ସୁରତ : ପ୍ରସିଦ୍ଧା ହୀରା ବ୍ୟବସାୟୀଙ୍କ ପୁଅ ବାହାଘରରେ ଯୋଗ ଦେଲେ ପ୍ରଧାନମନ୍ତ୍ରୀ। ୨୮ ଅକ୍ଟୋବରରେ ଗୁଜରାଟର ସୁରତରେ ହୀରା ବ୍ୟବସାୟୀ ସାବଜୀ ଢୋଲକିଆଙ୍କ ପୁଅ ଦ୍ରବ୍ୟ ଢୋଲକିଆଙ୍କ ବିବାହ ଉତ୍ସବରେ ସାମିଲ ହୋଇଛନ୍ତି ପିଏମ ନରେନ୍ଦ୍ର ମୋଦି। ସୁରତର ସବୁଠୁ ଧନୀ ବ୍ୟବସାୟୀଙ୍କ ଏଠାରେ ଆୟୋଜିତ ବିବାହ ସମାରୋହରେ ସାମିଲ ହେବା ପାଇଁ ପ୍ରଧାନମନ୍ତ୍ରୀ ହେଲିକପ୍ଟରରେ ପହଞ୍ଚି ଥିଲେ। ଦ୍ରବ୍ୟ ଢୋଲକିଆ ଓ ଜାହ୍ନବୀଙ୍କର ବାହାଘର ଗୁଜରାଟର ଦୁଧାଲା ସ୍ଥିତ ହେତ ନୀ ହବେଲିରେ ହୋଇଛି। ପରିବାର ଦ୍ୱାରା ସେୟାର କରାଯାଇ ଥିବା ଫଟୋରେ ପିଏମ୍ ମୋଦି ନବବିବାହିତ ଯୋଡ଼ିଙ୍କୁ ଆଶୀର୍ବାଦ ଦେଉ ଥିବାର ଦେଖିବାକୁ ମିଳୁଛି।
ଆଜତକ୍ରେ ପ୍ରକାଶିତ ସୂଚନା ଆଧାରରେ, ଢୋଲକିଆଙ୍କର ଏକମାତ୍ର ପୁଅ ଦ୍ରବ୍ୟ ରିୟଲ ଇଷ୍ଟେଟ୍ ବ୍ୟବସାୟୀ ଭରତ ଚାଲୁଦିଆଙ୍କ ପୁଅ ଜାହ୍ନବୀଙ୍କୁ ବିବାହ କରିଛନ୍ତି। ହରି କୃଷ୍ଣା ଗ୍ରୁପର ଫାଉଣ୍ଡର ଓ ପ୍ରେସିଡେଣ୍ଟ ସାବଜୀ ଢୋଲକିଆ କହିଛନ୍ତି କି, ସେ ଦିଲ୍ଲୀରେ ପ୍ରଧାନମନ୍ତ୍ରୀଙ୍କୁ ଭେଟି ତାଙ୍କୁ ବିବାହକୁ ଆସିବା ପାଇଁ ନିମନ୍ତ୍ରଣ ଦେଇଥିଲେ। ଇନଷ୍ଟାଗ୍ରାମ୍ରେ ଏକ ପୋଷ୍ଟରେ ହୀରା ବ୍ୟବସାୟୀ ଲେଖିଛନ୍ତି , ଆଜି ଦ୍ରବ୍ୟ ଓ ଜାହ୍ନବୀ ସେମାନଙ୍କ ଜୀବନର ନୂଆ ଯାତ୍ରା ଆରମ୍ଭ କରୁଛନ୍ତି, ଆମେ ନିଜକୁ ଖୁବ୍ ଭାଗ୍ୟଶାଳୀ ଅନୁଭବ କରୁଛୁ କି, ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଖୁସି କ୍ଷଣରେ ଆମ ସାଥିରେ ଉପସ୍ଥିତ ରହିଛନ୍ତି।
ସାବଜୀ ଢୋଲକିଆ ଆହୁରି କହିଛନ୍ତି , ପ୍ରଧାନମନ୍ତ୍ରୀଙ୍କର ଉପସ୍ଥିତି ଓ ନବବିବାହିତ ଯୋଡ଼ିଙ୍କ ପାଇଁ ତାଙ୍କର ଆଶୀର୍ବାଦ ଆମ ପରିବାରକୁ କୃତଜ୍ଞତା ଓ ଗର୍ବରେ ଭରି ଦେଇଛି। ଏହା ଏକ ଏମିତି ଦିନ , ଯାହାକୁ ଆମେ ସର୍ବଦା ମନେରଖିବୁ। ଏହା ସେହି ମୂଲ୍ୟକୁ ମନେପକାଏ , ଯାହାକୁ ଆମେ ଶ୍ରଦ୍ଧା , ଏକତା ଓ ପରମ୍ପରା ଭାବେ ଜାଣି ଥାଉ। ୭ ବର୍ଷର ଅପେକ୍ଷା ପରେ ଆଜି ଏହି ବିବାହ ସଂପନ୍ନ ହୋଇଛି। ଯେବେ ମୁଁ ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଲି , ତ ମୁଁ ତାଙ୍କୁ ଦୁଇ ଅବସରରେ ଆମନ୍ତ୍ରିତ କରିଥିଲି – ଗୋଟିଏ ଦୁଧଲା ଗାଁରେ ଭାରତମାତା ସରୋବରର ଉଦ୍ଘାଟନ କରିବା ପାଇଁ ଓ ଦ୍ୱିତୀୟଟି ଏହି ବିବାହ ପାଇଁ ।
ଉଲ୍ଲେଖନୀୟ ଯେ, ସାବଜୀ ଢୋଲକିଆ ସେହି ହୀରା ବ୍ୟବସାୟୀ, ଯିଏ ନିଜର କର୍ମଚାରୀଙ୍କୁ ଦୀପାବଳି ଅବସରରେ ଲକଜରୀ କାର , ଧନ ଓ ଫିକ୍ସ୍ ଡିପୋଜିଟ୍ ସହ ଅନ୍ୟ ଅସାଧାରଣ ଉପହାର ଦେବାରେ ବିଶ୍ୱ ବିଖ୍ୟାତ। ସେ ୨୦୧୭ରେ ଦୀପାବଳୀରେ ନିଜ କର୍ମଚାରୀଙ୍କୁ ୧,୨୦୦ୟୁନିଟ୍ ଡେଟସନ କାରର ଉପହାର ଦେଇଥିଲେ। ସେପଟେ ୨୦୧୬ରେ ସେ ନିଜ କର୍ମଚାରୀଙ୍କୁ ୫୧ କୋଟି ଟଙ୍କାର ଦୀପାବଳି ବୋନସ ଦେଇଥିଲେ ଏବଂ ତାଙ୍କୁ ୪୦୦ ଫ୍ଲାଟ୍ସ ସହ ୧,୨୬୦ଟି କାର ଗିଫ୍ଟ କରିଥିଲେ।
