ଛତ୍ରପୁର, ୩୦/୦୬: ଗଞ୍ଜାମ ଜିଲ୍ଲା ଚମାଖଣ୍ଡି ଥାନା ଜଗନ୍ନାଥପୁର ରେଳ ଫାଟକ ନିକଟରେ ଦୁର୍ଘଟଣା ଘଟିଛି। ଏକ ବାଇକ୍କୁ ଏକ ପିକଅପ୍ ଭ୍ୟାନ୍ ଧକ୍କା ଦେଇଛି। ଫଳରେ ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି ।
ସୂଚନାନୁଯାୟୀ, ଜଗନ୍ନାଥପୁର ରେଳ ଫାଟକ ନିକଟରେ ଏକ ମେଣ୍ଢା ବୋଝେଇ ପିକଅପ୍ ଭ୍ୟାନ୍ ଏକ ବାଇକ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ନରେନ୍ଦ୍ରପୁର ଗ୍ରାମର ଧନୁ ବଡତ୍ୟାଙ୍କର ମୃତ୍ୟୁ ଘଟିଛି। ଚମାଖଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ସେପଟେ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ଘାଟଣାସ୍ଥଳରେ ପହଞ୍ଚି ମୃତକଙ୍କ ପରିବାରକୁ ରେଡ୍ କ୍ରସ୍ ଫଣ୍ଡ୍ରୁ ତିରିଶି ହଜାର ଟଙ୍କା ସହିତ ନିଜ ତରଫରୁ ଦଶ ହଜାର ଟଙ୍କା ସହାୟତା କରିଛନ୍ତି ।
