ନୂଆଦିଲ୍ଲୀ,୦୪/୦୬: ଅପରେସନ୍ ସିନ୍ଦୂରରେ ଆତଙ୍କୀସ୍ଥାନ ଶତ୍ରୁର ଅଣ୍ଟା ଭାଙ୍ଗିଛି । ଭାରତ ଅପରସେନ୍ରେ ସିନ୍ଦୂରରେ ପାକିସ୍ତାନ ପାଣି ପିଇଛି । ପାକିସ୍ତାନର ୬ ପାୱାରଫୁଲ ଏୟାରବେସ୍ ସହିତ ୯ ବିମାନକୁ ମାଟିରେ ମିଶାଇଛି ଭାରତ ଅତ୍ୟାଧୁନିକ ଡ୍ରୋନ୍ । ଅପରେସନ୍ ସିନ୍ଦୂରକୁ ନେଇ ଏହି ତାଜା ଅପଡେଟ୍ ଆସିଛି । ଜାତୀୟ ଗଣମାଧ୍ୟମରୁ ଏହି ସୂଚନା ମିଳିଛି । ଭାରତର ହମଲାରେ ପାକ୍ ଅଧିକୃତ ଜମ୍ମୁ କାଶ୍ମୀର ଏବଂ ପାକିସ୍ତାନୀ ପଞ୍ଜାବରେ ଏୟାରଷ୍ଟ୍ରାଇକରେ ୬ ପାକ୍ ଫାଇଟର ଜେଟ୍ ମାଟିରେ ମିଶିଥିବା ପୂର୍ବରୁ କୁହାଯାଉଥିଲା ।
ଗତ ଏପ୍ରିଲ ୨୨ରେ ଜାମ୍ମୁକାଶ୍ମୀର ପହଲଗାମ ବୈସରନ ଘାଟିରେ ଭୟଙ୍କର ଆତଙ୍କୀ ଆକ୍ରମଣ ହୋଇଥିଲା । ଦେଶକୁ ଦୋହଲାଇ ଦେଇଥିଲା ଏହି ଘଟଣା । ସ୍ତ୍ରୀଙ୍କ ଆଗରେ ଧର୍ମ ପଚାରି ସ୍ୱାମୀଙ୍କୁ ଗୁଳି କରିଥିଲେ ଆତଙ୍କୀ । ୨୬ ଜଣ ନୀରିହ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ଏଥିରେ ଜଣେ ନେପାଳୀ ନାଗରିକ ଥିଲେ । ପହଲଗାମ ପ୍ରତିଶୋଧ ନେବାକୁ ମେ ୬ ଓ ୭ ବିଳମ୍ବିତ ରାତିରେ ଅପରେସନ୍ ସିନ୍ଦୂର ଲଞ୍ଚ ହୋଇଥିଲା । ଏଥିରେ ପାକିସ୍ତାନ ଓ ପିଓକ ସମେତ ୯ ଆତଙ୍କୀ ଆଡ୍ଡାକୁ ଧ୍ବଂସ କରିଥିଲେ ଭାରତୀୟ ସେନା । ଏଥିରେ ୧୦୦ ଆତଙ୍କୀ ନିପାତ ହୋଇଥିଲେ । ଏହାପରେ ପାକିସ୍ତାନ ସୀମାନ୍ତ ରାଜ୍ୟ ଉପରେ ଡ୍ରୋନ୍ ମାଡ କରିଥିଲା । ଏହାର ଜବାବ ଦେଇ ଭାରତ ପାକର ୯ ଯୁଦ୍ଧବମାନକୁ ମାଟିରେ ମିଶାଇଥିଲା ।
ଅପରେସନ୍ ସିନ୍ଦୂରରେ ପାକିସ୍ତାନୀ ବାୟୁସେନା (ପିଏଏଫ)ର ୬ ଯୁଦ୍ଧ ବିମାନ ମାଟିରେ ମିଶାଇଥିବା ପ୍ରଥମ ଭାରତୀୟ ସେନା ପକ୍ଷରୁ ସୂଚନା ମିଳିଥିଲା । ଏବେ ଏହି ସଂଖ୍ୟା ୯ରେ ପହଞ୍ଚିଛି । ଏହାଛଡା ଦୁଇ ପାୱାରଫୁଲ ବିମାନ ସି-୧୩୦ ହରକୁଲାସକୁ ମାଟିକେ ମିଶାଇଥିଲା । ମଲତାନ ନିକଟ ଏକ କେନ୍ଦ୍ରରେ ଡ୍ରୋନ୍ ଆଟାକ୍ରେ ପିଏଏଫର ସି-୧୩୦ ଲଜିଷ୍ଟିକ୍ସ ବିମାନ ଧ୍ବଂସ ହୋଇଥିଲା । ଭାରତର ରାଫେଲ ଓ ସୁଖୋଇ-୩୦ ବିମାନ କରିଥିବା ଆକ୍ରମଣରେ ପାକ୍ର ୧୦ଟି ଡ୍ରୋନ୍କୁ ମାରି ଖସାଇଥିଲା ।
