ଜହ୍ନlପଙ୍କ, ୫/୫: : ବୌଦ୍ଧ ଥାନା ଜହ୍ନାପଙ୍କ ଫାଣ୍ଡି ପୋଡାବଲସ ଛକ ନିକଟରେ ଗୋଟିଏ ଟ୍ୟାଙ୍କର ଓ ବାଇକ ମଧ୍ୟରେ ମୁହଁlମୁହିଁ ଧକ୍କା ହୋଇଛି। ଏଥିରେ ବାଇକ ଆରୋହୀଙ୍କ ମୃତ୍ୟୁ ଘଟିଛି l  ମୃତକ ଜଣକ ହେଲେ ବଡ ଖଲିଗାଁ ଗ୍ରାମର ସୁମନ୍ତ ରଣା ।

ପଦ୍ମନପୁର ଗ୍ରାମ ପଞ୍ଚାୟତ ବଡ ଖଲିଗାଁ ଗ୍ରାମର ସୁମନ୍ତ ରଣା ଏକ ବାଇକ ଯୋଗେ ବୌଦ୍ଧ ପଟରୁ ନିଜ ଗାଆଁକୁ ଫେରୁଥିଲେ। ଏହି ସମୟରେ ପୋଡା ବଲସ ନିକଟରେ ସାମ୍ନାରୁ ଆସୁଥିବା ଏକ ଟ୍ୟାଙ୍କର ସହ ମୁହଁlମୁହିଁ ଧକ୍କା ହୋଇଥିଲା | ଫଳରେ ଘଟଣା ସ୍ଥଳରେ ସୁମନ୍ତଙ୍କ ମୃତ୍ୟୁ ହୋଇଥିଲା l ଖବର ପାଇ ଜହ୍ନାପଙ୍କ ଫାଣ୍ଡି ଅଧିକାରୀ ପ୍ରାଣବନ୍ଧୁ ସାହୁ ଓ ବୌଦ୍ଧ ଆଇଆଇସି ରଂଜିତ କୁମାର ମୁନୀ ଘଟଣା ସ୍ଥଳରେ ପହଞ୍ଚି ଟ୍ୟାଙ୍କର ଓ ବାଇକକୁ ଜବତ କରି ମୃତଦେହକୁ ଏକ ଅଟୋ ଯୋଗେ ବ୍ୟବଚ୍ଛେଦ ପାଇଁ ବୌଦ୍ଧ ଡାକ୍ତରଖାନାକୁ ଆଣିଥିଲେ l ଟ୍ୟାଙ୍କର ଡ୍ରାଇଭର ଓ ହେଲପରକୁ ଜହ୍ନାପଙ୍କ ଫାଣ୍ଡିରେ ଅଟକ ରଖି ପୋଲିସ ତଦନ୍ତ କରୁଛି।