ପାଟନା,୨୨/୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ବିହାର ଗୟାଜୀରେ ଅନେକ ପ୍ରକଳ୍ପର ଉଦଘାଟନ୍ ଓ ଶିଳାନ୍ୟାସ କରିଛନ୍ତି । ଏହା ପରେ ଏକ ଜନସଭାକୁ ସମ୍ବୋଧିତ କରିଛନ୍ତି । ଦୁର୍ନୀତିଗ୍ରସ୍ତ ନେତା ଜେଲ ଗଲେ, ତାଙ୍କ ଗାଦି ଯିବ.. ଯଦି ଜଣେ ଛୋଟିଆ କର୍ମଚାରୀକୁ ନିଲମ୍ବିତ କରାଯାଉଛି ତାହାଲେ ପ୍ରଧାନମନ୍ତ୍ରୀ କାହିଁକି ନୁହେଁ ? ଗିରଫ ହୋଇଥିବା ପ୍ରଧାନମନ୍ତ୍ରୀ-ମୁଖ୍ୟମନ୍ତ୍ରୀଙ୍କୁ ହଟାଇକୁ ଆସିଥିବା ବିଲ୍ର ସମର୍ଥନ କରି ଏଭଳି କହିଛନ୍ତି ପିଏମ୍ ମୋଦି । ଏହା ସହିତ ବିରୋଧୀ ବିଶେଷ କରି ଆରଜେଡି ଏବଂ କଂଗ୍ରେସକୁ ଟାର୍ଗେଟ୍ କରିଛନ୍ତି ପ୍ରଧାନମନ୍ତ୍ରୀ ।
ଜନସଭାକୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ଯଦି ଜଣେ ଛୋଟ ସରକାରୀ କର୍ମଚାରୀଙ୍କୁ ୫୦ ଘଣ୍ଟା ପାଇଁ ଜେଲ୍ ହୁଏ କରାଯାଏ, ତେବେ ସେ ସ୍ୱୟଂଚାଳିତ ଭାବରେ ଚାକିରି ହରାଉଛନ୍ତି, ସେ ଡ୍ରାଇଭର ହୁଅନ୍ତୁ, କ୍ଲର୍କ ହୁଅନ୍ତୁ କିମ୍ବା ପିଅନ । ସେମାନଙ୍କ ଚାକିରି ଜୀବନ ସବୁଦିନ ପାଇଁ ଶେଷ ହୋଇଛି । କିନ୍ତୁ ଜଣେ ମୁଖ୍ୟମନ୍ତ୍ରୀ, ମନ୍ତ୍ରୀ, କିମ୍ବା ପ୍ରଧାନମନ୍ତ୍ରୀ ଜେଲ୍ରୁ ମଧ୍ୟ ସରକାରରେ ରହିବାର ଆନନ୍ଦ ନେଉଛନ୍ତି ଏହା କିପରି ହେଉଛି ? କିଛି ସମୟ ପୂର୍ବରୁ, ଆମେ ଦେଖିଲୁ କିପରି ଜେଲ୍ରୁ ଫାଇଲ୍ ସ୍ୱାକ୍ଷର କରାଯାଉଥିଲା ଏବଂ ଜେଲ୍ରୁ କିପରି ସରକାରୀ ନିର୍ଦ୍ଦେଶ ଦିଆଯାଉଥିଲା । ଯଦି ନେତାମାନଙ୍କର ଏପରି ମନୋଭାବ ଥାଏ, ତେବେ ଆମେ କିପରି ଦୁର୍ନୀତି ବିରୁଦ୍ଧରେ ଲଢ଼ିପାରିବା ? NDAସରକାର ଦୁର୍ନୀତି ବିରୁଦ୍ଧରେ ଏକ ଆଇନ ଆଣିଛି, ଏବଂ ପ୍ରଧାନମନ୍ତ୍ରୀ ମଧ୍ୟ ଏହାର ପରିସରଭୁକ୍ତ...। ସମ୍ବିଧାନ ସମସ୍ତ ଜନ ପ୍ରତିନିଧିଙ୍କଠୁ ସଚ୍ଚୋଟତା ଓ ପାରଦର୍ଶିତା ଆଶା କରୁଛୁ । ଆମେ ସମ୍ବିଧାନର ସୀମା ଉଲ୍ଲଘଂନ ହେଉଥିବା ଦେଖିପାରିବା ନାହିଁ । "
