କେନ୍ଦ୍ରାପଡା ୨୩/୫: କେନ୍ଦ୍ରାପଡା କୋର ଗାଁର ୮୦ ବର୍ଷୀୟ ବୃଦ୍ଧ ଶ୍ରୀଧର ସାହୁ ରାସ୍ତାରେ ଘୁଷୁରି ଘୁଷୁରି ଭତ୍ତା ଆଣିବାକୁ ଯିବା ଘଟଣାକୁ ନେଇ ପ୍ରମେୟରେ ଖବର ପ୍ରସାରଣ ପରେ ଘଟଣାରେ ହସ୍ତକ୍ଷେପ କଲେ ଉଚ୍ଚନ୍ୟାୟାଳୟ l ଆଜି ଉଚ୍ଚନ୍ୟାୟାଳୟଙ୍କ ନିର୍ଦ୍ଦେଶ ପରେ ଜିଲ୍ଲା ଆଇନସେବା ପ୍ରାଧିକରଣର ସଚିବ ଶ୍ରୀଧରଙ୍କ ଘରେ ପହଞ୍ଚି ତାଙ୍କ ଅବସ୍ଥା ସମ୍ପର୍କରେ ପଚାରି ବୁଝିଥିଲେ l ଶ୍ରୀଧରଙ୍କ ସମ୍ପର୍କରେ ସଚିବ ଭିଡିଓ କନଫରେନ୍ସିଙ୍ଗ ଜରିଆରେ ଉଚ୍ଚନ୍ୟାୟାଳୟଙ୍କୁ ଅବଗତ କରିଥିଲେ l ରୋଗାକ୍ରାନ୍ତ ଅବହେଳିତ ଅବସ୍ଥାରେ ଘରେ ରହୁଥିବା ଶ୍ରୀଧରଙ୍କ ଘରେ ବିଦ୍ୟୁତ୍ ସଂଯୋଗ ସହିତ ତାଙ୍କୁ ଆବାସ ଯୋଜନାରେ ପକ୍କା ଘର ଯୋଗାଇ ଦେବା ଏବଂ ସମସ୍ତ ପ୍ରକାର ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଥିଲା l ଜିଲ୍ଲା ଆଇନ ସେବା ପ୍ରାଧିକରଣଙ୍କ ସହିତ କେନ୍ଦ୍ରାପଡା ବିଡିଓ ଅଭିଷେକ ସ୍ୱାଇଁ, ଜିଲ୍ଲା ସାମାଜିକ ସୁରକ୍ଷା ଅଧିକାରିଣୀ ରୂପାଲୀ ପ୍ରିୟଦର୍ଶିନୀ, ବିଏସସିଓ ସୁଦୀପ୍ତା ମହାପାତ୍ର ପ୍ରମୁଖ ଉପସ୍ଥିତ ଥିଲେ l କେବଳ ଶ୍ରୀଧର ନୁହଁନ୍ତି ଜିଲାର ସମସ୍ତ ହିତାଧିକାରୀଙ୍କୁ ଏହି ସୁବିଧା ଯୋଗାଇ ଦେବା ପାଇଁ ମଧ୍ଯ ଉଚ୍ଚ ନ୍ଯାୟାଳୟ ନିର୍ଦ୍ଦେଶ ଦେଇଛନ୍ତି।