ମାଲକାନଗିରି /ଖଇରପୁଟ,୨୨/୧୧ : ବାଇକ୍ ଦୁର୍ଘଟଣାରେ ଜଣେ ଯୁବକର ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି । ଏପରି ଏକ ଦୁର୍ଘଟଣା ଘଟିଛି ମାଲକାନଗିରି ଜିଲ୍ଲା ଖଇରପୁଟ ବ୍ଲକସ୍ଥ ଆମ୍ଳୀପୁଟ ଘାଟି ରାସ୍ତାରେ।

ଓରକେଲ ଥାନା ନୀଳାଦ୍ରିନଗରର ଅରୁଣ ପାଙ୍ଗି(୨୫) ଓ ଅଜୟ ମହାପାତ୍ର(୨୪) ଏକ ବାଇକ ଯୋଗେ ଜୟପୁରରୁ କାମ ସାରି ଗୁରୁବାର ରାତ୍ରରେ ନିଜ ଘରକୁ ଫେରୁଥିଲେ। ଆମଳିପୁଟ ବୁଲାଣି ଘାଟି ରାସ୍ତାରେ ଭାରସାମ୍ୟ ହରାଇ ଏକ ଗଛରେ ବାଇକଟି ପିଟି ହୋଇଯାଇଥିଲା । ଦୁଇ ବନ୍ଧୁ ଦୂରକୁ ଛିଟିକି ପଡି ଆହତ ହୋଇଥିଲେ । ରାତି ହୋଇଥବାରୁ ଦୁଇ ଜଣ ଯାକ ରାସ୍ତାରେ ବହୁ ସମୟ ଧରି ପଡି ରହିଥିଲେ। ଭୋରୁ ଲୋକମାନେ ଦେଖି ହସ୍ପିଟାଲକୁ ପଠାଇଥିଲେ ।  ଅଜୟ ମହାପାତ୍ରଙ୍କ ମୁଣ୍ଡ ଓ ଛାତିରେ ଆଘାତ ଲାଗିଥିବାରୁ ତାଙ୍କର ମୃତ୍ୟୁ ଘଟିଥିଲା । ଗୁରୁତର ଅରୁଣ ପାଙ୍ଗୀଙ୍କୁ ଆଜି କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ସ୍ଥାନାନ୍ତରିତ କରାଯାଇଛି। ମୁଦୁଲିପଡା ଥାନା ପୁଲିସ ଘଟଣା ସ୍ଥଳରେ ପହଁଚି ଶବ ବ୍ୟବଛେଦ ପରେ ମୃତ ପରିବାରଙ୍କୁ ହସ୍ତାନ୍ତର କରି ତଦନ୍ତ ଚଳାଇଛନ୍ତି।