ଛତ୍ରପୁର, ୧୫।୫: ବେକରେ ରସି ଲଗାଇ ଝୁଲିପଡ଼ିଲେ ଯୁବକ । ଛତ୍ରପୁରଥାନା ଅନ୍ତର୍ଗତ ପାଲିଆ ଛତ୍ରପୁର ମଝିସାହିରେ ଜଣେ ଯୁବକ ଲୁଗାସହ ଛାତର କ୍ଲାମ୍ପକୁ ବାନ୍ଧି ବେକରେ ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି l ଆତ୍ମହତ୍ୟା କରିଥିବା ଯୁବକ ଜଣକ ୨୮ ବର୍ଷୀୟ ଟି. ରାଜା ସ୍ୱାଇଁ l ନିଜ ଘରର ଦାଣ୍ଡ ପଟ ଏବଂ ବାରି ପଟ ଉଭୟ କବାଟ ଭିତର ପଟୁ ତାଲା ପକାଇ ରାଜା ଆତ୍ମହତ୍ୟା କରିଥିବା ସୂଚନା l 

ଗତ ୨-୩ ଦିନ ପୂର୍ବରୁ ସେ ଆତ୍ମହତ୍ୟା କରିଥିବା ପୋଲିସ ଅନୁମାନ କରାଯାଉଛି l ଘରୁ ଦୁର୍ଗନ୍ଧ ହେବା ପରେ ଗାଁ ଲୋକ ପୁଲିସକୁ ଖବର ଦେଇଥିଲେ l ପୁଲିସ ଏଏସଆଇ କାଳୁ ଚରଣ ସ୍ୱାଇଁ ଏବଂ କବିତା ବେହେରା ଘଟଣାସ୍ଥଳରେ ପହଞ୍ଚି ଘର କବାଟ ଭାଙ୍ଗି ଶବକୁ ଉଦ୍ଧାର କରିଛନ୍ତି l ତେବେ ଯୁବକ ଜଣ କାହିଁକି ଆତ୍ମହତ୍ୟା କରିଛନ୍ତି, ତା’ର କାରଣ ଜଣାପଡ଼ିନାହିଁ l ପୁଲିସ ମାମଲାର ତଦନ୍ତ ଜାରି ରଖିଛି । କହିରଖୁ କି, ରାଜା ଘରେ ଏକା ରହୁଥିଲେ l ତାଙ୍କ ପରିବାରର ଅନ୍ୟ ସଦସ୍ୟ ଚେନ୍ନାଇରେ ରହୁଛନ୍ତି l