ନୂଆଦିଲ୍ଲୀ,୨୮/୦୩; ବିମାନ ସେବାକୁ ବଳ । ନୋଏଡା ଅନ୍ତର୍ଜାତୀୟ ବିମାନବନ୍ଦରର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ମୋଦି ।  ୧୧ ହଜାର ୨୦୦ କୋଟି ଟଙ୍କାରେ ନିର୍ମିତ ଉତ୍ତର ପ୍ରଦେଶରେ ଭାରତର ସର୍ବବୃହତ ଅତ୍ୟାଧୁନିକ ଏୟାରପୋର୍ଟ । ବର୍ଷକୁ ୭ କୋଟି ଲୋକଙ୍କୁ ମିଳିବ ଯାତାୟତ ସୁବିଧା । ଜେୱାରକୁ ଦେଶର ସର୍ବବୃହତ ବିମାନ ଚଳାଚଳ କେନ୍ଦ୍ର କରିବା ଲକ୍ଷ୍ୟ ରଖାଯାଇଛି । ବିମାନ ବନ୍ଦରରେ ୩,୯୦୦ ମିଟର ରନୱେ ରହିଛି । ୫ ଅନ୍ତର୍ଜାତୀୟ ବିମାନବନ୍ଦର ଥିବା ପ୍ରଥମ ରାଜ୍ୟ ହୋଇଛି ଉତ୍ତରପ୍ରଦେଶ ।

ଏହା ବି ପଢନ୍ତୁ...ମୃତ୍ୟୁକୁ ଛୁଇଁକି ଆସିଲେ ୧୬୧ ଯାତ୍ରୀ ! ଆଇଜିଆଇ ଏୟାରପୋର୍ଟରେ ବିମାନର ଏମରେଜେନ୍ସିଂ' ଲ୍ୟାଣ୍ଡିଂ

ବିମାନ ବନ୍ଦର ଉଦଘାଟନ କରି ପ୍ରଧାନମନ୍ତ୍ରୀ କହିଛନ୍ତି," ବିଶ୍ୱ ସଙ୍କଟ ସମୟରେ ବି ଭାରତ ତାର ଦ୍ରୁତ ବିକାଶ ଜାରି ରଖିଛି । ପଶ୍ଚିମ ଉତ୍ତର ପ୍ରଦେଶରେ, କିଛି ସପ୍ତାହ ମଧ୍ୟରେ ସମାପ୍ତ ହୋଇଥିବା ଚତୁର୍ଥ ପ୍ରମୁଖ ପ୍ରକଳ୍ପ । ନୋଏଡାରେ ଏକ ବିଶାଳ ସେମିକଣ୍ଡକ୍ଟର କାରଖାନା ଉଦଘାଟନ କରାଯାଇଥିଲା । ଦେଶର ପ୍ରଥମ ଦିଲ୍ଲୀ-ମେରଠ ନମୋ ଭାରତ ଟ୍ରେନକୁ ଗତି ମିଳିଥିଲା । ଆଜି ନୋଏଡା ଅନ୍ତର୍ଜାତୀୟ ବିମାନବନ୍ଦର ଉଦଘାଟନ କରାଯାଇଛି । ଏହି ପ୍ରକଳ୍ପ ୟୁପିର ବିକାଶ ପାଇଁ 'ଡବଲ-ଇଞ୍ଜିନ' ସରକାରଙ୍କ ପ୍ରୟାସର ପ୍ରମାଣ । ସେମିକଣ୍ଡକ୍ଟର କାରଖାନା ଭାରତକୁ ପ୍ରଯୁକ୍ତିବିଦ୍ୟାରେ ଆତ୍ମନିର୍ଭରଶୀଳ କରୁଛି, ମେରଠ ମେଟ୍ରୋ ଏବଂ ନମୋ ଭାରତ ରେଳ ଦ୍ରୁତ, ସ୍ମାର୍ଟ ସଂଯୋଗ ପ୍ରଦାନ କରୁଛି । ଏହି ଜେୱାର ବିମାନବନ୍ଦର ସମଗ୍ର ଉତ୍ତର ଭାରତକୁ ବିଶ୍ୱ ସହିତ ସଂଯୋଗ କରୁଛି । ଏହିଠାରୁ, ପ୍ରତି ୨ ମିନିଟ୍ ରେ ବିମାନ ଉଡ଼ିବ । ପୂର୍ବରୁ, ସମାଜବାଦୀ ପାର୍ଟି ନିଜ ଲାଭ ପାଇଁ ନୋଏଡାକୁ 'ATM' ଭାବରେ ବ୍ୟବହାର କରୁଥିଲା, କିନ୍ତୁ ବିଜେପି ସରକାର ଅଧୀନରେ, ନୋଏଡା ୟୁପିର ବିକାଶର ଇଞ୍ଜିନ ପାଲଟିଛି। "