ପାଟନା,୩।୮: ବିହାରରେ ସ୍ପେଶାଲ ଇନଟେନସିଭ ରିଭିଜନ୍ (ଏସଆଇଆର)ବେଳେ ମୋଟ ୭.୨ କୋଟି ଭୋଟରଙ୍କ ଭିତରୁ ୬୫ ଲକ୍ଷଙ୍କ ନାଁ କଟି ଯାଇଛି। ନିର୍ବାଚନ କମିଶନ୍ ନୂଆ ଭୋଟର ଲିଷ୍ଟର ଡ୍ରାଫ୍ଟ ଜାରି କରିଛି। ୬୫ ଲକ୍ଷରୁ ୨୨ ଲକ୍ଷ ଲୋକଙ୍କର ମୃତ୍ୟୁ ହୋଇସାରିଛି। ସେଭଳି ବାକି ମତଦାତାଙ୍କ ନାଁ କଟିବାର କାରଣ ମଧ୍ୟ ଅଲଗା ରହିଛି। ଏଥିରେ ମାଇଗ୍ରେସନ୍, ଅନ୍ତରାଜ୍ୟ ପ୍ରବାସୀ ଓ ସୀମା ପାର ପାରିବାରିକ ସମ୍ପର୍କ ଥିବା ମତଦାତା ମଧ୍ୟ ରହିଛନ୍ତି। ଆସନ୍ତୁ ଜାଣିବା ଏତେ ବଡ଼ ସଂଖ୍ୟାରେ କାମ କଟିବା ପଛର କାରଣ କ’ଣ ?
ରାଜଧାନୀ ପାଟନାକୁ ନେଇ ବୁଥ୍ ଲେବଲ ଅଧିକାରୀ(ବିଏଲ୍ଓ) କହିଛନ୍ତି ଯେତେବେଳେ ସେମାନେ ପ୍ରଥମେ ଘରକୁ ଘର ଫର୍ମ ନେଇ ଯାଉଥିଲେ ବହୁତ ଗୁଡିଏ ଘରେ କେହି ମିଳିନଥିନ୍ତେ। ବହୁ ମତଦାତା ସହରରେ ଘର କରି ରହୁଥିଲେ। ଏପରିକି ଅନେକ ଲୋକଥିଲେ ଯେଉଁମାନେ ଭଡା ଘରକୁ ବଦଳାଇ ସାରିଥିଲେ। ଏଭଳି ବହୁ ସଂଖ୍ୟା ନାଁରେ ଡ୍ରାଫ୍ଟ ଲିଷ୍ଟରୁ କଟି ଯାଇଥିଲା।ଏହାପରେ ମତଦାତାଙ୍କୁ ଯୋଡିବା ପାଇଁ ସ୍ବଚ୍ଛତା କାର୍ଯ୍ୟକର୍ତ୍ତା ଘର ଘର ଯାଇ ଖାଲି ଫର୍ମ ବିତରଣ କରିଥିଲେ। ଏହାପରେ ବହୁତ ଗୁଡିଏ ପରିବାର ଯୋଡି ହୋଇ ପାରିନଥିଲେ। ଏଭଳି ଏକାକୀ ପାଟାନାରେ ୧୪ ବିଧାନସଭା ଅଞ୍ଚଳରେ ୩.୯୫ ଲକ୍ଷ ନଁ କାଟି ଦିଆଯାଇଥିଲା।
ବିହାରର ଉତ୍ତରରେ ଥିବା ଜିଲ୍ଲା ଗୁଡିକରେ ସବୁଠାରୁ ଅଧିକ ନାଁ କଟିଛି। ଏଥିରେ ଦରଭଙ୍ଗା, ମଧୁବନୀ, ଗୋପାଳଗଞ୍ଚ ଓ ସୀମାଞ୍ଚଳ ଜିଲ୍ଲା ରହିଛି। ମଧୁବନୀରେ ୩.୫ ଲକ୍ଷ, ଦରଭଙ୍ଗାରେ ଦୁଇ ଲକ୍ଷ ଓ ଗୋପାଳଗଞ୍ଜରେ ପ୍ରାୟ ୩.୧ ଲକ୍ଷ ମତଦାତା କମ୍ ହୋଇଯାଇଛନ୍ତି। ଅଧିକାରୀଙ୍କ କହିବା ଅନୁସାରେ, ବହୁତ ଭୋଟର ଅସ୍ଥାୟୀ ଭାବରେ ନିଜର ଅଞ୍ଚଳ ଛାଡି ଅନ୍ୟ ସ୍ଥାନରେ ରହୁଛନ୍ତି। ସେଥିପାଇଁ ତାଙ୍କ ନାଁ କଟି ଯାଇଛି। ବହୁତ ଗୁଡିଏ ଲୋକ ନେପାଳ, ବଂଲାଦେଶର ଓ ମିଆଁମାରରୁ ଆସିଛନ୍ତି। ତାଙ୍କର ନାଁ ଭୋଟର ଲିଷ୍ଟରେ ରହିଥିଲା। ପୂର୍ବ ଓ ପଶ୍ଚିମ ଚମ୍ପାରଣଳ ସୀତାମଡି, ସୁପୋଲ,ଅରାରିୟା ଓ ପୂର୍ଣ୍ଣିଆ ଜିଲ୍ଲାରେ ଏଭଳି ସମସ୍ୟା ଅଧିକ ରହିଛି। ଏହି ଲୋକମାନେ ବିହାରର ହୋଇଥିଲେ ମଧ୍ୟ ନେପାଳରେ ରହୁଛନ୍ତି।
ଇକୋନୋମିକ୍ସ ଟାଇମ୍ସର ରିପୋର୍ଟ ଅନୁସାରେ, ପରିବାରରେ ବଣ୍ଟାବଣ୍ଟି ଓ ନ୍ୟୁକ୍ଲି୍ଅର ଫ୍ୟାମିଲି କାରଣରୁ ବହୁତ ଗୁଡିଏ ଲୋକଙ୍କ ନାଁ କଟି ଯାଇଛି। ଏବେ ନିର୍ବାଚନ କମିଶନଙ୍କ ଦାବି ଓ ଆପତ୍ତିକୁ ବହୁ ଲୋକ ସ୍ବୀକାର କରୁଛନ୍ତି। ତେବେ କିଛି ଲୋକ କହିଛନ୍ତି,ତାଙ୍କ ନାଁ ମୃତକଙ୍କ ମଧ୍ୟରେ ସାମିଲ କରାଯାଇଛି। କିନ୍ତୁ ସେମାନେ ଜୀବିତ ଅଚନ୍ତି। ସେଭଳି ଆଉ କିଛି କହିଛନ୍ତି, ଯେଉଁମାନଙ୍କର ମୃତ୍ୟୁ ହୋଇଛି ତାଙ୍କ ନାଁ ଏବେ ବି ଭୋଟର ଲିଷ୍ଟରେ ଅଛି।
