ନୂଆଦିଲ୍ଲୀ,୨୯/୦୮: ବିଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆମେରିକା ସହ ଟାରିଫ୍ ବିବାଦ ଭିତରେ ୨ ଦିନିଆ ଜାପାନ ଗସ୍ତ କରିଛନ୍ତି ପ୍ରଧାନମନ୍ତ୍ରୀ । ସକାଳୁ ଜାପାନରେ ପହଞ୍ଚିଛନ୍ତି ମୋଦି । ଟୋକିଓରେ ପ୍ରବାସୀ ଭାରତୀୟ ତାଙ୍କୁ ଭବ୍ୟ ସ୍ୱାଗତ କରିଛନ୍ତି । ୧୫ତମ ଭାରତ-ଜାପାନ ଶିଖର ସମ୍ମିଳନୀରେ ସାମିଲ ହେବେ ପିଏମ୍ ମୋଦି । ଜାପାନ ପରେ ଚୀନ ଗସ୍ତ କରିବେ ପ୍ରଧାନମନ୍ତ୍ରୀ ।
#WATCH | Tokyo | Indian diaspora extends a warm welcome to PM Modi on his arrival in Japan.
— ANI (@ANI) August 29, 2025
(Source: DD News) pic.twitter.com/Zh68JI431r
ପ୍ରଧାନମନ୍ତ୍ରୀଙ୍କ ଏହି ଗସ୍ତର ମୁଖ୍ୟ ଉଦ୍ଦେଶ୍ୟ ହେଉଛି ଦ୍ୱିପାକ୍ଷିକ, ରଣନୈତିକ ଏବଂ ଅର୍ଥନୈତିକ ସମ୍ପର୍କକୁ ସୁଦୃଢ଼ କରିବା । ଆମେରିକାର ଶୁଳ୍କ ବିବାଦ ମଧ୍ୟରେ ଏହି ଗସ୍ତକୁ ବହୁତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି । ପ୍ରଥମେ, ପ୍ରଧାନମନ୍ତ୍ରୀ ମୋଦି ଜାପାନରେ ପହଞ୍ଚିଛନ୍ତି । ଏଠାରେ ୧୫ତମ ଭାରତ-ଜାପାନ ବାର୍ଷିକ ଶିଖର ସମ୍ମିଳନୀରେ ଯୋଗ ଦେବେ । ଜାପାନ ପ୍ରଧାନମନ୍ତ୍ରୀ ଶିଗେରୁ ଇଶିବାଙ୍କ ନିମନ୍ତ୍ରଣରେ ଏହି ଗସ୍ତ କରିଛନ୍ତି ପିଏମ୍ । ଦୁଇଜଣଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ବିଷୟରେ ଦ୍ୱିପାକ୍ଷିକ ଆଲୋଚନା ହେବ ।
ରଣନୈତିକ ଏବଂ ଆର୍ଥିକ ସହଭାଗୀତା ଉପରେ ଧ୍ୟାନ- ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଏହି ଗସ୍ତରେ ଦୁଇ ଦେଶ ମଧ୍ୟରେ ରଣନୈତିକ ଏବଂ ବିଶ୍ୱ ସହଭାଗୀର ପରବର୍ତ୍ତୀ ପର୍ଯ୍ୟାୟ ଉପରେ କାର୍ଯ୍ୟ କରିବେ । ଏଥିରେ ବାଣିଜ୍ୟ, ନିବେଶ ଏବଂ ପ୍ରତିରକ୍ଷା ସମ୍ପର୍କ ବୃଦ୍ଧି କରିବା ସହିତ କୃତ୍ରିମ ବୁଦ୍ଧିମତ୍ତା (AI) ଏବଂ ସେମିକଣ୍ଡକ୍ଟର ଭଳି ନୂଆ ପ୍ରଯୁକ୍ତିବିଦ୍ୟାରେ ସହଯୋଗ ବିସ୍ତାର କରିବା ଅନ୍ତର୍ଭୁକ୍ତ ହେବ ।
ସାଂସ୍କୃତିକ ସମ୍ପର୍କକୁ ମଜବୁତ କରିବା- ଗସ୍ତକୁ ନେଇ ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି, ଏହି ଗସ୍ତ ଭାରତ ଏବଂ ଜାପାନ ମଧ୍ୟରେ ସଭ୍ୟତାଗତ ବନ୍ଧନ ଏବଂ ସାଂସ୍କୃତିକ ସମ୍ପର୍କକୁ ଆହୁରି ମଜବୁତ କରିବାର ଏକ ସୁଯୋଗ ହେବ । ୨ ଦିନିଆ ଜାପାନ ଗସ୍ତ ପରେ, ୩୦ ଅଗଷ୍ଟରୁ ୧ ସେପ୍ଟେମ୍ବର ଯାଏ ଚୀନ ଗସ୍ତ କରିବେ । ଏଠାରେ ସେ ରାଷ୍ଟ୍ରପତି ସି ଜିନପିଙ୍ଗଙ୍କ ନିମନ୍ତ୍ରଣରେ ତିଆନଜିନରେ ସାଂଘାଇ ସହଯୋଗ ସଂଗଠନ (SCO)ର ୨୫ତମ ବୈଠକରେ ଯୋଗ ଦେବେ । ୭ ବର୍ଷ ମଧ୍ୟରେ ମୋଦିଙ୍କର ଏହା ପ୍ରଥମ ଚୀନ ଗସ୍ତ ହେବ । ଏଥିରେ, "ମେକ୍ ଇନ୍ ଇଣ୍ଡିଆ" ପଦକ୍ଷେପକୁ ସୁଦୃଢ଼ କରିବା ପାଇଁ ବିଶ୍ୱ ସମର୍ଥନ ସଂଗ୍ରହ ଉପରେ ଗୁରୁତ୍ୱ ଦିଆଯିବ ।
ଟୋକିଓରେ ଭବ୍ୟ ସ୍ୱାଗତ- ୨ ଦିନିଆ ଜାପାନ ଗସ୍ତରେ ଥିଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ରାଜଧାନୀ ଟୋକିଓରେ ପାରମ୍ପରିକ, ଭବ୍ୟ ସ୍ୱାଗତ କରାଯାଇଛି । ହାତରେ ତ୍ରିରଙ୍ଗା ଧରି ପ୍ରବାସୀ ଭାରତୟୀ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିଛନ୍ତି । ସେଠାକାର କଳାକାର ଭାରତୀୟ ରୀତିନୀତି ଏବଂ ପରମ୍ପରା ଅନୁସାରେ ଗ୍ରାଣ୍ଡ ୱେଲକମ କରିଛନ୍ତି । ମୋଦିଙ୍କୁ ବିଶ୍ୱର ଏକ ବ୍ରାଣ୍ଡ କହି ପ୍ରଶଂସା କରିଛନ୍ତି ପ୍ରବାସୀ ଭାରତୀୟ ।
