ନୂଆଦିଲ୍ଲୀ ୨୫/୦୪: ଆଧୁନିକ ସମାଜରେ ସୌନ୍ଦର୍ଯ୍ୟ କଥା ଉଠିଲେ ମନକୁ ପ୍ରଥମେ ଯୁବପିଢ଼ି କଥା ଆସେ। ହେଲେ ଏହି ଧାରଣାକୁ ବଦଳାଇ ଦେଇଛି ପିପୁଲ୍ ମାଗାଜିନ୍। ପିପୁଲ୍ ମାଗାଜିନ୍ ଜଣେ ୬୨ ବର୍ଷିୟା ହଲିଉଡ୍ ଷ୍ଟାରଙ୍କୁ ୨୦୨୫ର ସବୁଠୁ ସୁନ୍ଦର ମହିଳା ଭାବରେ ଚୟନ କରିଛି। ସେ ଅଭିନେତ୍ରୀ ଡେମି ମୁରଙ୍କୁ ୨୦୨୫ ମସିହାର ବିଶ୍ୱର ସବୁଠାରୁ ସୁନ୍ଦରୀ ମହିଳା ଭାବରେ ସମ୍ମାନିତ କରିଛି। ଡେମି ଏହି ପଦବୀ ହାସଲ କରିଥିବା ସବୁଠାରୁ ବୟସ୍କ ମହିଳାଙ୍କ ମଧ୍ୟରୁ ଜଣେ।
୬୨ ବର୍ଷୀୟା ଏହି ଷ୍ଟାର ଫିଲ୍ମ "ଦି ସବଷ୍ଟେନ୍ସ" ସହିତ ହଲିଉଡକୁ କମବ୍ୟାକ୍ କରିଛନ୍ତି। ତାଙ୍କର ଏହି ଫିଲ୍ମ ତାଙ୍କୁ ଅନେକ ପ୍ରଶଂସା, ଓସ୍କାର ନାମାଙ୍କନ ଏବଂ ଗୋଲ୍ଡେନ ଗ୍ଲୋବ୍ ପୁରସ୍କାର ଦେଇଛି। ନିକଟରେ କଭର ଷ୍ଟୋରି ପାଇଁ ଏକ ସାକ୍ଷାତକାରରେ, ଡେମି ତାଙ୍କ ଶରୀର ସହିତ ଥିବା ଆରାମଦାୟକ ସମ୍ପର୍କ ବିଷୟରେ କହିଛନ୍ତି।
୬୦ ବର୍ଷ ବୟସରେ କିପରି ଏତେ ସୁନ୍ଦର ଦେଖାଯାଉଥିବାକୁ ନେଇ ଡେମି କହିଛନ୍ତି, "ମୋ ଶରୀର ଆଜି ମୋତେ ଏହି ସ୍ଥାନରେ ପହଞ୍ଚାଇବା ପାଇଁ ଯାହା କିଛି ସହିଛି, ସେଥିପାଇଁ ମୁଁ ପୂର୍ବ ଅପେକ୍ଷା ଅଧିକ କୃତଜ୍ଞ। ଏହାର ଅର୍ଥ ଏହା ନୁହେଁ ଯେ ମୁଁ କେତେବେଳେ ଆଇନାରେ ନିଜକୁ ଦେଖି ଭାବେ ନାହିଁ ଯେ 'ହେ ଭଗବାନ, ମୁଁ ବୁଢି ଦେଖାଯାଉଛି' କିମ୍ବା 'ମୋ ଚେହେରା ଖରାପ ହେଉଛି' - ମୁଁ ଏମିତି ହିଁ ଭାବେ। କିନ୍ତୁ ମୁଁ ଏହା ଗ୍ରହଣ କରୁଛି କି ମୁଁ ଆଜି ଏହି ସ୍ଥାନରେ ଅଛି, ଏବଂ ମୁଁ ଜାଣେ ଯେ ଆଜିର ପାର୍ଥକ୍ୟ ହେଉଛି ଏହା ମୋର ମୂଲ୍ୟ କିମ୍ବା ମୁଁ କିଏ ତାହା ପରିଭାଷିତ କରେ ନାହିଁ।
ଏହା ବ୍ୟତୀତ ଅଭିନେତ୍ରୀ ସ୍ୱୀକାର କରିଛନ୍ତି ଯେ ଯେତେବେଳେ ସେ ଛୋଟ ଥିଲେ, ସେ ଏକ ଉତ୍ତମ ଶରୀର ପାଇବା ପାଇଁ "ନିଜକୁ ନିର୍ଯାତନା ଦେଉଥିଲେ"। ସେ କହିଛନ୍ତି, ଏବେ ମୋର ଶରୀର ସହିତ ବହୁତ ଆରାମଦାୟକ, ସହଜ ସମ୍ପର୍କ ରହିଛି। ଯେତେବେଳେ ସେ ମୋତେ କୁହେ ତାକୁ କିଛି ଖାଇବାର ଅଛି, ଶୋଷ ଲାଗୁଛି, ମୁଁ ତାହାକୁ ବିଶ୍ୱାସ କରେ। ମୁଁ ଆଜି ମୋ ଶରୀରକୁ ଶୁଣୁଛି, ଏବଂ ମୁଁ ବହୁତ କମ୍ ଭୟଭୀତ ହେଉଛି। ଯେତେବେଳେ ମୁଁ ଛୋଟ ଥିଲି, ମୋତେ ଲାଗୁଥିଲା ଯେ ମୋ ଶରୀର ମୋତେ ଧୋକା ଦେଉଛି। ତେଣୁ ମୁଁ ଏହାକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଥିଲୁ।
