ଛତ୍ରପୁର ୧୪/୦୧: ଗଞ୍ଜାମ ଜିଲ୍ଲାର ଋଷିକୁଲ୍ୟା ମୁହାଁଣ  ଅଞ୍ଚଳ ସମୁଦ୍ରରେ ବିରଳ ସାମୁଦ୍ରିକ କଇଁଛ ଅଲିଭ ରିଡେଲେଙ୍କ ମିଳନ ପ୍ରକ୍ରିୟା ଆରମ୍ଭ ହୋଇଥିବା ଦେଖିବାକୁ ମିଳିଛି l ସମୁଦ୍ରରେ ଯୋଡ଼ା ଯୋଡ଼ା ହୋଇ ଭାଷମାନ ଅବସ୍ଥାରେ କଇଁଛ ମାନଙ୍କୁ ଦେଖିବାକୁ ମିଳୁଛି । ପାଗର ଅନୁକୂଳ ଅବସ୍ଥା ଆସିଲେ ଅର୍ଥାତ୍‌ ଦକ୍ଷିଣା ପବନ ବହିଲେ କଇଁଛଙ୍କ ଅଣ୍ଡା ଦାନ ପର୍ବ ପ୍ରକ୍ରିୟା ଆରମ୍ଭ ହେବା ନେଇ ବିଶେଷଜ୍ଞ ମାନେ ମତ ଦେଇଛନ୍ତି l ବର୍ତ୍ତମାନ ଏହି ମିଳନ ପ୍ରକ୍ରିୟାକୁ ନେଇ ବନ ବିଭାଗ, ପରିବେଶବିତଙ୍କ ମଧ୍ୟରେ ଅଧିକ ଉତ୍ସlହ ପ୍ରକାଶ ପାଇଛି । ବନ ବିଭାଗ ପକ୍ଷରୁ ଋଷିକୂଲ୍ୟା ମୁହାଣ ଅଞ୍ଚଳରେ କଡା ସୁରକ୍ଷା ବ୍ୟବସ୍ଥା କରାଯିବା ସହ ତଦାରଖ କରୁଛନ୍ତି । 

ମିଳିଥିବା ସୂଚନା ଅନୁସାରେ, କୂଳ ଠାରୁ ପ୍ରାୟ ପାଞ୍ଚରୁ ସାତ କିଲୋମିଟର ଦୂରରେ ଡିସେମ୍ବରରୁ ଜାନୁଆରୀ ଶେଷ  ବେଳକୁ ବହୁ ସଂଖ୍ୟାରେ ସାମୁଦ୍ରିକ କଇଁଛଙ୍କ ମିଳନ ପ୍ରକ୍ରିୟା ସମୁଦ୍ର ମଧ୍ୟରେ ଦେଖିବାକୁ ମିଳିଥାଏ । ରିପୋର୍ଟ ଅନୁଯାୟୀ, ୨୦୨୨ ରେ ୫ଲକ୍ଷ, ୨୦୨୩ ରେ ୬ ଲକ୍ଷ ୩୭ ହଜାର କଇଁଛ ଅଣ୍ଡା ଦେଇଥିଲେ । କିନ୍ତୁ ୨୦୨୪ ରେ କୌଣସି କାରଣରୁ କଇଁଛ ଅଣ୍ଡା ଦେବାକୁ ଆସିନଥିଲେ। ତେବେ ୨୦୨୫ ରେ କଇଁଛମାନେ ବହୁ ମାତ୍ରରେ ଅଣ୍ଡା ଦେବେ ବୋଲି ସମସ୍ତେ ଆଶାବାଦୀ ରହିଛନ୍ତି ।  

ତେବେ ଏହି ବିରଳ ଅଲିଭ ରିଡଲେ ବାହାର ଦେଶରୁ ଆସିଥାନ୍ତି, ଏଠାକାର ପରିବେଶ ସେମାନଙ୍କୁ ସୁହାଇ ଥାଏ । ସେମାନଙ୍କ ସୁରକ୍ଷିତ ଆଗମନ ସହ ପ୍ରଜ୍ଜଜନ ଓ ଗଣ ଅଣ୍ଡାଦାନ ପାଇଁ  ଗଞ୍ଜାମ ଜିଲାର ଋଷିକୁଲ୍ୟା ମୁହାଣ ଏକ ସୁରକ୍ଷିତ ସ୍ଥାନ ରହିଥାଏ । ଏହାକୁ ଦୃଷ୍ଟିରେ ରଖି ଏନେଇ   ଚଳିତ ମାସ ୧ ତାରିଖରୁ  ମେ ୩୧ ପ୍ରର୍ଯ୍ୟନ୍ତ, ଏହି ୭ମାସ ଗଞ୍ଜମ ଋଷିକୁଲ୍ୟା ଉପକୂଳ ସମୁଦ୍ରରେ ମତ୍ସ୍ୟଜୀବିମାନଙ୍କୁ ମାଛ ଧରିବାକୁ ବାରଣ କରାଯାଇଛି । ଗଞ୍ଜାମ ଋଷିକୁଲ୍ୟା ମୁହଣା ସମୁଦ୍ର ନିକଟ ଆର୍ଯ୍ୟପଲ୍ଲୀ ଠାରୁ ପ୍ରୟାଗି ପ୍ରର୍ଯ୍ୟନ୍ତ ଏହି ୨୦ କିମିକୁ ନୋ ଫିସିଂ ଜୋନ ଭାବେ ଘୋଷଣା କରାଯାଇଥାଏ । ଏହି ସମୟରେ ଅଲିଭ ରିଡେଲ ସାମୁଦ୍ରିକ କଇଁଛଙ୍କ ମିଳନ ଓ ଅଣ୍ଡାଦାନ ପ୍ରକ୍ରିୟା ହୋଇଥାଏ ।