ଚଳିତ ବର୍ଷ ପିତୃପକ୍ଷ ୭ ସେପ୍ଟେମ୍ବରରୁ ଆରମ୍ଭ ହେବ। ଏହା ୨୧ ସେପ୍ଟେମ୍ବର ରବିବାରରେ ଶେଷ ହେବ । ୭ ସେପ୍ଟେମ୍ବର ଦିନ ବର୍ଷର ୨ୟ ଓ ଶେଷ ଚନ୍ଦ୍ରଗ୍ରହଣ ମଧ୍ୟ ପଡୁଛି। ଜ୍ୟୋତିଷ ଗଣନାନୁସାରେ ଚଳିତ ବର୍ଷର ପିତୃପକ୍ଷ ଖୁବ୍ ଖାସ୍ । ୭ ସେପ୍ଟେମ୍ବରରେ ଚନ୍ଦ୍ରଗ୍ରହଣ ସ୍ପର୍ଶ ସମୟ ରାତି ୯ଟା ୫୮ ମିନିଟ୍ରୁ ଆରମ୍ଭ ହୋଇ ରାତି ୧ଟା ୨୭ ମିନିଟ୍ ପର୍ଯ୍ୟନ୍ତ ରହିବ। ଚନ୍ଦ୍ରଗ୍ରହଣର ପାକ ତ୍ୟାଗ ସମୟ ସ୍ପର୍ଶ ସମୟର ୯ ଘଣ୍ଟା ପୂର୍ବରୁ ଅର୍ଥାତ୍ ୧୨ଟା ୫୭ରେ ଆରମ୍ଭ ହେବ। ଏହି ସମୟରେ କୌଣସି ଶୁଭକାର୍ଯ୍ୟ କରନ୍ତୁ ନାହିଁ । ପୁଣି ୨୧ ସେପ୍ଟେମ୍ବରରେ ବର୍ଷର ଶେଷ ସୂର୍ଯ୍ୟ ପରାଗ ମଧ୍ୟ ହେବ । ମାତ୍ର ଏହା ଭାରତରେ ଦୃଶ୍ୟମାନ ହେବ ନାହିଁ । ମାତ୍ର ଚନ୍ଦ୍ରଗ୍ରହଣ ଭାରତର ଅଧିକାଂଶ ସ୍ଥାନରେ ଦୃଶ୍ୟମାନ ହେବ । ଏହି ସମୟରେ ଗର୍ଭବତୀ ମହିଳା, ଶିଶୁ, ବୟସ୍କା, ରୋଗୀ ସାବଧାନତା ଅବଲମ୍ବନ କରନ୍ତୁ । ମାନ୍ୟତାନୁସାରେ ଗୋଟିଏ ପକ୍ଷରେ ୨ଟି ଗ୍ରହଣ ଓ ପରାଗ ଶୁଭଙ୍କର ନୁହେଁ । ମାତ୍ର ଗ୍ରହଙ୍କ ଚଳନ ଦୃଷ୍ଟିରୁ କିଛି ରାଶି ବ୍ୟକ୍ତି ବିଶେଷଙ୍କୁ ଅତ୍ୟନ୍ତ ଶୁଭଫଳ ପ୍ରାପ୍ତି ହେବ ।
ଚନ୍ଦ୍ରଗ୍ରହଣ କୁମ୍ଭ ରାଶିରେ ଲାଗିବାକୁ ଯାଉଛି । ଫଳରେ ମିଥୁନ, କର୍କଟ, ବିଛା, ଧନୁ ଓ ମୀନ ରାଶି ବ୍ୟକ୍ତି ବିଶେଷଙ୍କୁ ଅଧିକ ଲାଭ ମିଳିବ । ଗୋଟିଏ ପରେ ଗୋଟିଏ ସଫଳତା ମିଳିବା ସହ ଅଟକି ଥିବା କାମ ପୂରଣ ହେବ । କର୍ମକ୍ଷେତ୍ରରେ ସଫଳତା ସହ ବ୍ୟବସାୟରେ ଉନ୍ନତି ଓ ହଠାତ୍ ଧନ ପ୍ରାପ୍ତି ହେବ ।
ଏହି ରାଶି ରୁହନ୍ତୁ ସାବଧାନ..
ସିଂହ- ଏହି ରାଶିର ବ୍ୟକ୍ତି ବିଶେଷ ସାବଧାନତା ଅବଲମ୍ବନ କରନ୍ତୁ । କିଛି ସମସ୍ୟା ଆସି ପାରେ । ବ୍ୟବସାୟରେ ମଧ୍ୟ ସମସ୍ୟା ଦେଖାଦେଇପାରେ ।
ତୁଳା- ଧନ ଖର୍ଚ୍ଚ ହୋଇପାରେ । ନୂଆ କାମ ଆରମ୍ଭ କରନ୍ତୁ ନାହିଁ ।
ମକର- ବିବାଦରୁ ଦୂରେଇ ରୁହନ୍ତୁ । ଭାବିଚିନ୍ତି କାର୍ଯ୍ୟ କରନ୍ତୁ ।
କୁମ୍ଭ- ଅଯଥା ଚିନ୍ତା ଦେଖାଦେଇପାରେ । କ୍ରୋଧକୁ ନିୟନ୍ତ୍ରଣରେ ରଖନ୍ତୁ ।
