କଟକ, ୬।୭ : ଓଡିଶା କ୍ରିକେଟର ବିକାଶ ଏବଂ ଓଡ଼ିଶାର ପ୍ରତିଭାବାନ ଖେଳାଳୀଙ୍କୁ ଚୟନ କରି ସୁଯୋଗ ଦେବା ପାଇଁ ଓସିଏ ପକ୍ଷରୁ ଆସନ୍ତା ସେପ୍ଟେମ୍ବରରୁ ଆରମ୍ଭ ହେବ ଓସିଏ ଓଡିଶା ପ୍ରୋ ଟି- ଟୋଣ୍ଟି ଲିଗ । ଏହି ଲିଗରେ ଭାଗ ନେବେ ୬ ଟିମ। ଓଡିଶାର ବିଭିନ୍ନ ଅଂଚଳରୁ ଛଅଟି ଟିମ୍ ଭାଗ ନେବେ।
ବିଭିନ୍ନ ଅଞ୍ଚଳକୁ ନେଇ ପ୍ରତିନିଧିତ୍ବ କରୁଥିବା ଟିମଗୁଡିକର ନାମକରଣ କରାଯିବ। ଆରିଭା ସ୍ପୋର୍ଟସ କମ୍ପାନୀ ସହ ମିଶି ଓସିଏ ଏହି ଲିଗ ଆୟୋଜନ କରିବ। ଏହି ଲିଗର ଟିମ ଫ୍ରାନଚାଇଜ ମାଲିକାନା ପାଇଁ କମ୍ପାନୀ ଓ ବ୍ୟବସାୟିକ ପ୍ରତିଷ୍ଠାନ ମାନେ ଅକ୍ସନରେ ସାମିଲ ହୋଇ ପାରିବେ ବୋଲି ଓସିଏ ପକ୍ଷରୁ କୁହାଯାଇଛି।। ଜୁଲାଇ ୭ ରୁ ୧୩ ତାରିଖ ମଧ୍ୟରେ ଓସିଏ ୱେବ ସାଇଟକୁ ଯାଇ ଯେ କୌଣସି ଆଗ୍ରହୀ ସଂସ୍ଥା ଆବେଦନ କରି ପାରିବେ ବୋଲି ଓସିଏ ପକ୍ଷରୁ କୂହାଯାଇଛି।
