ନୂଆଦିଲ୍ଲୀ,୮।୫: ପାକିସ୍ତାନଠାରୁ ପହଲଗାମ ହମଲାର ପ୍ରତିଶୋଧ ନେଇଛି ଭାରତ। ‘ଅପରେସନ ସିନ୍ଦୂର’ ମାଧ୍ୟମରେ ଆତଙ୍କୀ ଆଡ୍ଡାକୁ ମାଟିରେ ମିଶାଇଛି। ତେବେ ଏହା ମଧ୍ୟରେ ଆସିଛି ଆଉ ଏକ ବଡ଼ ଖବର । ANI ରିପୋର୍ଟ ଅନୁଯାୟୀ, ଭାରତର ଟାର୍ଗେଟରେ ପାକିସ୍ତାନର HQ-9 ଏୟାର ଡିଫେନ୍ସ ସମ୍ପୂର୍ଣ୍ଣ ଭାବରେ ହୋଇଛି ଧ୍ବସ୍ତବିଧ୍ବସ୍ତ।

ପାକିସ୍ତାନର ହୀନ ଉଦ୍ୟମ ମାରିଲା ଫେଲ୍। ଗତକାଲି ବିଳମ୍ବିତ ରାତିରେ ଉତ୍ତର ଏବଂ ପଶ୍ଚିମ ଭାରତରେ ଥିବା ସାମରିକ ଘାଟିକୁ ଟାର୍ଗେଟ କରିଥିଲା ପାକିସ୍ତାନ। ଏହି ସବୁ ସ୍ଥାନ ଗୁଡିକ ଭିତରେ ଥିଲା ଅବନ୍ତିପୁରା, ଶ୍ରୀନଗର, ଜମ୍ମୁ, ପଠାନକୋଟ୍, ଅମୃତସର, କପୁରଥଲା, ଜଳନ୍ଦର, ଲୁଧିୟାନା, ଆଦମପୁର, ଭଟିଣ୍ଡା, ଚଣ୍ଡୀଗଡ, ନାଲ, ପାଲହୋଣି, ଉତ୍ତରଲାଇ ଏବଂ ଭୁଜ୍।  ତେବେ ଭାରତୀୟ ସେନା ଏହି ହମଲାକୁ ୟୁଏଏସ୍ ଗ୍ରୀଡ୍ ଓ ଏୟାର ଡିଫେନ୍ସ ସିଷ୍ଟମ ଦ୍ବାରା କରିଥିଲା ପ୍ରଭାବହୀନ। ଏହି ଆକ୍ରମଣ ପରେ ଏୟାର  ଭଗ୍ନାଂବଶେଷ ବହୁ ସ୍ଥାନରୁ ଉଦ୍ଧାର କରାଯାଇଛି। ଏହାର ଜବାବରେ ଆଜି ସକାଳେ ପାକିସ୍ତାନର ଏକାଧିକ ସହର ଉପରେ  ଆକ୍ରମଣ କରିଥିଲା ଭାରତ। ଲାହେର ଏବଂ କରାଚୀ ସହ ପାକିସ୍ତାନର ଅନ୍ୟ ବଡ଼ ସହରକୁ  ଭାରତ ଡ୍ରୋନ୍ ମାଡ଼ କରିଥିଲା। ଏହି ସମୟରେ ଭାରତ ଏୟାର ଡିଫେନ୍ସ ରାଡାର ଓ ସିଷ୍ଟମକୁ ଟାର୍ଗେଟ କରିଥିଲା। ସୁତ୍ରରୁ ମିଳିଥିବା ସୂଚନା ଅନୁସାରେ, ଲାହୋରରେ ଥିବା ପାକିସ୍ତାନୀ ଏୟାର ଡିଫେନ୍ସ ସିଷ୍ଟମ HQ-9 ସମ୍ପୂର୍ଣ୍ଣ ଭାବରେ ହୋଇଛି ଧ୍ବସଂ।

ଚୀନ୍‌ ଦ୍ବାରା ନିର୍ମିତ HQ-9 ଏୟାର ଡିଫେନ୍ସ ସିଷ୍ଟମକୁ ପାକିସ୍ତାନର ବହୁସ୍ତରୀୟ ପ୍ରତିରକ୍ଷା ନେଟଓ୍ବର୍କର ଏକ ଗୁରୁତ୍ବପୂର୍ଣ୍ଣ ଅଂଶ ବୋଲି ମନେକରାଯାଏ।  ତେବେ ଭାରତର ଟାର୍ଗେଟରେ HQ-9 ଲଞ୍ଚର ଓ ଏହାର ରାଡାର ସିଷ୍ଟମ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି। ଯାହା ଯୋଗୁଁ ପାକିସ୍ତାନର ବାୟୁ ପ୍ରତିରକ୍ଷା କ୍ଷମତା ପ୍ରଭାବିତ ହୋଇଛି। ଏହା ପୂର୍ବରୁ  ମଙ୍ଗଳବାର ଅଧା ରାତିରେ  ‘ଅପରେସନ୍ ସିନ୍ଦୁର’ ଆଗରେ  ଏଚକ୍ୟୁ-୯ ଏୟାର ଡିଫେନ୍ସ ସିଷ୍ଟମ ମାରିଥିଲା ଫେଲ।    ଭାରତର  ଟାର୍ଗେଟକୁ  କରିପାରିନଥିଲା  ଟ୍ରାକ୍।   ଏହାକୁ   ୨୦୨୧ରେ ପାକିସ୍ତାନ ତା’ର ସେନାରେ ସାମିଲ କରିଥିଲା । ଏହାର ରେଞ୍ଜ ୧୨୫ରୁ ୨୦୦କିଲୋମିଟର । ସେଭଳି  ୧୦୦ ଟାର୍ଗେଟକୁ  ଟ୍ରାକ୍ କରିବାର କ୍ଷମତା ରଖିଥିଲା। ଭାରତର ରାଫେଲ, ସୁଖୋଇ, ବ୍ରହ୍ମୋସକୁ ଜବାବ ଦେବ ବୋଲି HQ-9 ଉପରେ ଭରସା କରିଥିଲା ପାକିସ୍ତାନ । ଏପରିକି  ଭାରତର ଏସ-୪୦୦ସହ ତୁଳନା କରୁଥିଲା ଆତଙ୍କୀସ୍ଥାନ । ହେଲେ  ଭାରତର ରଣନୀତି ଆଗରେ ଫେଲ୍ ମାରିଥିଲା HQ-9 । ଏବେ ରାଡାର ସିଷ୍ଟମ ଧ୍ୱଂସ ହେବା ପରେ ପାକିସ୍ତାନର ସବୁ ଆଶା ଭରସା ଧୂଳିସାତ ହୋଇଛି।