Modi In Indonesia: ବିଶ୍ୱ ଦରବାରରେ ଚମକିଲେ ପ୍ରଧାନମନ୍ତ୍ରୀ, ମିଳିଲା ଇଣ୍ଡୋନେସିଆର ସର୍ବୋଚ୍ଚ ସମ୍ମାନ

ନୂଆଦିଲ୍ଲୀ, ୭।୭: ବିଶ୍ୱ ମଞ୍ଚରେ ଭାରତର ବଢୁଥିବା ସାଖ୍ୟ ଏବଂ କୂଟନୈତିକ ସଫଳତା ପୁଣି ଥରେ ପ୍ରମାଣିତ ହୋଇଛି । ଭାରତ ଏବଂ ଇଣ୍ଡୋନେସିଆ ମଧ୍ୟରେ ଥିବା ସୁଦୃଢ଼ ଐତିହାସିକ ଓ ରଣନୀତିକ ସମ୍ପର୍କକୁ ଏକ ନୂଆ ଦିଗ ଦେଇ, ଇଣ୍ଡୋନେସିଆର ରାଷ୍ଟ୍ରପତି ପ୍ରବୋବୋ ସୁବିଆନ୍ତୋ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସେହି ଦେଶର ସର୍ବୋଚ୍ଚ ନାଗରିକ ସମ୍ମାନ 'ଇଣ୍ଡୋନେସିଆ ଗଣରାଜ୍ୟର ବିଣ୍ଟାଙ୍ଗ ଆଦିପୂର୍ଣ୍ଣ' ପଦକରେ ସମ୍ମାନିତ କରିଛନ୍ତି । ଏହି ଆନ୍ତର୍ଜାତୀୟ ସମ୍ମାନ କେବଳ ପିଏମ ମୋଦୀଙ୍କ ସଶକ୍ତ ନେତୃତ୍ୱକୁ ଦର୍ଶାଉନାହିଁ, ବରଂ ବିଶ୍ୱ ସ୍ତରରେ ଭାରତର ବଢୁଥିବା ପ୍ରଭାବକୁ ମଧ୍ୟ ପ୍ରତିପାଦିତ କରୁଛି । ନିକଟରେ ସେସେଲ୍ସ ମଧ୍ୟ ପ୍ରଧାନମନ୍ତ୍ରୀଙ୍କୁ ନିଜର ସର୍ବୋଚ୍ଚ ସମ୍ମାନ 'ଗାର୍ଡିଆନ୍ ଅଫ୍ ଦି ବ୍ଲୁ ହୋରାଇଜନ୍' ପ୍ରଦାନ କରିଥିଲା ।

ଏହା ବି ପଢ଼ନ୍ତୁ... PM Modi Indonesia Visit: ଭାରତ-ଇଣ୍ଡୋନେସିଆ ମଧ୍ୟରେ ବ୍ରହ୍ମୋସ ଚୁକ୍ତି, MoU ସ୍ୱାକ୍ଷର କଲେ ପିଏମ୍ ମୋଦୀ

ପୂର୍ବରୁ ମଧ୍ୟ ମିଳିଛି ଅନେକ ପ୍ରତିଷ୍ଠିତ ଅନ୍ତର୍ଜାତୀୟ ସମ୍ମାନ:

ଏହା ପ୍ରଥମ ଥର ନୁହେଁ ଯେ କୌଣସି ବିଦେଶୀ ରାଷ୍ଟ୍ର ପିଏମ ମୋଦୀଙ୍କୁ ନିଜର ସର୍ବୋଚ୍ଚ ରାଷ୍ଟ୍ରୀୟ ସମ୍ମାନରେ ସମ୍ମାନିତ କରିଛି । ଗତ କିଛି ବର୍ଷ ମଧ୍ୟରେ ଦୁନିଆର ଅନେକ ପ୍ରମୁଖ ଦେଶ ତାଙ୍କୁ ନିଜର ଶୀର୍ଷ ନାଗରିକ ଏବଂ ସାମରିକ ସମ୍ମାନ ପ୍ରଦାନ କରିଛନ୍ତି । ଏହି ବର୍ଷ ମେ ମାସରେ ମଧ୍ୟ ଜାତିସଂଘର ସଂସ୍ଥା 'ଖାଦ୍ୟ ଏବଂ କୃଷି ସଂଗଠନ' (FAO) ଦ୍ୱାରା ରୋମ୍ଠାରେ ପ୍ରଧାନମନ୍ତ୍ରୀଙ୍କୁ ପ୍ରତିଷ୍ଠିତ 'ଏଗ୍ରିକୋଲା ମେଡାଲ୍' ପ୍ରଦାନ କରାଯାଇଥିଲା ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମିଳିଥିବା ପ୍ରମୁଖ ଆନ୍ତର୍ଜାତୀୟ ପୁରସ୍କାରର ସମ୍ପୂର୍ଣ୍ଣ ତାଲିକା: