦିଲ୍ଲୀ,୨୧।୮: ଯେବେଠାରୁ ଟି-୨୦ ଏସିଆ ବିଶ୍ବକପ୍ ୨୦୨୫ ସିଡ୍ୟୁଲ ଆରମ୍ଭ ହୋଇଛି, ସେବେଠାରୁ ବିଭିନ୍ନ ପ୍ରକାର ଚର୍ଚ୍ଚା ହେଉଛି। ଭାରତୀୟ କ୍ରିକେଟ ଟିମ୍କୁ ପାକିସ୍ତାନ ବିପକ୍ଷ ୧୪ ସେପ୍ଟେମ୍ବରରେ ହେବାକୁ ଥିବା ମ୍ୟାଚ୍ରୁ ହଟିଯିବା ଦରକାର। ଭାରତ ଓ ପାକିସ୍ତାନ ଭିତରେ ସମ୍ପର୍କ ଭଲ ନାହିଁ। ଭାରତୀୟ ଚାହୁଁଛନ୍ତି ଯେ, ଯେଉଁ ପର୍ଯ୍ୟନ୍ତ ଭାରତରୁ ପାକିସ୍ତାନୀ ଆତଙ୍କୀ ଶେଷ ହୋଇଯାଇ ନାହାନ୍ତି, ସେ ପର୍ଯ୍ୟନ୍ତ ପାକିସ୍ତାନ ସହ କୌଣସି ପ୍ରକାର ଖେଳ କିମ୍ବା ସମ୍ପର୍କ ରହିବ ନାହିଁ। ଏହା ଭିତରେ କ୍ରୀଡା ମନ୍ତ୍ରଣାଳୟର ବୟାନ ସାମନାକୁ ଆସିଛି। କ୍ରୀଡା ମନ୍ତ୍ରଣାଳୟ ସ୍ପଷ୍ଟ କରିଛି ଯେ, ଭାରତ ଓ ପାକିସ୍ତାନ ଭିତରେ ଦ୍ବିପାକ୍ଷିକ ମ୍ୟାଚ୍ ହେବନି, କିନ୍ତୁ ଭାରତୀୟ କ୍ରିକେଟ ଟିମ୍କୁ ଏସିଆ କପ୍ରେ ଖେଳିବାକୁ ରୋକାଯିବନି।
ଗୁରୁବାର କ୍ରୀଡା ମନ୍ତ୍ରଣାଳୟ ଭାରତର ଅନ୍ତର୍ଜାତୀୟ କ୍ରୀଡା ସମ୍ପର୍କରେ ନୂଆ ନୀତି ଜାରି କରିଛି, ଯେଉଁଥିରେ ବିଶେଷ ଭାବରେ ପାକିସ୍ତାନ ସହ ସମ୍ପର୍କ ଉପରେ ଜୋର ଦିଆଯାଇଛି। ସୁତ୍ରରୁ ମିଳିଥିବା ସୂଚନା ଅନୁସାରେ, ଏହି ନୀତି ତୁରନ୍ତ ଲାଗୁ ହୋଇଯିବ। ପିଟିଆଇର ସୂଚନା ଅନୁସାରେ, କ୍ରୀଡା ମନ୍ତ୍ରଣାଳୟର ନୀତିରେ କୁହାଯାଇଛି ଯେ, ପାକିସ୍ତାନ ସମ୍ପର୍କିତ କ୍ରୀଡା ଆୟୋଜନରେ ଭାରତର ଦୃଷ୍ଟିକୋଣ ସେହି ବ୍ୟାପକ ନୀତିକୁ ଦର୍ଶାଉଛି ଯେ, ସେହି ଦେଶ ସହ ଭାରତର ସମ୍ପର୍କକୁ ଗ୍ରହଣ କରାଯାଇଛି। ଯେଉଁ ପର୍ଯ୍ୟନ୍ତ ଦୁଇଦେଶ ଭିତରେ ଦ୍ବିପାକ୍ଷିକ ଖେଳ ଆୟୋଜନର ପ୍ରଶ୍ନ ଉଠୁଛି, ତେବେ ଭାରତୀୟ ଟିମ୍ ପାକିସ୍ତାନରେ ହେବାକୁ ଥିବା ମ୍ୟାଚ୍ର ଅଂଶ ହେବନି। ପାକିସ୍ତାନ ଟିମ୍ ମଧ୍ୟ ଭାରତରେ ଦ୍ବିପାକ୍ଷିକ ମ୍ୟାଚ୍ ଖେଳିବାକୁ ଅନୁମତି ଦେଇପାରିବନି।‘
ବହୁପାକ୍ଷୀୟ କ୍ରୀଡା ଆୟୋଜନ ଉପରେ ଏହାର କୌଣସି ପ୍ରଭାବ ପଡିବନି। ମନ୍ତ୍ରଣାଳୟ ପକ୍ଷରୁ କୁହାଯାଇଛି, ଆମେ ଭାରତୀୟ କ୍ରିକେଟ ଟିମ୍କୁ ଏସିଆ କପ୍ରେ ଖେଳିବାକୁ ରୋକିବୁନି। କାରଣ ଏହା ଏକ ବହୁ ଦେଶୀୟ ପ୍ରତିଯୋଗୀତା।’ ସେ ଏହା ମଧ୍ୟ କହିଛନ୍ତି ଯେ, ପାକିସ୍ତାନକୁ ଦ୍ବିପାକ୍ଷୀୟ ମ୍ୟାଚ୍ ପାଇଁ ଭାରତ ମାଟିରେ ଖେଳିବାର ଅନୁମତି ଦେଇହେବନି, କିନ୍ତୁ ବହୁପାକ୍ଷୀୟ ଆୟୋଜନରେ ଏହାର ଭାଗିଦାରୀ ଉପରେ ରୋକ ଲଗାଯାଇପାରି ହେବନି। କାରଣ ଆମେ ଅଲମ୍ପିକ ଚାର୍ଟରର ପାଳନ କରିବୁ।’
