ନୂଆଦିଲ୍ଲୀ,୧୫/୦୮: ୭୯ତମ ସ୍ୱାଧୀନତା ଦିବସ ପାଳନ କରୁଛି ଭାରତ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲାଲକିଲ୍ଲାରୁ ପତାକା ଉତ୍ତୋଳନ କରିବା ସହ ବିଭିନ୍ନ ଯୋଜନା ଘୋଷଣା କରିଛନ୍ତି । ଯୁବବର୍ଗଙ୍କ ପାଇଁ ପିଏମ୍ ବିକଶିତ ଭାରତ ରୋଜଗାର ଯୋଜନା, ଶତ୍ରୁର ଯୋଜନା ପଣ୍ଡ କରିବାକୁ ସୁଦର୍ଶନ ଚକ୍ର ମିଶନ୍ ଓ ଅନୁପ୍ରବେଶ ରୋକିବାକୁ ଡେମାଗ୍ରାଫି ମିଶନ୍ ଆରମ୍ଭ ନେଇ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ।
ବିକଶିତ ଭାରତ ରୋଜଗାର ଯୋଜନା- ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୁବବର୍ଗଙ୍କ ପାଇଁ ବଡ଼ ଘୋଷଣା କରିଛନ୍ତି । ବିକଶିତ ଭାରତ ରୋଜଗାର ଯୋଜନା ଭେଟି ଦେଇଛନ୍ତି ପ୍ରଧାନମନ୍ତ୍ରୀ । ଯୁବକଙ୍କ ପାଇଁ ୧ ଲକ୍ଷ କୋଟି ଟଙ୍କାର ଯୋଜନା ହେଉଛି ବିକଶିତ ଭାରତ ରୋଜଗାର ଯୋଜନା । ଆଜିଠୁ ଏହି ଯୋଜନା ଲାଗୁ ହୋଇଛି । ଯୁବକଙ୍କୁ ରୋଜଗାର ମିଳିବ । ସାଢେ ୩ କୋଟି ଯୁବକଙ୍କୁ ରୋଜଗାର ମିଳିବ । ଏହି ଯୋଜନା ଅଧୀନରେ, ପ୍ରଥମ ଚାକିରି ପାଇବା ଉପରେ ଯୁବକମାନଙ୍କୁ ୧୫ ହଜାର ଟଙ୍କାର ପ୍ରୋତ୍ସାହନ ରାଶି ଦିଆଯିବ। ବିକଶିତ ଭାରତ ରୋଜଗାର ଯୋଜନା ୯୯,୪୪୬ କୋଟି ରୋଜଗାର ସୃଷ୍ଟି ହେବ ।
ଆରମ୍ଭ ହେବ ସୁଦର୍ଶନ ଚକ୍ର ମିଶନ୍- ଲାଲାକିଲ୍ଲାରୁ ସୁଦର୍ଶନ ଚକ୍ର ମିଶନ ଆରମ୍ଭ ନେଇ ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ରାଷ୍ଟ୍ରୀୟ ସୁରକ୍ଷା କବଚକୁ ବିସ୍ତାର କରିବୁ । ୨୦୧୩୫ ସୁଦ୍ଧା ଗୁରୁତ୍ୱପୂର୍ଣ୍ଣ ସ୍ଥାନକୁ ସୁରକ୍ଷା କବଚ ଦେବୁ । ଶୀଘ୍ର ସୁଦର୍ଶନ ଚକ୍ର ମିଶନ ଆରମ୍ଭ କରିବାକୁ ଯାଉଛୁ । ସୁଦର୍ଶନ ଚକ୍ର ମିଶନ ପାୱାରଫୁଲ୍ ୱିପେନ୍ ସିଷ୍ଟମ ହେବ । ଶତ୍ରୁର ଆକ୍ରମଣକୁ ଏହା ବିଫଳ କରିବ । ଆଗାମୀ ୧୦ ବର୍ଷ ମଧ୍ୟରେ ରାଷ୍ଟ୍ରୀୟ ସୁରକ୍ଷା କବଚ ବିସ୍ତାର ହେବ । ଭଗବାନ୍ ଶ୍ରୀକୃଷ୍ଣଙ୍କଠୁ ପ୍ରେରଣା ପାଇ ସୁଦର୍ଶନ ଚକ୍ରର ରାସ୍ତା ବାଛିଛୁ ବୋଲି କହିଛନ୍ତି ପ୍ରଧାନମନ୍ତ୍ରୀ ।
#WATCH | Delhi: PM Modi says, "In the next ten years, by 2035, I want to expand, strengthen, and modernise this national security shield. Drawing inspiration from Lord Shri Krishna, we have chosen the path of the Sudarshan Chakra...The nation will be launching the Sudarshan… pic.twitter.com/cQRaYeSLvp
