ଫିରିଙ୍ଗିଆ, ୧୯/୫:  କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକର ଗୋଚ୍ଛାପଡ଼ାକୁ ନୂତନ ବ୍ଲକ ଗଠନ କରିବାକୁ ଦୀର୍ଘ ବର୍ଷ ହେବ ଦାବୀ ହୋଇ ଆସୁଛି l ଆଗାମୀ ଦିନରେ ନୂତନ ବ୍ଲକ ଗଠନ ନେଇଁ ସରକାରଙ୍କ ତରଫରୁ ସବୁଜ ସଂକେତ ଆସିଛି।  ଏହା ପରେ ଗୋଚ୍ଛା ପଡ଼ା ଅଞ୍ଚଳ ବାସୀ ବାରମ୍ବାର ବୈଠକ କରି ଫିରିଙ୍ଗିଆ ବ୍ଲକ କାର୍ଯ୍ୟାଳୟ ଠାରୁ ଜିଲ୍ଲାପାଳଙ୍କୁ ଭେଟି ଗୋଚ୍ଛା ପଡ଼ା ବ୍ଲକ ଗଠନ ପାଇଁ ଲିଖିତ ଦାବୀ ଜଣାଇଥିଲେ।  ଏକ ପ୍ରତିନିଧି ଦଳ ମୁଖ୍ୟମନ୍ତ୍ରୀଙ୍କୁ ମଧ୍ୟ ଭେଟି ଆଲୋଚନା କରିବା ସହ ଲିଖିତ ଭାବରେ ଦାବିପତ୍ର ପ୍ରଦାନ କରିଛନ୍ତି l 

ଏହି ପରିସ୍ଥିତିରେ ଫିରିଙ୍ଗିଆ ବ୍ଲକରେ ୨୪ ଟି ପଞ୍ଚାୟତରୁ ଅନ୍ୟୁନ ୧୨ ଟି ପଞ୍ଚାୟତକୁ ସାମିଲ କରିବାକୁ ଗୋଚ୍ଛାପଡ଼ା ଅଞ୍ଚଳବାସୀ ଜୋରଦାର ଉଦ୍ୟମ କରୁଛନ୍ତି l ଏହି ଗୋଚ୍ଛାପଡ଼ା ବ୍ଲକ ଗଠନ ପାଇଁ ବ୍ଲକର ପାଙ୍ଗା ଉପରସାହି ପଞ୍ଚାୟତକୁ ସାମିଲ କରିବାକୁ ଗୋଚ୍ଛାପଡ଼ାରୁ ଏକ ପ୍ରତିନିଧି ଦଳ ଆଲୋଚନା ପାଇଁ ପାଙ୍ଗା ଉପର ସାହିକୁ ଯାଇ ଆଲୋଚନା କରିଥିଲେ। ଜିଲ୍ଲାପାଳଙ୍କୁ ପାଙ୍ଗା ଉପରସାହି ପଞ୍ଚାୟତ ସାମିଲ ହେବା ନେଇଁ ଦାବୀ କରିଥିଲେ।

ଫିରିଙ୍ଗିଆ ବ୍ଲକରେ ସମସ୍ତ ସୁବିଧା ଥିବାରୁ ନୂତନ ବ୍ଲକ ଗୋଚ୍ଛାପଡ଼ା ଗଠନ ହେଲେ ମଧ୍ୟ ଗୋଚ୍ଛାପଡ଼ା ବ୍ଲକରେ ସାମିଲ ନ କରିବାକୁ ସମସ୍ତ ପଞ୍ଚାୟତ ବାସୀ ଜିଲ୍ଲା ପାଳଙ୍କୁ ଲିଖିତ ଦାବୀପତ୍ର ପ୍ରଦାନ କରିଛନ୍ତି l ଏଥି ସହିତ ଫିରିଙ୍ଗିଆ ଗୋଷ୍ଠୀ ଉନ୍ନୟନ ଅଧିକାରୀ ମୁଖ୍ୟମନ୍ତ୍ରୀ, ପଞ୍ଚାୟତ ରାଜ ମନ୍ତ୍ରୀ, ରାଜସ୍ବ ମନ୍ତ୍ରୀଙ୍କୁ ମଧ୍ୟ ଲିଖିତ ଦାବୀ ପତ୍ର ଜିଲ୍ଲାପାଳ ଙ୍କ ଜରିଆରେ ପ୍ରଦାନ କରିଛନ୍ତି l ଆଗାମୀ ଦିନରେ  ଗୋଚ୍ଛା ପଡ଼ା ନୂତନ ବ୍ଲକ ଗଠନ ହେଲେ ମଧ୍ୟ ଫିରିଙ୍ଗିଆ ବ୍ଲକ ରେ ହିଁ ପାଙ୍ଗା ଉପର ସାହି ପଞ୍ଚାୟତ ବାସୀ ରହିବା ପାଇଁ ଦାବୀ କରିଛନ୍ତି l