ନୂଆଦିଲ୍ଲୀ: ପହଲଗାମ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ସମ୍ପର୍କରେ ତିକ୍ତତା ଶୀର୍ଷରେ ପହଞ୍ଚିଛି। ଏହି ଆତଙ୍କବାଦୀ ଆକ୍ରମଣରେ ୨୬ ଜଣ ନିର୍ଦ୍ଦୋଷ ଲୋକ ପ୍ରାଣ ହରାଇଛନ୍ତି। ଏହା ପରେ ଭାରତ ସାରା ବିଶ୍ୱର ଲୋକମାନେ ଏହି ଘଟଣାକୁ ନିନ୍ଦା କରିଛନ୍ତି। ପାକିସ୍ତାନଠାରୁ ପ୍ରତିଶୋଧ ନେବାର ଦାବି ହେଉଛି । ଅନ୍ୟପକ୍ଷରେ ଏହି ଆକ୍ରମଣକୁ ନେଇ ପାକିସ୍ତାନୀ ତାରକାମାନେ ଏବେ ନିଜ ନିଜ ମଧ୍ୟରେ ଲଢ଼ୁଥିବା ଦେଖିବାକୁ ମିଳିଛି । ଏପ୍ରିଲରେ ୨୨ରେ ଜମ୍ମୁକାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଯେତେବେଳେ ସାରା ବିଶ୍ୱ ଏହି ଘଟଣାରେ ପ୍ରତିକ୍ରିୟା ଦେଉଥିଲା, ସେତେବେଳେ ଅନେକ ବଡ଼ ବଡ଼ ପାକିସ୍ତାନୀ ତାରକା ମଧ୍ୟ ପ୍ରତିକ୍ରିୟା ପ୍ରକାଶ କରିଥିଲେ। 

ମାହିରା ଖାନ, ହାନିଆ ଆମିରଙ୍କଠାରୁ ଆରମ୍ଭ କରି ଫୱାଦ ଖାନଙ୍କ ପର୍ଯ୍ୟନ୍ତ ପାକିସ୍ତାନର ଅନେକ ତାରକା ଏହି ଘଟଣାରେ ଦୁଃଖ ପ୍ରକାଶ କରିଥିଲେ। କିନ୍ତୁ ଏହି କଥା ପାକିସ୍ତାନର ଜଣେ ବଡ଼ ଅଭିନେତ୍ରୀ ବୋଲି ବିବେଚିତ ଉର୍ବେ ହୁସେନଙ୍କୁ ପସନ୍ଦ ଆସୁନାହିଁ । ଭାରତ ସମସ୍ତ ପାକିସ୍ତାନୀ ତାରକାଙ୍କ ସୋସିଆଲ ମିଡିଆ ହ୍ୟାଣ୍ଡେଲକୁ ନିଷିଦ୍ଧ କରିଛି। ଏହି ସମୟରେ ଉର୍ବା ହୁସେନଙ୍କ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ପାକିସ୍ତାନୀ ତାରକାମାନଙ୍କୁ ସମାଲୋଚନା କରୁଥିବାର ଦେଖାଯାଉଛି ।

 ଉର୍ବା ସେହି ପାକିସ୍ତାନୀ ତାରକାମାନଙ୍କୁ ଟାର୍ଗେଟ କରୁଛନ୍ତି ଯେଉଁମାନେ ପହଲଗାମ ଆକ୍ରମଣକୁ ନିନ୍ଦା କରିଥିଲେ ଏବଂ ଦୁଃଖ ପ୍ରକାଶ କରିଥିଲେ। ଉର୍ବାଙ୍କ ଭିଡିଓ ସୋସିଆଲ ମିଡିଆ ପ୍ଲାଟଫର୍ମ X (ପୂର୍ବରୁ ଟ୍ୱିଟର) ରେ ଭାଇରାଲ ହେଉଛି । ଏଥିରେ ସେ କହୁଛନ୍ତି, ‘ଧରନ୍ତୁ ଆପଣଙ୍କ ସାମ୍ନାରେ ଏକ ହତ୍ୟା ଘଟିଛି। ସେଠାରେ ଉପସ୍ଥିତ ସମସ୍ତ ଲୋକ କହୁଛନ୍ତି ଯେ ଆପଣ ଏହା କରିଛନ୍ତି। ତେବେ ଆପଣଙ୍କର ପ୍ରଥମ ପ୍ରତିକ୍ରିୟା କ'ଣ ହେବ? ଆପଣ ପ୍ରଥମେ କହିବେ ଯେ ଏହା ମାନବତା ପାଇଁ ଏକ ବଡ଼ କ୍ଷତି କିମ୍ବା ଆପଣ କହିବେ ଯେ ଆପଣ ମୋତେ ଦୋଷ ଦେବାର ସାହସ କିପରି କଲେ, ଯେତେବେଳେ ମୁଁ ଏହା କରିନଥିଲି।’

ଭିଡିଓରେ ଉର୍ବା ହୁସେନ ଆହୁରି କହିଛନ୍ତି, ‘ଆମେ ସମସ୍ତେ ଆନ୍ତର୍ଜାତୀୟ ସହଯୋଗ ଉପେର ବିଶ୍ବାସ କରୁ । ଏହା ଏକ ବହୁତ ଭଲ କଥା। ଗୋଟିଏ କ୍ଷେତ୍ରରେ ତୁମେ ତୁମର ଦେଶକୁ ଗୌରବାନ୍ବିତ କରୁଛ। କିନ୍ତୁ ଯେତେବେଳେ କୌଣସି ପରୀକ୍ଷା ଆସେ, ତୁମକୁ ଏକ ପକ୍ଷ ନେବାକୁ ପଡିବ। ତୁମେ କହିପାରିବ ନାହିଁ ଯେ ଆରାମ କର, ଆମେ ଏହାକୁ କରୁଣା ଏବଂ ଶାନ୍ତି ସହିତ ମୁକାବିଲା କରିବା ଉଚିତ। ହଁ, ଆମେ ସମସ୍ତେ ଶାନ୍ତି ଚାହୁଁ।’

ଉର୍ବା ହୁସେନ ତାଙ୍କ ଷ୍ଟାରମାନଙ୍କ ବିଷୟରେ ସେମାନଙ୍କ ନାମ ନନେଇ କହିଛନ୍ତି ଯେ, ଯଦି କେହି ତୁମକୁ ଥରେ ତୁମ ଘରୁ ବାହାର କରିଦିଏ, ତେବେ ତୁମେ ପୁଣି ସେଠାକୁ ଯିବ ନାହିଁ। ଏଠାରେ ତୁମକୁ ଅଗଣିତ ଥର ବାହାର କରିଦିଆଯାଇଛି। ଉର୍ବା ଏକ ଭିଡିଓରେ କହିଛନ୍ତି, ‘ମୁଁ କାହାର ନାମ ନେଉନାହିଁ, କିନ୍ତୁ ପ୍ରଥମେ ଆତ୍ମସମ୍ମାନ ଆସେ।’