— ANI (@ANI) August 15, 2025
ଅନୁପ୍ରବେଶ ରୋକିବାକୁ ଡେମାଗ୍ରାଫି ମିଶନ୍- ଅନୁପ୍ରବେଶକାରୀଙ୍କୁ ନେଇ ଚିନ୍ତା ପ୍ରକଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସୀମାବର୍ତ୍ତୀ ଅଞ୍ଚଳରେ ଡେମୋଗ୍ରାଫି ବଦଳୁଛି । ଡେମୋଗ୍ରାଫି ବଦଳାଇବା ପାଇଁ ଷଡ଼ଯନ୍ତ୍ର ଚାଲିଛି । ଅନୁପ୍ରବେଶକାରୀମାନେ ଆମ ଯୁବକ ଯୁବତୀଙ୍କୁ ଭ୍ରମିତ କରୁଛନ୍ତି । ଅନୁପ୍ରବେଶ ରୋକିବା ପାଇଁ ବଡ଼ ପଦକ୍ଷେପ ନେବାକୁ ଯାଉଛୁ । ହାଇ ପାୱାର ଡେମୋଗ୍ରାଫି ମିଶନ୍ ଆରମ୍ଭ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଜିଏସ୍ଟିରେ ସୁଧାର, ନୂଆ ରୋଜଗାର- ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ଜିଏସ୍ଟିକୁ ନେଇ ପ୍ରଧାନମନ୍ତ୍ରୀ ବଡ଼ ଘୋଷଣା କରିଛନ୍ତି । ସେ କହିଛନ୍ତି, ଏଥରେ ଦୀପାବଳିରେ ଜନତାଙ୍କ ପାଇଁ ଖାସ୍ ଉପହାର ରହିଛି । ନୂଆ ଜିଏସ୍ଟି ରିଫର୍ମ ନେଇ ଆସିବୁ । ଜିଏସ୍ଟିରେ ସଂସ୍କାର ନୂଆ ରୋଜଗାର ସୃଷ୍ଟି କରିବ । ଜିଏସ୍ଟି ଅଧୀନରେ ଅନେକ ପ୍ରକାରର ଟିକସ ସ୍ଲାବ୍ ଅଛି, ଯାହା ସାମଗ୍ରୀ ଉପରେ ଭିନ୍ନ ଭିନ୍ନ ହୋଇଥାଏ । ନୂଆ ଜିଏସ୍ଟି ସଂସ୍କାର ଅଧୀନରେ, ଏହି ସମସ୍ତ ସାମଗ୍ରୀ ଉପରେ ଜିଏସ୍ଟି ସମୀକ୍ଷା କରାଯିବ ।
ଲାଲକିଲ୍ଲାରୁ ବଡ଼ ଘୋଷଣା ଅବସରରେ ପ୍ରଧାନମନ୍ତ୍ରୀ କହିଛନ୍ତି,'' ଗରୀବି କଣ ତାହା ମୁଁ ବହିରେ ପଢିନାହିଁ । ତାହା ଜାଣିଛି । ସରକାରରେ ଅଛି ତେଣୁ ମୋର ଚେଷ୍ଟା ରହିଛି କି ସରକାର କେବଳ ଫାଇଲରେ ନୁହେଁ, ସରକାର ଦେଶର ନାଗରିକଙ୍କ ଜୀବନରେ ରହିବା ଦରକାର । ଦଳିତ, ବଞ୍ଚିତ, ପଛୁଆ, ପୀଡ଼ିତ ସେମାନଙ୍କ ପାଇଁ ସକରାତ୍ମକ ରୂପରେ ସରକାର ପ୍ରୋ ଆକ୍ଟିଭ ରହିବା ଦରକାର । ସେହି ଦିଗରେ ନିରନ୍ତର ପ୍ରୟାସ ଚାଲୁଛି । ଆମେ ସରକାରଙ୍କ ଯୋଜନାକୁ ମାଟିରେ ଫଳାଇଛୁ । ହିତାଧିକାରୀଙ୍କ ଘରକୁ ସରକାର ଯାଉଛନ୍ତି । ସେମାନଙ୍କ ହକ୍ ଦେଉଛନ୍ତି ।''
ଲାଲକିଲ୍ଲାରେ ସବୁଠୁ ଲମ୍ବା ସମୟ ଭାଷଣ ଦେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସ୍ୱାଧୀନତା ଦିବସ ଇତିହାସର ସବୁଠୁ ଲମ୍ବା ଭାଷଣ ଦେଇଛନ୍ତି ପ୍ରଧାନମନ୍ତ୍ରୀ । ୧୦୩ ମିନିଟ୍ ଯାଏ ଦେଶବାସୀଙ୍କ ଉଦ୍ଦେଶ୍ୟରେ ସମ୍ବୋଧନ କରିଛନ୍ତି ।