#WATCH | PM Narendra Modi says, "... If a government employee is imprisoned for 50 hours, then he loses his job automatically, be it a driver, a clerk or a peon. But a CM, a Minister, or even a PM can enjoy staying in the government even from jail... Some time ago, we saw how… pic.twitter.com/1iY1hXr3Xp
— ANI (@ANI) August 22, 2025
ବିରୋଧୀଙ୍କ ଉପରେ ବର୍ଷିଲେ- ବିହାରରୁ ବିରୋଧୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିରୋଧୀଙ୍କୁ ଟାର୍ଗେଟ କରି ସେ କହିଛନ୍ତି,''ଆରଜେଡି, କଂଗ୍ରେସ ଏବଂ ବାମପନ୍ଥୀ ଦଳଗୁଡ଼ିକ ଏହି ଆଇନକୁ ବିରୋଧ କରୁଛନ୍ତି । ସେମାନେ ବହୁତ କ୍ରୋଧିତ । ସମସ୍ତଙ୍କୁ ଜଣା ସେମାନେ ଭୟ କରନ୍ତି ?...ସେମାନେ ଭାବନ୍ତି ଯେ ଯଦି ସେମାନେ ଜେଲ ଯାଆନ୍ତି, ତେବେ ସେମାନଙ୍କର ସ୍ୱପ୍ନ ଭାଙ୍ଗିଯିବ... ସେମାନେ ଏତେ ବିଚଳିତ ଯେ ସେମାନେ ଏକ ସାଧାରଣ ସ୍ୱାର୍ଥ ସମ୍ପନ୍ନ ଆଇନକୁ ବିରୋଧ କରୁଛନ୍ତି। ଆମ ଦେଶରେ, କଂଗ୍ରେସ ହେଉ କି ଆରଜେଡି, ସେମାନଙ୍କର ସରକାର କେବେବି ସାଧାରଣ ଟଙ୍କାର ମୂଲ୍ୟ ବୁଝି ନାହାଁନ୍ତି । ସେମାନଙ୍କ ପାଇଁ ସାଧାରଣ ଟଙ୍କା କେବଳ ସେମାନଙ୍କର ରାଜକୋଷ ପୂରଣ କରିବା ପାଇଁ ହୋଇଛି। ଏହି କାରଣରୁ ସେମାନଙ୍କ ସରକାରରେ ବର୍ଷ ବର୍ଷ ଧରି ପ୍ରକଳ୍ପଗୁଡ଼ିକ ସମ୍ପୂର୍ଣ୍ଣ ହୋଇନଥିଲା । ଆରଜେଡି ଏବଂ ତାର ସହଯୋଗୀମାନେ ବିହାରର ଲୋକମାନଙ୍କୁ କେବଳ ନିଜର ଭୋଟ ବ୍ୟାଙ୍କ ଭାବନ୍ତି । ରାଜ୍ୟରେ ସମସ୍ତେ ଜାଣନ୍ତି ଆରଜେଡି ନେତାମାନେ ସର୍ବଦା ଦୁର୍ନୀତିରେ ଜଡିତ । "
#WATCH | PM Narendra Modi says, "RJD, Congress, and Left parties are opposing this law. They are very angry. Who doesn't know what they are afraid of?... They think that if they go to jail, all their dreams will be shattered... They are so rattled that they are opposing a law… https://t.co/oeY3q6X9il pic.twitter.com/kxQfXgJ8Ow
— ANI (@ANI) August 22, 2025
